صلاحية الأدوية المُعَلَّقة (5)

أيمن غالى

الحوار المتمدن-العدد: 8282 - 2025 / 3 / 15 - 14:58
المحور: الطب , والعلوم
    

بنشوف أدوية سائلة؛ مكتوب عليها مُعَلَّق Suspended، ودي بتبقي عبارة عن مركبات ما بتدوبش فى المايَّة Water insoluble، وبصفة عامة المركبات إللي ما بتدوبش في الماية بتبقي صلاحيتها طويلة جداً وممكن تعيش للأبد، وعلشان المواد إللي ما بتدوبش في الماية تبقي في صورة مُعَلَّقة (يعني حبيبات البودرة بتبقي متعلقة في المايَّة وما بتترسبش في قاع الإزازة)، وعلشان نحقق عملية التعليق دي؛ بنضيف عليها جلسرين Glycerol، والجلسرين بيدي لزوجة للمَايَّة فبتتعلق فيها البودرة ..
وبكده بيبقي عندي بودرة مُعَلَّقة في مايَّة بواسطة الجلسرين .. وكل الأدوية المُعَلَّقة بيبقى مكتوب عليها "تُرَّج جيداً قبل الإستعمال" ..
طيب كده المعَلَّق ممكن يعيش معانا إزاي والمَايَّة نفسها بيبقي لها تاريخ صلاحية وممكن تتكون فيها بكتريا تفسد المحلول (المُعَلَّق) .. هنا بقي نفتكر إن المُعََّلق فيه جلسرين، والجلسرين مقاوم للبكتريا والفطريات glycerine used in a water-based solution has a preventive and curative action against fungi and bacteria؛ يعني ما نقلقش من فساد المحلول ..
ناخد مثال:
محلول الكالامينا Calamine Solution (هو فى الحقيقة مُعَلَّق مش محلول زى ما بيتكتب عليه)، وده مهم جداً لحالات الأرتيكاريا والهرش بسبب كتير من الأمراض الجلدية؛ حا نلاقي تركيبه عبارة عن أكسيد حديد أحمر Ferric Oxide؛ إللى بيدوب فى المايَّة, وأكسيد زنك Zinc Oxide إللى ما بيدوبش فى المايّة ..
أكسيد الزنك Zinc Oxide وأكسيد الحديد الأحمر Ferric Oxide؛ مواد موجودة من عمر الأرض ويعيشوا للأبد زى أى مركبات أيونية Ionic Compounds وإللى إتكلمنا عنها فى الحلقات السابقة، ومعاهم المايَّة إللي طالما معاها مادة حافظة (كحول، جلسرين، وغيرها) حا تعيش لسنين طويلة، ويبقي عندنا الجلسرين إللي لو موجود في تلاجة أو تم تجميده؛ يعيش لعشرات ومئات السنين ..
وبكده نكون عرفنا سبب إضافة الجلسرين للمحاليل، وإزاي أقدر أعرف إن كان المُعلق إللي بأستعمله ممكن يعيش لكام سنة بعيد عن تاريخ الصلاحية المطبوع علي العبوات الدوائية ..

الخلاصة:
ضرورى أعرف تركيب المُعَلَّق علشان أقدر أحدد مدة صلاحيته ولو المادة المُعَلَّقة أيونية يبقى المُعَلَّق ممكن يعيش معانا لعشرات السنين ونقدر نحفظها فى التلاجة أو الفريزر لو حبينا حفظها لعشرات السنين ..
يتبع ..

الموضوع من سلسلة موضوعات عن تمصير وتبسيط العلوم تحت الهاشتاجات:
#حصة_كيميا
#تمصير_العلوم
#تبسيط_العلوم
#ما_ترميش_أدوية_منتهية_الصلاحية

#أيمن_غالى (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات