الوطن اللى كان

ضياءالدين محمود عبدالرحيم
مفكر اسلامي و اقتصادي، محاضر، مطور نظم، مدرب معتمد وشاعر مصري
(Diaaeldin Mahmoud Abdel Moaty Abdel Raheem)

الحوار المتمدن-العدد: 7901 - 2024 / 2 / 28 - 16:24
المحور: الادب والفن
    

بدأها بفكرةِ؛ نكون يد واحدة
سابونا نفكر وخدونا واحدة واحدة
قعدنا نشاهد امام الشاشات
مائير قاعدة جنب السادات
باعزي اللي صاحي
وأترحم ع اللى مات

خططولنا واحنا
واخدينها فكاهة لحد الممات

سرقوا بلد من وسط البلاد
حبة حبة دخلوا البلاد
عراق وسوريا في ليبيا وسودان
لا حد نصرنا ولا جبر خاطرنا
بحبة شجاعة قدام الأعاد

وانا وحدى قاعد بحبة ضمير
اشوف اللي قصر
واشوف اللي خان
اشوف اللي أنتخ
واللى كرشه نفخ
ومعدوم الضمير

اعد الكراسي واعد النجوم
و أغلط في العدد
اصل العدد في اللمون

وكله قاعد يقلب شوية
ويجيب قناة تانية
يا عالم يا هوووه حبة غضب
يا ناس ارحموه

ده لو حد خدنى لحد المُنعَم
في كل الوطن
لابوس الأيادي وابوس الجزم
مقابل شجاعة من شوية رمم

ولو حد خدنى لحد الاعادى
لاصب الغضب
و أروى غليلي واشرب سهر
ولو حتى بيا يطول الزمن

وتاني حقولها لكل الامم
في غفوة مروة ف غفلة غضب
جم احتلوا فينا بصنعة لطافة
ومن غير اي قطرة ندم
زهقوا فينا لحد ما سيبنا البلد

هي دية حكاية الوطن
سرادق كبير بياخد عزا
وجنبه ناس بتشرب في قهوة
وتشرب في شاى
ياعم روح لا حد سامعك
ولا حد جاى

#ضياءالدين_محمود_عبدالرحيم (هاشتاغ)       Diaaeldin_Mahmoud_Abdel_Moaty_Abdel_Raheem#          

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات