لا مناص من استحداث برنامج اسخف واتفه سياسي عراقي لان الوقت ينفذ منا والوجوه كثيرة والمنافسة ستكون شيقة جدا واضمن بان فترة عرض البرنامج سيكون العراقيين اجمعهم مسمرين امام شاشات التلفزيون ليسمعوا ويشاهدوا من سيكون حامل تاج السخافة والتفاهة من هؤلاء السياسيين الذين زكموا انوف الناس وعفنوا الاجواء العراقية بكلام سخيف وكأنهم يعيشون في بلد ديمغراطي كالعراق ياسين مجيد وصالح المطلك وسامي العسكري وعشرات اخرون هم ابطال بمعنى الكلمة ولو ان القائد الضرورة على قيد الحياة اكيد سمنحهم وسام شرف عالي المستوى هو من يحترمك يا ياسين مجيد حتى تعتبر ان الاتفاقية جرت بغياب العراق وهو انت ورئيسك منو وشنو دوركم بالاعراب بوجود اسيادكم في تهران انك وامثالكم لا محل لهم في الاعراب لانكم تافهون ولا يوجد احد من يحترمكم اصلا حتى يحسب لكم وجود تحياتي استاذ محمد
قبل يومين على قناة BBC كان موضوع التاجر الذي احتال على الحكومة العراقية وعدد من الحكومات ببيع اجهزة على انها لكشف المتفجرات لكن الحقيقة وكما نطقتها المذيعة هي اجهزة البحث عن كرات الكولف GOLF BALL FINDER هذا هو اسمها والعن ابو كل واحد يدعي الدين والتدين وساكت عن الحق تحياتي
لمعلوماتك استاذ محمد هذا المعمم كشف معلومة كلش خطيرة وكانت سرية لفترة طويلة وهي ان الامام الحسين هو المالك الاصلي لشركة western union وهذا المعمم سوف يعاقب اشد العقاب من جانب المراجع الدينية العظام لكشفه هذه الحقيقة التي استطاعوا اخفاؤها لسنوات عديدة تحياتي وللاود الملحة اللي كاعدين يبجون
لازم هذا الشيخ او الملا متأثر جدا بافلام الخيال العلمي والاليانز شنو محمد واصحابه ما عدهم شغل يلتهون غير باهل الموثل وكركوك لعد ليش محمد ما ظهر غضبه من اللي ديصير بالمسلمين بجنوب شرق اسيا لو هناك مو عرب ؟؟؟؟
هل حقا تلوح في الافق دولة باسم دولة كوردستان ؟ هل حقا سنبني دولة ديمقراطية ؟ هل هناك حقا حرية للاعلام والصحافة في كوردستان او انها سوف تكون في المستقبل؟ هل حقا ستم تداول السلطة بطريقة ديمقراطية في المستقبل؟ هل حقا سيتم توزيع الثروات على ابناء الشعب في المستقبل مع الاحتفاظ ما يمكن حفظه للاجيال القادمة؟ هل وهل وهل ......... اسئلة كثيرة تدور في رأس الموطن الكوردي البسيط قبل المثقف مطلوب الاجابة عنها لكن من الذي سوف يجيب ؟ نتمنى ان نحمل جواز سفر كوردي حر في دولة مستقلة حرة لمواطنين يفتخرون بانتمائهم لهذا البلد الجريح انتماء للوطن وليس للحزب او لشخص . في رأي المتواضع ان كل كوردي يحترق على وطنه الضائع ولو وضع في موضع القرار فسوف يقدم الغالي والنفيس لاجل كوردستان
هو بقى شي بيه خير حتى نكول القضاء بخير بهذا البلد شو من البداية مدحت المحمود بجيب الخردة(طبعا جيب الخرة مابقت من الثمانيات) مال المالكي والا بس طلع التصويت مال البرلمان على تحديد الولايات الثلاث طلعوا ابواق دولة المفسدين يكولون القضاء راح يطعن بالقرار ,يعني مبينه السالفة لو ما متأكدين من القضاء ميكدرون يصرحون هالتصريحات مو لو مو مو تحياتي
هو بس هذا الشلاه اللي يتفلسف بكلام هو ما يفهمها مو كلهم اعضاء دولة اللاقانون نفسم النمط ياهو تلزمه يحجي كلام اكبر من راسه من زعيمهم اللي صار سبع سنوات يثرم كلام كبير براسنه الى الصيهود ابو التصريحات النارية ولا حنان الفتلاوي اللي كلامها يضحك حتى الحمار و.. و....و خليها سكته استاذ محمد مو ملينه من هالزمرة اللي وسخوا كلشي حلو بالعراق
هؤلاء عمالقة الفن في العراق الجديد فنانين في طرق السرقة كل واحد منهم مبدع في الدور المكلف به حقيقة نجرلهم اذن لان شغل عدل وطبعا جزء كبير من ابداعاتهم هي الشعارات البراقة والكلمات الرنانة التي يضحكون بها على اولاد الملحة اللي تعرفهم جنابك استاذ محمد . واكثر شعار ضحك بيه علينا ذاك اللي كال الايد اللي تتوضى ما تبوك وهو واحد من اللي كتب السيناريو للمسرحية السخيفة اللي نعيش مرارتها تحيتي
لو قلت ان مقالتك رائعة فانني اظلم كلماتك الكبيرة بحق استاذنا ان كتاباتك تمثل صوت العقل والضمير البعيد عن كل ما هو مبتدع في هذا المجتمع الذي لا اعرف الطريقة الصحيحة والكلمة الحقة في وصفه . نعم شعب جبان وانا انضم اليك .نعم اننا لا نستحق هذا التاريخ العريق لبلاد ما بين النهرين حضارتنا وتطورنا وتقدمنا اصبح مرتبط بعمامة ولفة يقودون هذا القطيع الى حين لا يدري . رحم الله كارل ماركس واسكنه فسيح جناته حين قال ان الدين افيون الشعوب واذا لم يصدق احد هذه المقولة فما عليه ان ان يفتح احد قنوات اللطم العراقية
استاذ محمد والله مدري شلون تفكرون عمي يا زراعة ويا صناعة واحنا عدنا جار عزيز وكلبه عالعراق تكول كلب والده على ولها عدنا ايران اللي تصدر كلشي النا وما يحتاج نتعب او نصرف مصاريف ما الها لزمه ايران دا تصدر النا من الابرة الى المفخخات والعبوات الاصقة والاهم ايران دا تلبي حاجة نسبة ضخمة من الشعب العراقي من خلال تجهيز وتدريب ومن ثم تصدير المرجعية الدينية اللي هي خيمة على كل العراقيين شيعه وسنه وعربا وكوردا وتركمانا حتى جماعة الاديان الاخرى شملهم محبة الاخوة الايرانيين يعني اولاد الملحة الي تحجي باسمهم مرتاحين كلش لان امهم واوبهم ايران وفرت الهم كلشي وما بقت بنفسهم حسرة على اي شي تحياتي
كل واحد من موقعه صاير حرامي بالعراق اكيد هناك وكلاء للمواد للحصة التموينية سراق وهم بالاحرى مقلدين لاصحابهم الاكبر مركزا منهم بس اعتراضي على جملة ان (كراسيهم ما بيها صمغ) وانا اكول كراسيهم بيها صمغ خاص وما راح نتخلص من ذولي الوجهه اللي تضحك علينا لان مع احترامي للكثيريين بس احنا شعب راح نروح على الصناديق ونتخبهم نفسهم لان احنا شعب غشيم وما يفكر ودائما نترك التفكير للشيخ والمرجع يفكر بمكانه بالمختصر ذولي باقين لا واللي يعجبك محد منهم يموت اشو من 2003 ولحد هسه ما سمعنا نائب مات او وزير مات كلهم باقين وصدقني استاذ محمد اذا هالمرة فازوا فعوافي عليهم واللي يسوا بهذا الشعب لان يستاهل تحياتي الك
بداية اخي محمد اشتقنا لكتاباتك الرائعة . النائب اعلاه يوجهه كلامه ان الناس البسطاء الذين يعتبرون الحكومة الحالية لصاحبها ابو اسراء حامي الحمى والمدافع الاول والاخير عن حقوقهم المسلوبة من الاحزابالسياسية التي تعارض الاله. هذا ضحك على الذقون يقال ان العراق اشترى السلاح الروسي ليقدمه هدية الى بشار الاسد لان الاخير عليه حظر دولي يعني يا صيهود روح اضحك على اللي انتخبك وخلاك تحجي بالاعلام استحي من العكال اللي تلبسه وكافي كذب
هذا ما يسمى تصريحات للاستهلاك المحلي حيث ان اولاد الملحة دائما بحاجة الى موضوع لكي يتسامروا به في جلساتهم وهذا موضوع جيد حيث انهم سوف يحلمون بالمبلغ وماذا سوف يفعلون به وباي زاوية سوف يصرفون هذا المبلغ لكن وللاسف في النهاية هو مجرد حلم بـــــــــــــــــــــــــــــــــــــسيط جدا لهم ومن عاشر المستحيلات التحقيق. تحياتي
اي خبرة سوف يجدها الموريتانيين من العراقيين؟ اهي الطرق الحديثة في مكافحة الارهاب ام انهم بحاجة الى خبراء في صناعة السيارات المفخخة والاغتيالات بكواتم الصوت؟ هذا ما يبدع فيه الكثير من عناصر(الدعوجية )الحاكمة او انهم بحاجة الى عدد من الملالي لتعليم الاخوة الموريتانيين احدث الطرق في اللطم والتطبير ام انهم بحاجة الى بعض ما تجود به حكومة المالكي من الدولارات الخضراء من المنظقة الخضراء؟
على اساس دولة القانون ماكو هيج وطنين مشرميها لك يا كمال الساعدي يا مدري انت من وين اجيتنه جان استحيت على نفسك شوية ولك انتو كلكم ارقام يم ملالي قم وطهران من العن ابو ذاك اليوم اللي لفتكم علينا امريكا وايران ولك انتو حتى اسم العراق لطختوا ولك حتى اسم الدين وسختوا لك استحوا كافي عاد
اتفق معك اخي محمد ان الذي يشاهد الفلم المذكور يجده اتفه من ان يعلق عليه فليس فيه اي مقومات الفلم وحتى هواة اليوتوب يبدعون في افلامهم القصيرة اكثر من هذا الفديو.
اما موضوع غدر هذه الامة التي تسمي نفسها بالامة العربية حقيقة اخي محمد يجب اعادة النظر في ما بسمى الاخلاق والقيم العربية والاسلامية فتاريخ الاخوة العرب عبارة عن صفحات طويلة من الغدر والطعن والخيانة حتى موضوع الكرم الذي تتطرقت اليه قبلا لم نجد غير حاتمهم الذي يفتخرون به . امة دابت على اغتيال كل من يعارضهم وباسم الدين ابتدأها اشرفهم فاصبحت سنة محببة . النبي اوصى بالجار خيرا حتى اعتقد الناس من اصحابه ان الجار بمنزلة الاخ وسنة للنبي الابن المراهق او ما يعاكس هي ابنة الجار. والقائمة تطول وتطول ومسألة # كنتم خير امة اخرجت للناس # بحاجة الى اعادة نظر عميقة ..... تحياتي
ومن قال ان الذين ارادوا التأجيل يتحلون بالمواطنة الشريفة برأي انهم ارادوا التاجيل لانهم لن يحصلوا على قطعة من الكيكة يعني اذا ما عندي حصة بيها ما اريدها تصير
برأي ان ـاجيل المصادقة الى اشعار اخر كان في صالح الشعب المظلوم لان مبلغ ال 36 او 37 مليار سوف تذهب اغلبها الى جيوب الاشراف من الحكومة والمسعولين على تنفيذ المشاريع لذلك حل الـاجيل هو الامثل. اما على اولاد الملحة اخي محمد صارلهم سنوات عجاف على هالسالفة خليها تزيد عليها سنة او سنتين ما راح يصير شي اكبر من اللي صار مو؟؟؟
اعجبني وصيتك لاصدقائك بالتوجه الى سولاف او بيباد ... ومن العجائب الاخرى التي تخص نفس الموضوع والتي شاهدتها في دهوك فقط هو تصوير فديو لعملية الدفن حيث يرافق مصور محترف النعش من خروجه من بيته الى المقبرة . ما الغاية او الحكمة من التصوير بالفديو ؟
مع احترامي الكبير لك اخي محمد بس انت صدك واحد بطران هو انت شايف المطربين من يطلعون بالتلفزيون واحدهم الكاع ما تشيله عبالك مقدم فد خدمة الهية للمواطن بعد نجاح اغنيته. ذولي المطربين ركبوا الموجة مال المسوؤليين وواحدهم همه بس حفلات الناس الهاي لايف يا اولاد الملحة يا بطيخ فلوووووس فلوووووس اخي محمد اني والطوفان ورايه مقالاتك تزيد الملح على الجرح اخي محمد وياريت اكو شرفاء بالحكومة يقرأوها عسى ان يحرك فيهم الشعور والضمير الانساني بعيدا عن المصالح الشخصية
الفيسبوك
التويتر
اليوتيوب
RSS
الانستغرام
لينكد إن
تيلكرام
بلوكر
الموبايل