عبدالله مطلق القحطاني
باحث ومؤرخ وكاتب
(Abduallh Mtlq Alqhtani)
الحوار المتمدن-العدد: 7900 - 2024 / 2 / 27 - 00:24
المحور:
مقابلات و حوارات
وين الخلل ؟؟؟
ناصر الدوسري :
أخ عبدالله
السلام عليكم ورحمة الله وبركاته
أنا بديت كلامي بالسلام مع إني ماني عارف أنت مسلم
أو أحد الملاعين العلمانيين بس المغضوب عليهم من الحكومة
أو أنت نصراني كفرت بالإسلام بس أكيد ما أنت من الربع المتصهينين بالبلد
ليش بديت كلامي جذا؟
أنا قبل ليلتين بالضبط عرفت موقعك ومقالاتك وحتى اسمك في منصة X (توتير)
حصلت واحد ما عرفت له هو يمدحك أو يسبك
وحاط رابط مقال لك ولفت نظري صورتك بالشماغ والعقال
واسم الموقع الحوار المتمدن لأني أعرف الموقع أنه ممنوع ومحجوب أصلا في السعودية
من سنين طويلة فوق 15 سنة
استغربت بصراحة
اسم بدوي وقبيلي ويكتب بموقع شيوعي أولا وان كان ثانيا ينشر للجميع في الغالب
قلت خلني اقرأ المقال
وكان عن القواسم الجلية بين داعش والسعودية من عشرة سنين تقريبا
وبعدها بديت أقلب موقعك ومقالاتك ساعات وأمس واليوم
وعلشان كذا ما عرفت ملة أبو عقيدتك وش هي؟
بس تبي العِلمّ اللي يجمد على الشارب ؟
والله أنك رجال كفو علمك غانم
مع أن بعض مقالاتك كفر وبعضها زندقة واختلاط
بس موضوعك الأخير عن الإيجار بصراحة مشكلة كلنا أصابتنا نارها
وحسبي الله على من كان السبب
#حساب_المواطن كان العام الأول ٣٦٠ ريال
وصاحب البيت كان يطلب ٤٠٠ ريال إيجار الغرفة
مع الغلاء الفاحش ورفع أسعار كل شيء
الحكومة لمدة سنة رفعت #حساب_المواطن إلى ٧٢٠ ريال لنهاية العام والله العالم وش بعدها
المصيبة صاحب البيت رفع الإيجار إلى ٧٥٠ ريال
يعني بالله هذي حالة ما عندي دخل الا حساب المواطن
والضمان الإجتماعي قطعوه عني مثلك
وقدمت اعتراض ورفضوه
وقدمت من جديد قبل أسبوع والله العالم متى يقبلون طلبي
وهل يقبل أو لا
وراحت علي مكرمة رمضان وثلاث أشهر قبلها وشهرين بعدها
الحين يا عبدالله
رفع الإيجار خلل من الحكومة؟
أو من مالك العقار السعودي ؟
أو من مالك العقار الوافد؟ تخبر من حقه بخشم الريال يشتري عقارات ويأجر؟
أو تهقى من المتستر عليه تجاريا من الوافدين الي شغالين
باسم الكفيل السعودي بمكاتب عقار
ويستثمر العماير كلها كامل ترميم
إيجار مدة طويلة من الباطن ويأجرها ويرفع الإيجار؟
هذي فالحين فيها من سنين
وين الخلل طال عمرك يا ولد مطلق ؟؟
*****
أستاذ ناصر
أشكرك لتكرمك بالقراءة وللتفاعل
وأنا سعيدٌ لهذه ولأنك ( من عيال البلد )
من الصعب الإجابة على سؤالك الشائك!
رغم أنه من السهل الممتنع
لكن سأصدقك القول
الخلل هو بي أنا
وبأمثالي من الذين لم يستغلوا الفرصة مبكرًا
ويتركوا مُسْتَنْقَعًا قَذِرًا نَتِنًا _ شاءت أقدار الذي استوى على عرشه ونسي خلقه _ أن نُولَدَ به!
تبًّا لهذا المستنقع القذر
شُكرًا لك ثانية.
#عبدالله_مطلق_القحطاني (هاشتاغ)
Abduallh_Mtlq_Alqhtani#
كيف تدعم-ين الحوار المتمدن واليسار والعلمانية
على الانترنت؟
اليوتيوب
لينكدإن
تيلكرام
تمبلر
بلوكر
الموبايل
إضافة إلى المفضلة
للاتصال بالكاتب-ة
