بغداد

ناهده محمد علي

الحوار المتمدن-العدد: 1919 - 2007 / 5 / 18 - 14:00
المحور: الادب والفن
    

بغــــــــــــــــــــداد
...شعر شعبي
لَونْ وَنْ الغريب مفاركْ أهله ولَونْ وَن الغريك مفارك الروح
ولونْ وَن الشدايد فوك أهاليها شكو بهلدنيه غير الآه تجي وتروح
وجان الورد انسام بوسط روحي وبعدهه زرعي صار أشواك منها جروح
متسطع بألسما شمسي ولا إنجومي وشمس بْلادي طفاها البجي والنــوح
ولا لغيوم دتظلل على الديـــــــــره ولا كمرته دتنور على الســــــــــــــطوح
أنا بغداد أنا السمره إللي غطاهـــا سواد الليل وكامت زعزعت لصـــروح
تدوّر بالمقابر عن ولد إلهــــــــــــــا وتدوّر بالشوارع عن دمِ مســـــــفوح
وما فقْدت أملها وصاحت بصوت يا سني ويا شيعي أنا المذبــــــــــــوح
ونا روحي مَبين الصوب والصوبين وبالنار إللي ما تخمد أنـــــــــا ملفوح
غمرها اليوم شط إللي شرابه دم نهر ثالث مواصيله الى الســـــــــفوح
يبويّه شلون تنساني يلعـــــــــــــراق ونا نسلك ونا غُصنك ونا المطـــــروح
يبويّه ريحتك نسمة ورد جـــــــــوري وجَتكْ ريح تنشر سَم على المفــــلوح
يبويَه إسعف يبويّه إردف يَبويّه إكشف ولتظل بوسط غابه أســــــــد مطروح
أنا بغداد وبابي مشرّعه دومــــــــــــــي وخبزي ريحته فوك الارض د تفوح
ناطرتك تهب هبّه ونـــــــــــــــاطرتك تعلّي الروج يشعبي ولا تطيل النوح
أنا بغداد داويني من جروحـــــــــــي ودمي عل الشمس فوك النسور إيلوح
أنا بغداد لملمني بأوصــــــــــــــالي من سيوفي تطشر كلبي المقــــروح
لَونْ وَنْ الغريب مفاركْ أهلــــــــــه ولونْ وَن الغريك مفارك الـــــــــروحِ

#ناهده_محمد_علي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات