حفاظا علي صحتكم

محمد رجب التركي

الحوار المتمدن-العدد: 8687 - 2026 / 4 / 24 - 14:16
المحور: الصحة والسلامة الجسدية والنفسية
    

**انتبهوا جيدا حفاظا علي صحتكم وصحة أبناءكم لان مصر اصبحت لا يوجد بها اجهزة رقابية تحافظ علي صحة المواطن.. واصبح الفسااااد هو السائد في مجتمعنا ...
لما تروح لدكتور ويقولك عندك مرض خطير.. متستغربش..
- عصير المانجو المعلب اللي في المحلات 70% منه مالهوش علاقه بالمانجو أصلاً.. ده قرع عسل والفواكه بتدخل المفرمه وهي بايظه وكل ال اشتغل ف المصانع عارف الكلام ده..
- اللانشون والبيفي اللي المفروض مكتوب عليها لحم بقري خالص حلال.. مفيهوش ريحة اللحمة أصلاً.. دي سقط حيوانات مدبوحه مفروم مع بهارات وتوابل وجيلاتين وعضم فراخ ده غير الفاسد بيرجع للشركه بيتعمل ليه إعادة تصنيع وبردو اللي اشتغلوا في المصانع دي عرفين الكلام ده..
- أنواع الهامبورجر المنتشرة في السوق (عدا نوعين تلاتة) كوكتيل من البهارات وماده جيلاتينية بتبقي مبطنة لجلد الحيوانات بعد الذبح وبتتباع من المسلخ.
الطن منها بيستخدم (بعد الغلي في قدور كبيرة مقززة في مناطق لا أدمية باستخدام عصاية شبه المجداف كده للتقليب) وبيعمل حوالي 500 عبوة (زنة 1 كيلو برجر).

- الحلاوة الطحينية اللي في المحلات.. عليه اكسيد تيتانيوم عشان تاخد اللون بتاعها وبعضها مفيهوش ريحة السمسم اصلاً.. عليها دقيق وفورمالين عشان تمسك نفسها.. اصل الدولار بقي غالي فالسمسم غالي والزبون عاوز الارخص مش الانضف.

- فلاتر مياه الشرب.. بتفلتر الطعم (عبر ازالة الكلور) والريحة (عن طريق الفلتر الكربوني) لكن المعادن التقيله اغلبها مبيتفلترش أصلاً الا في الفلاتر الاكتر من 3 مراحل.
- سمك المزارع السمكية.. بياكل دم ومخلفات عمليات الذبح وفراخ المزارع الميته ده غير الهرمونات.
- فراخ المزارع.. من كتكوت عمره يوم لفرخه كاملة وزنها كيلو علي الاقل اللي كيلو و200 جرام بياخد 19 يوم..حقن هرمونات في الاكل ومايه الشرب.. علما ان الفرخة الطبيعه عاوزه 4 شهور عشان تقرب من الحجم ده.
- أغلب أشهر المحال التجاريه للشاورما تشتري فراخ المزارع الميته ب 4 جنيهات لعمل اجمل فتة شاورما ..
- الكبده اغلبها الان ليست مستورده لغلاء سعر الدولار بل تؤخذ من المجازر بعد عدم تصريح الذبح واعدام الذبيحه لوجود مرض مخيف بداخلها..
- محلات الحلويات اللي بتبيع الحلويات الشرقية بالسمن البلدي.. ولا بلدي ولا نيلة دي معموله بسمنة صناعي وعليها مكسبات طعم زي اللي بيستخدموها في المصانع.
- الجبنة الرومي القديمة.. مش قديمة ولا نيلة برضه.. هما يعني هيعتقوها عشان حضرتك تستمع ويركنها في المخزن 6 شهور؟ بيضيفو لها "هيدروكلوريد اسيد" تركيز 30 %.. مقدار 10 لتر لكل طن جبنه وتتكتم في قبو قديم معفن 24 ساعة وتطلع قديمة جداً..
علمو اولادكم وعودوهم وفهموهم يحافظوا علي صحتهم وان مفيش انضف من أكل البيت ...حفظكم الله من كل مكروه.

#محمد_رجب_التركي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل