|
العيون الخضر
صالح مهدي عباس المنديل
الحوار المتمدن-العدد: 7346 - 2022 / 8 / 20 - 12:57
المحور:
الادب والفن
ڤيننا 2022 يا سمرة شلون تاليها
طلّاتچ يا ظبي البان و محيياها يسبيني يا حبيبة كتلني الشوق گولي ان چنتي ترديني عزيزة يا نجلا من المهد تنشال و معيّي ابوها شلون ينطيها لاقيتچ بصدفة القدر كاتبها يا محلا القدر من يجي و يروح شبكاتچ يا ريّا على الخصر لليوم ما زالت بوساتچ يا ريا على الشفايف دوم بوساتچ يا ريا شلون نمحيها حبيت المرح و الروح بعيونچ يا سمرة الروح اخذتيها يا غضر النواهد هيج ترديها كل لحظة فرح يمچ قصيدة شعر و النواب حاديها گطاية و منجل الحاصود جفلها يغازلها و تفز بين السنابل بالورد ملفوف حمريها يا فرحة عمري د انتظري انهار العمر يا روح لازم يجري صافيها يا سمرة اشلون تاليها
نظرات المقل سهمين و تغرزيهم غرز بحشاي و انا الطير الأسير و حاير بدنياي واني انتظر تاليها عيون المها يا بنيات بحرين المحيط وغابة ًلمع المقل يضويها شامة على الجبين شلون سبحان المصور هيچي ناطيها شذر لو عنبر و مرصوع ما بين الحواجب ربي و راد ينطيها
يا ريا المخلخل و الخصر نحلان من تمشين غصن البان غيران من اداريها ظفايرها الذهب حلوين، سنابل حنطة بحزيران و المحظوظ جانيها و الرگبة جسر فوگاه ميادة التراچي من احاچيها تتراگص على الجنبين من تحجي و تناغيها ريّض يا الزلف ارجوك لا تزاحم تراچيها
يا حبيبه الشفايف من عنب تموز تندى و دمي ساگيها يا الصوتج نغم اوتار ، بلابل من دفو نيسان سكرانة بنواديها يا حلوة شلون بغداد و عصاريها و فيروز الصبح و انغام تترنم يا شاديها
سبيتيني يا حلوة شلون تاليها
اميرة بين الحديثات و الرحمن حاميها و البسمة لمع الماز و تنور ليالينا قنديل الأمل يا حبيبة بسماتچ و الوجنات تضويها و ضحكاتچ لحن و انغام روحي الميتة تحييها كلماتچ حِكَم خاتون و النسوان تخدم من تأمريها
يا حبيبة الگمر لو غاب خلي يغيب وجناتچ تشعشع ضي و تنور لياليها
يا حليوة غلبني الشوگ كولي شلون تاليها غيرانة البنات اليوم من ست المحاسن دوم تمشي بين الحديثات و عيوني ، بنادق شوق كلنا نريد نحميها يتضوع مسك فواح من تتنهد البنوات يا سمرة شلون تاليها
:: و همومي اكثرن يا صاح و مدري شلون اداريها روحي مكدرة و حزنان ، يا حبيبة انتظريني و بالأنصاف جازيها يا شمعة فرح بالليل و تنورين يا نفحة عبير انتظري تاليها شكيت الهضم يا دجلة منهو الكدرو يومك اظن روجك حزين بغضب يتموج سحابة مزن ، دمعي بدمي ساگيها دنيانا الكدر يا روح ، عليلة بكل مثانيها ارجعي يا ورد نيسان ارجعي و آني اداويها يا حبيبة ظلم ترحين و دمع العين غاشيها
كل اللي جرى و الصار راح و روحي بس ذكرى تواسيها أرعود و لا مطر تشرين، انغدر بينا يا حاديها تكرّم يا منى الخاطر عليلة الروح داويها
تعذريني عسر چانت ترى دنياي و الجلاد سابيها امانة يا ريح الهاب سلملي على الحلوين على الحلوين سلم يا هوى كل يوم عالسمرين سلم دوم سلم من تجي و تروح سلم كل مسى و كل يوم و بوسة على الخدين تنطيها و أُخرى على الجبين ارجوك بحرگة و شوق فوق العين تهديها حملتك رسائل بيها اشگد قصايد شوق مصبوغة بشجن و احلام ما بيها
انگظت يا روحي و هذا تاليها
#صالح_مهدي_عباس_المنديل (هاشتاغ)
كيف تدعم-ين الحوار المتمدن واليسار والعلمانية
على الانترنت؟
رأيكم مهم للجميع
- شارك في الحوار
والتعليق على الموضوع
للاطلاع وإضافة
التعليقات من خلال
الموقع نرجو النقر
على - تعليقات الحوار
المتمدن -
|
|
|
نسخة قابلة للطباعة
|
ارسل هذا الموضوع الى صديق
|
حفظ - ورد
|
حفظ
|
بحث
|
إضافة إلى المفضلة
|
للاتصال بالكاتب-ة
عدد الموضوعات المقروءة في الموقع الى الان : 4,294,967,295
|
-
غريق في الفرات
-
ايوب
-
لا تيأس
-
انشودة اليمن
-
الدجيل
-
الكتاب
-
عهر السياسة
-
انشودة العراق
-
عروس ويلنگتون
-
انت في اليمن
-
رسالة الى أبي
-
المهاجر
-
بعد العسر يسر
-
الرزايا و الشقاء
-
دويلات الفشل
-
الشهيد
-
نعم يا نزار
-
عيناك يا بغداد
-
مررت بالعراق
-
الزمن الرديء
المزيد.....
-
الحلقة الاولى مترجمة : متي يعرض مسلسل عثمان الجزء السادس الح
...
-
مهرجان أفينيون المسرحي: اللغة العربية ضيفة الشرف في نسخة الع
...
-
أصيلة تناقش دور الخبرة في التمييز بين الأصلي والمزيف في سوق
...
-
محاولة اغتيال ترامب، مسرحية ام واقع؟ مواقع التواصل تحكم..
-
الجليلة وأنّتها الشعرية!
-
نزل اغنية البندورة الحمرا.. تردد قناة طيور الجنه الجديد 2024
...
-
الشاب المصفوع من -محمد رمضان- يعلق على اعتذار الفنان له (فيد
...
-
رأي.. سامية عايش تكتب لـCNN: فيلم -نورة- مقاربة بين البداوة
...
-
ماذا نريد.. الحضارة أم منتجاتها؟
-
77 دار نشر ونحو 600 ضيف في معرض مكتبة الإسكندرية للكتاب
المزيد.....
-
الرفيق أبو خمرة والشيخ ابو نهدة
/ محمد الهلالي
-
أسواق الحقيقة
/ محمد الهلالي
-
نظرية التداخلات الأجناسية في رواية كل من عليها خان للسيد ح
...
/ روباش عليمة
-
خواطر الشيطان
/ عدنان رضوان
-
إتقان الذات
/ عدنان رضوان
-
الكتابة المسرحية للأطفال بين الواقع والتجريب أعمال السيد
...
/ الويزة جبابلية
-
تمثلات التجريب في المسرح العربي : السيد حافظ أنموذجاً
/ عبدالستار عبد ثابت البيضاني
-
الصراع الدرامى فى مسرح السيد حافظ التجريبى مسرحية بوابة الم
...
/ محمد السيد عبدالعاطي دحريجة
-
سأُحاولُكِ مرَّة أُخرى/ ديوان
/ ريتا عودة
-
أنا جنونُكَ--- مجموعة قصصيّة
/ ريتا عودة
المزيد.....
|