المختلون

صبحى إبراهيم مقار
(Sobhi Ibrahim Makkar)

الحوار المتمدن-العدد: 7213 - 2022 / 4 / 8 - 14:54
المحور: المجتمع المدني
    

على رجاء القيامة من بين الأموات نودع القمص أرسانيوس وديد كاهناً فاضلاً وخادماً نشيطاً محبوباً في سيرته أميناً في كنيسته، صاحب علاقات طيبة مع الجميع، ومشهود له من كل الذين تعاملوا معه في منطقة خدمته بالإسكندرية من كل المسلمين والمسيحيين باختلاف أعمارهم.
وبعد كل حادثة تطالعنا وسائل الإعلام بأن الجاني مختل عقلياً ومفيش حد من اللي بيقول الكلام ده بيسأل نفسه إزاي المختل ولا المهتز بيفرق بين المسلم والمسيحي فيقوم يقتل المسيحي وكمان بطريقة معينة وسريعة وهي الذبح ومعروف طبعاً الطريقة دي بتاعت مين.
صادق يارب في كل كلامك ومواعيدك "تَأْتِي سَاعَةٌ فِيهَا يَظُنُّ كُلُّ مَنْ يَقْتُلُكُمْ أَنَّهُ يُقَدِّمُ خِدْمَةً للهِ". (يو 16: 2).
اللي نقدر نقول عليه عامل مشترك في كل الحوادث اللي زي دي إن هذا الشخص وكل اللي كانوا قبله واللي هيطلع لنا من بعده "ديل مختل" ولسه ماوصلش لدرجة مختل عشان المختل الحقيقي هو اللي بيفتي وبيحكم علي غيره من واقع تفسيره الخاطئ المختل الغير عاقل لعقائد وأفكار الآخرين.
والتفسير الحقيقي لهذه العقائد بيكون محجوب ومحظور ومحرم علي كل ديول المختلين الإطلاع عليه حتي لا يكتشفون أكاذيب وتضليل المختلين الحقيقيين. إحنا مش كفار ولا مشركين ولا نجسين زي ما بيقولوا علينا المختلين وديولهم، وربنا هيحاسبنا علي إيماننا وأقوالنا وأفعالنا الحقيقية، ومش هيحاسبنا علي حسب أكاذيب وتخاريف وخزعبلات المختلين وديولهم بكافة أنواعهم.
ونتمنى ونطلب من ربنا إن كل واحد فيهم بدل ما يكفر غيره يحاول يفكر مرة واحدة في حياته إزاي اللي بيقول عليه كافر ومشرك مهما حصله من مشكلات ومر بضغوط وأزمات بيفضل أمين ومخلص ومحب لبلده وأهل بلده وجيش بلده؟.
وإزاي المؤمن الطاهر اللي مش كافر ما يعرفش يعني إيه محبة وقلبه كله كراهية وغل وحقد وبيحارب جيش بلده وبيقتل في كل الناس الأبرياء اللي بتخالفه في الرأي والمذهب والعقيدة؟.
ربنا يهديهم ويبعدهم عن الإله الجزار الشيطاني اللي بيعبدوه ويعرفهم طريق الإله الحق المحب لكل البشرية ويتعلموا من أخلاق اللي بيقولوا عليهم كفار إزاي يكونوا أمناء ومخلصين ومحبين لأوطانهم؟ وازاي يجمعوا وما يفرقوش؟ وإزاي يقابلوا الشر بالخير؟ وإزاي يصلوا ويغفروا لكل اللي بيكفرهم وبيهدر دمهم؟.
ربنا يعين سيادة الرئيس وكل قياداتنا ويبارك في جهود كل المصريين المخلصين من المسلمين والمسيحيين في التجميع والبناء ووحدة وطننا الغالي علينا كلنا مصرنا الحبيبة.

#صبحى_إبراهيم_مقار (هاشتاغ)       Sobhi_Ibrahim_Makkar#          

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات