الأدوية إللي بتعيش للأبد ومالهاش تاريخ صلاحية (2)

أيمن غالى

الحوار المتمدن-العدد: 8279 - 2025 / 3 / 12 - 06:53
المحور: الطب , والعلوم
    

إزاى أقدر أحدد تاريخ الصلاحية الفعلية للأدوية بعيداً عن التاريخ المطبوع على العبوات الدوائية ؟
وبالتالى أقدر أحدد إنى أتخلص منها بصورة آمنة لا تضر البيئة أو إنى أستعملها بدون قلق من أى أضرار أو أعراض جانبية

الأدوية إللي بنستعملها عبارة عن مركبات كيميائية؛ طبيعية Natural أو مُصنعة Synthetic ..
والمركبات الدوائية Pharmaceuticals بتتكون من عناصر Elements؛ زي الحديد Iron والصوديوم Sodium والكربون Carbon والاكسجين Oxygen وغيرها (حياتنا بتتكون من عناصر جدول مندليف؛ أكتر من 100 عنصر بشوية) ..
العناصر دى بترتبط ببعضها عن طريق روابط (نوعين من الروابط): روابط أيونية Ionic bonds, وروابط تساهمية Covalent Bonds، والموضوع ده حا تلاقوه في تاني درس بمنهج الكيميا لأولي ثانوي (فى المناهج المدرسية المصرية) ..
المركبات الأيونية دي؛ منها الطبيعي Natural ومنها المُخلق Synthetic، والطبيعي منها موجود زي ما هو من عمر الكون والأرض, وحا يبقي زي ما هو لنهاية العالم، ونفس الكلام للمركبات المُخلّقة بنفس الروابط؛ حا تعيش زي ما هي بدون تغيير للأبد .. (مهما اتعرضت للشمس أو للحرارة)
وبالتالي؛
أي أدوية؛ عبارة عن مركبات أيونية؛ مالهاش تاريخ صلاحية وممكن نستعملوها لملايين السنين (ده للي حا يعيش للأبد)؛ زي إيه مثلا ؟:
الحقن الشرجية الجاهزة Enemas، بودرة محلول معالجة الجفاف Rehydration Powders، الملح الإنجليزي Magnesium Sulfate، بودرة التلك Talc Powder، أكسيد الزنك Zinc Oxide، الكالامينا Calamine، وغيرها بالآلاف
والمركبات التساهمية؛ عمرها قليل وبتحتاج لظروف حفظ خاصة؛ زي الهرمونات السائلة Liquid Hormones؛ زي الأنسولين Insulin, والزيوت Oils؛ زي زيت كبد الحوت Cade Oil، وغيرها؛ لكن لو موجودة في صورة جافة؛ زي أقراص منع الحمل، وأقراص هرمونات الغدة الدرقية؛ دي تعيش لعشرات السنين ..
ولو ما عنديش خبرة؛ ممكن أسأل حد فاهم في الكيميا وأقول له: المادة الفعالة في الدوا ده؛ روابطها إيه وهل هي مركب أيوني ولا لأ .. (ولو عندكم أولاد شاطرين في كيميا أولي ثانوي حا يقدروا يوضحوا لكم المركب الايوني من التساهمي)

لكن فيه حاجة مهمة
الأقراص أحيانا بتبقي مزيج من مادة فعالة (مركب أيوني) ومادة عضوية Organic material (مركب تساهمي؛ النشا Starch) .. دي نعمل فيها إيه ؟
(الأقراص الدوائية بتبقى دايما في صورة مادة فعّالة مضافة على عجينة نشا)
النشا ممكن يعيش لآلاف السنين؛ زي ما شوفنا قِطع الخبز بمقابر أجدادنا القدماء (والخبز عبارة عن نشا)، وده يعيش لآلاف السنين بشرط يكون جاف؛ يعني ما أعرضهوش للرطوبة والبلل علشان ما يعفنش، والعفن هنا معناه فساد الأقراص ..
يتبع ..

الموضوع من سلسلة موضوعات عن تمصير وتبسيط العلوم تحت الهاشتاجات:
#حصة_كيميا
#تمصير_العلوم
#تبسيط_العلوم
#ما_ترميش_أدوية_منتهية_الصلاحية

#أيمن_غالى (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات