همسة اليوم: الإحترام والتقدير والموضوعية الحقيقية هي كلمة السر

محمود عبد الله
أستاذ جامعي وكاتب مصري
(Dr Mahmoud Mohammad Sayed Abdallah)

الحوار المتمدن-العدد: 7334 - 2022 / 8 / 8 - 23:49
المحور: الفلسفة ,علم النفس , وعلم الاجتماع
    

همسة اليوم: الإحترام والتقدير والموضوعية الحقيقية هي كلمة السر!
فيه نوعية نادرة من الناس (يمكن أكون منهم) ممكن الواحد فيهم يشتغل شغل فريق عمل كامل ولمدة ٢٤ ساعة متواصلة - دون كلل أو ملل..بس لو شجعته وقدرته واحترمه وكبرته وحطيته في المكان المناسب!! دي طبيعة في المصريين على فكره..وعلشان كده بينجحوا بره مصر: تعامله بموضوعية وتديله feedback كويسة (من غير تعالي) وتميزه عن حد تاني مش بيشتغل ، تلاقيه يخدم المكان بعنيه - حتى ولو من غير مقابل!! ولو طلبت منه حاجة ، يسيب حاله وماله وأسرته ويلغي كل ارتباطاته ويسهرلك مخصوص وما يقومش من على مكتبه غير لما يخلصها - حتى لو اضطر يطبق يومين ورا بعض صاحي! صدقوني النوعية دي في أي مكان أو مؤسسة هي أساس تقدم البلاد..وهي أكتر نوعية معرضة للظلم والإحباط لأنها شخصيات حساسة جدا وليها سماتها النفسية الغريبة شوية..مش بتحب القعاد والحكى ومش بتتكلم مع رؤساءها عمال على بطال أو تلزق بغرا في مكاتب الناس وتقعد بالساعات!!
ما تظلموهاش وتحبطوها وتنصروا عليها حد ما عندوش ربع طاقتها وإمكانياتها..سيبك من آراؤه العامة وطباعه الشخصية اللي ممكن ما تعجبكش وما ليكش دعوة بحياته الخاصة - واللي هو حر فيها..وما تسمعش لحد حاقد عليه علشان الأحقاد الشخصية والضغائن - وما يترتب عليها من فرملة وتعالي وتهميش عمرها ما هتبني مؤسسة في البلد دي..حاول تطلع أحسن ما عنده - هنلاقيه شعلة حماس ونشاط..وأي مدير مؤسسي محنك فاهم وعارف كده..وإلا هتلاقيه بدأ يركن ويكبر دماغه ويحس بالتهميش والإهمال ومش هتشوفه بعد كده إلا صدفة!!
تحياتي وتقديري

#محمود_عبد_الله (هاشتاغ)       Dr_Mahmoud_Mohammad_Sayed_Abdallah#          

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات