حكاية (الغرقة) رَأَمْ (تلاتين) قصة شعرية

ضياءالدين محمود عبدالرحيم
مفكر اسلامي و اقتصادي، محاضر، مطور نظم، مدرب معتمد وشاعر مصري
(Diaaeldin Mahmoud Abdel Moaty Abdel Raheem)

الحوار المتمدن-العدد: 6952 - 2021 / 7 / 8 - 17:40
المحور: المجتمع المدني
    

(هذا العمل وشخوصه من وحي الكاتب ونصوصه وواقعه ودروسه- سري للغاية)

دولة كانت من الدول التالتة
وبقت في المرتبة الاخرة
في الدنيا وفي الاخرة
من أبو كابين وشريطين
وفيونكتين وجيبين

دولة كانت دولة ودلوقتي:
لها ورقين ودفترين وشهادتين
وقاعدتين بيانات
(واحدة للبيانات الحية والتانية للواصلين)
واحدة للرجالة والتانية للأوساط

وسجلين تجاريين وشهرين عقاريين
ولها نيتين ومصيبتين وحكمين
واحد حقيقي والتاني ودنك منين
مزور طبعا كلنا عارفين
واستمارتين وكل حاجة
تن تن اتنين اتنين


وكل واحد ليه اسمين
وفيزتين وعشيرين وبيتين
واحد في شيكاغو
والتاني في البحرين
ودنك منين

وهما يومين وتحَصَل وتتحَصَل
وتتشحن على الاخرة
مش اكتر يا مغفل
ضحك عليك شيطان
شاطر مش أكتر

ووزك وأشركك بالله
وسقاك من كل شيء منكر
تِنْكِرْ؟

بإرادتك وغيرك
رفض يشرب
واستنكر
اتسطلت انت
وهو جنبك وقف يستغرب!

وانت شميت ريحة
الانفيزابل (وومان)
قمت تتنطط
خُفت مش اكتر

حتبيع اخوك وأمك
وبنتك وصاحبك
وتقف تتفرج عليه
بيتشوي جنبك

ولا تشده من ايده
ولا تدلق ميته ولا معبر
ولا حتي بتشجب وتستنكر
ولو مات يا تري
حتواري في التراب جثته
زي الغراب
ولا مش حنعبر

رضيت بالذل
تتمناه لغيرك

فين خيرك وخير اهلك
فين عزك وجبروتك
فين صوتك
ومداسك ولباسك
وفين ناسك

بتقول انفيزابل وومان؟!
اه وومان
انت فاكر نفسك
مان يا مغفل
بامارة ايه؟!
أثبت رجولة
عند الاله امتي
محتاجك تفسر؟

ده اللي حاططها
علي هدومه
كان في يوم دكر ارعن
واصبح من الليلة
جارية مش اكتر
تحط كلونيا
وتتمشط وتتعطر

مسألة وقت وتتحقق
شوية وقت مش أكتر
ووعد الاله ينفذ
علي رقابتي
ورقبة الكبير يا ارعن
في الدنيا وفي البرزخ
وعلي كل من أنكر
او استكبر

"ان لدينا (انكالا) وسعيرا
وطعاما ذا غصة وعذابا اليما"
عرفت دلوقي
معني انكالا يا اشطر

جارية مكتملة الانوثة
مفيش فيها من الحقيقة
غير وشك
عشان ما يحصلش
شيء منكر
ده الاله يا مغفل
الحرام عنده حرام منكر
في الدنيا وفي البرزخ

لا بيبدل كلامه
ولا يخاف عقبي
ياللي بتقرا القران
للناس مش اكتر
ولا بيغادر تراقيك يا اغفل
إتذَّكَرْ
يا أخي بطل.

ما تستكبر
اركع للإله واسجد
وكبر واستغفر
واللي دبرته بليل
قوم قطع

واللي سجلته
بحسن نية من الغير
هات الهاردات كسر

زي أخوك يحي
قال وآمن
ونجا من شر (موتة)
واستشهد
ودخل جنة ربنا واتنعم
حي عند ربنا يرزق

حكاية (الغرقة) تلاتين
ويعز علينا فراق
ناس صحيح غاليين

ناسنا ونبراسنا
وتاج راسنا
ومش راجع وانا الكلمة
اللي تطلع مني بسيفين

وهما اكيد عارفين
غير لما تنضف
دي عِشرة وصُحبة ولمة
وعيش وملح كلناه

وهم وغم عشناه
واتقاسمناه
ولقمة قسمناها

وثقة ببعض صناها
بنمضي
واحنا مش باصين

وبنبصم بالعَشَرة
ونحلف بالعِشرة

لحد ما زارنا
عز الدين النملة
وخالد شريف م الهامة

وما تبصش للاسمين
وتتخدع دي عناني وضنين
وحاقد علي استاذه

ولاد راغب، ولاد سرحان وفؤاد
وناصر وسرور ومنصور
وفكيه وقلقيلة وجاد
وأبو عرب و الخولي
وجبالي
ومصباح وسيف
وبكر ورمضان وغنيم
ومراكبي وشرف الدين
دول هما احفاد صلاح الدين
أساتذة محترمين
موحدين
دولا من البني
أدمين وخايفين
علي ولادهم واحبابهم

ولا في يوم حتفرق بينا
وحترجع من تاني
لمتنا وقريب
ولا حتقاسمنا رغيفنا

ولا حتجبرنا ناكل
لحوم بعضنا
ولا حترجع حكاية
(الغرقة) رأم تلاتين
بعيد عن السامعين

انتم فشلة
شوية فشلة
كبيركم تتفرجوا
علي بكيزة وزغلول
وتحاولوا تكونوا
علي نفس المستوي العقلي

عربيات رصاصي
وريحة انفيزابل مان
بتفضحهم

وريحتهم وخيبتهم
سابقاهم قراطين
لانهم ببساطة
رقيبهم مش ربنا
ولا تمامهم عنده
والمصيبة ان هما
مش عارفين

الناس كلها
فضحاهم وعرفاهم
وحلقالهم شعر
ودقن وودنين

مقاطيع صيع ومتطفلين
علي حسابنا
واكلين شاربين (نايمين)

بتعتمدوا في اغلبكم
علي مسجلين
خطر (علي أنفسهم)
وأداب

حاتنتظروا منهم
ايه يا احباب؟

وانا والله كنت ناوي
ادخل عليهم
المبني اللي تحته
مستخبيين

وافركشهم وانكشهم
واطردهم
كما المطاريد

وهما عارفين
لساني وبطشتي لا بخاف

ولا بسكت ولا بهاب
الا من رب الكون والناس

ورغم الادب والدين
عندي لسان اقوي
من عم منصور

اللي بحبه
وبحب شجاعته
وصرح ليا رب الكون
اجهر بالسوء
لو في ظلم بني ادمين

ودول اهون
عليا من فرخة
والله ما ببالغ

مش مصدق
سَيِّب عليهم قُطة
واتفرج
والله ما بهزر
جَرَبْ صحيح جَرَبْ

ده انا كل يوم
بحلق لهم
واشردهم ورايا
شمال ويمين

وادوخهم
وأدلعهم وأهشكهم
وأشخلعهم
واسقيهم مُر الدين

في بطرس وسعدالدين
وفي القلعة وصلاح الدين
وفي القبة وعماد الدين
وفي السادات وشبين

وفي الاستاد وفي الأعياد
وفي الاتوبيس
وفي الكوابيس

من كتر بياتهم امام داري
متناوبين
لا صاحيين ولا نايمين

ونيجي لاصل الاوضة
رأم تلاتين
شوية كابات
ورق مرابضين
بيلموا الريباوند
من الفاشلين

شبين الكوم اشمعني؟
بست أيام ايه المعني؟
واليوم بيومين

كياس صفرا
مظاريف ستة بعد البني
فيه أصفر مشمشي بنبي
للي مش فالحين

بأوراق ومستندات
واختام صحيح سابكين

ولاد مين؟
وقاسمين ومظبطين
لجان خاصة، ظروف خاصة

وعموم من كل حتة
جايين بست أيام في المرة
واهي مرة صحيح مرة
واليوم بيومين

واختام وشهادات
وقواعد بيانات لبنات
وكله بتمنه وحسابه
صحيح قاسمين

نص الغلة للأُمرا
والباقي يأكل طين
لو بعضه متعاهدين

الفتات لصاحب الليلة
بس الليلة يا اصحابي
ما هيش حمرا
دي جمرة!

والغريبة ان فيهم حريم
وجاريتهم لحد
ما اعرف تمن
ربنا في قلوبهم
والله ما جاب تلاتين

قالوا خمسة وعشرين
و تيجي بكره متفقين
وانا والله ما فهمت
مرادهم وقصدهم
غير لما هداني
ربنا للحق وفهمت

وقلت واطلع
بعيد عنهم وعن شرهم
وافضحهم

وانا والله لو أملك
ألف نفس
لبذلتها كلها
فداء رب العالمين

وليه لأه؟
وهو اللي خالق ورازق
لا محي
ولا عبد الخالق
ولا عز الدين

وعقوبة الاوضة
رأم تلاتين للمرابضين
و للراضيين

حقولكم عليها في الاخر
ده تشيب جبل جبلين

لا والله
ولا رجب
وهلاله يهون يوم
اخويا وصاحبي وعمي
وكبيري اللي بحبه

واشهد علي ناسه
واخلاصه
لازمته وعلمني
دقة وامانة

وخوف ملازمني
لما علمني
ان ربنا شايفني
واني لازم اخلص له

عشان يبارك
لقمتي ويسعدني
لازمته قرابة السنتين
واتعلمت منه دنيا ودين

بس الغريبة
انه عمره ما قدر
عارف ليه؟!
عشان عمره
ما اتقدر
لا هو ولا غيره

وانا اشهد
علي تعبه واخلاصه
هو وغيره

وعشان سبب تاني
عشان من الأول
محطوهمش
تحت مداسه

وجاب فاسه
وجبر ناسه
وحراسه
وخلي الكلمة
من راسه
مش من راس أبو كابين

وحاجة تانية منعتني
عشان اصحابي واحبابي
ولولا خوفي
عليهم من ورطة
لسهدمت المكان نصين
وعرفتهم مين ضياء الدين

شيطان شاطر وشرير
ملازمهم ملجمهم وملهمهم
شيطان شاطر مش اكتر

وكله متصور
والله كله متصور
جوة الاوضة
وبراها على الاسطح
ومن فوقهم وامياي
بره وجوه ودواخل
وامتي نفوق؟

المفروض انهم
من زمان ميتين
ولا يملكوا
من التورتة ولا حصة

عارف ليه؟
لان عمر واحدة فيهم
ما دخلت في يوم حصة
ولا مسكت تباشيرة

ولا حافظت علي جيرة
ولا عاصت ايديها
بجير ابيض
ولا شاركت في تعليم

ولا اتشحططت
وسافرت وراقبت
في السنطة وفي مطروح
وف زفتي وفي بلطيم
وفي السلوم

وعلي البلاط نامت
والصورة برضه مهزوزة
ما إني واكل كوسة
ومتغدي ومحلي

ومَحَلي ودولي ومباشر
وبخطين
وبسيفين إتنين
يس وتبارك

والبُعدا دول طريقهم فين
وبيتقابلوا من ورانا فين
في كل حتة وبالقوة
وفي أي شقة فاضية
وبالسُخرة.

وده اللي حاعمله قريب
من صاحب البرج
الحاوي حا أستأذن
واشوفهم بيعملوا ايه
لما يتقابلوا؟

ولا ستة ولا رغيفين
ده عز الدين اللي بحلق له
ورجالته يوماتي
ليلاتي بالنوبتين
فأبو حمص
والمنزلة ودكرنس

والعنانية و شبين
كل ليلة
وكل يوم متقابلين
انا وحيد وهما كتير

ومع ذلك بعرف
الواحد فيهم
من اسمه ومن شكله
وهيئته ورسمه
وغباوته

وده طبيعي قاعد
في حته مش بتاعته
ومتورط
وكل اللي يملكه (يزيط)









وعودة لأصحاب (الغرقة)
رأم تلاتين
هما مش عارفين
انهم خمس (تاشر)
أو اتناشر ماهو ستة
في اتنين باتناشر

بيراهنوا علي موتي
بيراهنوا علي سكوتي
وانا ما املكتش
في يوم امري
لأني عبد لربي

سبب وجودي
وسبب سعدي

وهل يعصي العبد
في يوم سِيده؟
ومين يتجرأ على المولي
وكلنا عبيده

اسمع القصة
مني واستعبر
انا رحت في يوم
مش يومي
متنكر

بكاسكيتة ونضارة
ومرة من علي سطح
في عمارة
ومرة دخلت في شكارة
عشان اصطاد
مظروف اصفر
تتصور

كل ده في يومين
وهما مش حاسين
ولا عارفين

متعطرين بعطرهم
وربنا كاشف سترهم
وهاتك عرضهم

عشان كما تدين تدان
وعشان سعفان
وعشان عِفوا
تعف نساؤكم
وعشان كمان وكمان

يا أبو عنين وودان
اسمع مني:
العيش والملح متصان
عشان محمد مصطفي
وسرحان الانسان
وعشان رمضان

وعشان صحاب
غاليين واحباب
وعشان اعتاب
ونبدأ نحكي
ما تستعجلش علي رزقك
ده كله مقدر
حييجي في وقته
ولا يقدر يحوشه
عن وقته ولا الشديد القوي

ولا مواطن ولا ريس
ولا عبد القوي

اسمع:
الحُكم ينفذ لو مفيش توبة
وبعد الحكم ما يصدر
مفيش توبة

لكن امتي حينفذ
يعلم بيه (ربنا وربك)
ما هو واحد مفيش غيره
يمهل ربك ولا يستهمل

يديلك شوية وقت تتنعم
ووقت ما يريد حيسهدم
ده قبل عذابه ما يبدأ

المهم:
حطيت في مايتي
معلقة سكر
معلقة واحدة
مش اكتر
حقيقية مش مُنكَر
وهو أنا أقدر
أعصي ربي، وأستكبر

ده انا كنت علقة فمضغة
وكسا عضمي
ربنا لحما
وانشأني خلقا آخر

انت خايف
من ناس في الدنيا
ومستهون بربك
مين اللي حات خافه
مين عبده
للي عبد ربه

لسه فيه برزخ
فيه تربة مفتوحة
ونقف يوم القيامة
والعورة مكشوفة
والأوضة مفضوحة
والتوبة ما هيش مسموحة

لا فيه مصيف ولا سموحة
ولا واسطة ولا كوسة
حوسة ودوسة
ووشوش كالحة متفحمة
والعة وممسوخة

تُغلق وأفاد
واللي فات يتعاد
علي أصوله
وعلي ابوه واللي خلفوه
وبندادي وبراضي
عشان راضي

الا بقي عبد الحي
وعشان ممدوح
فاضل يعلقولكم
جرس بفانوس
ولا يقطعوكم بوس
غير الفضيحة والجُرس

انتوا اكيد منتوش فاهمين
بكوباية شاي مغشوش
وسيجارتين
ورغيفين

قاعدة بيانات
بصور بنات
وأرقام تليفونات
وتواريخ ميلاد
حا نبيع بناتنا

اشتغلنا سنين
وكنا مؤتمنين
علي أولادنا
بنات وبنين
وكنا لما نحب نتأكد
من الصورة
بنبص على اللبس
مش ع الوجه

فاضل ايه؟
رجلين مفتوحين
علي الاخر
ركض في ركض
افتح برجلك ع الاخر
يا تتاخد في سكتين تانيين
يا جماعة عقولكم فين؟!
انتم أكيد مانتوش عارفين
ولا فاهمين

انا سايب المكان بمزاجي
عشان اهلي
وصحبتي وناسي
وكلهم علي راسي
متتأذاشي

واللي يذلهم في يوم
علي مداسي
وتحته ولا يوطي
واحد فيهم في يوم راسه
وانا عايش

واسف لو شديت عليكوا
في اللهجة عشان تصحوا

فوقوا هاتوا مايتكوا
من بيتكوا
واكلكم وبلاش شاي
ولا سيجارة
ولو شهرين

حا تفوقوا والله
ولا حا تحتاجوا
وحا تطيبوا وح تزدادوا

دول شوية شر في شكارة
عارفين كلكم مكانهم فين

وأنتم عارفين مكانكم فين
عند رب بنات وبنين
انتوا بني أدمين

وعندي مكانكم
جوه في قلبي
ولا يقدر عليهم
غير ربنا وعبدالرحيم
اكيد فاهمين

ربنا لما بيحب يستهزأ
بالجبابرة يبعتلهم مين؟!

ويخوفهم من قطة ومن بسة
ومن وشين
واحد وش راجل
بس العرض عرضين

حاولوا يقتلوه البارح
خدروه نوبتين
وحاولوا يكملوا على انفه
بعطرهم

والنهار ده حاولوا يخنقوه
بالإدين الإتنين

وهو نايم ومسلم امره
لرب رحيم
لا تأخذه سنة ولا نوم

ها جبتم خَبرُه؟
يا افندم مش عارفين
مش نافع
معاه حاجة
لا جاه ولا مال
ولا حريم

ولا خالد شريف م الهامة
ولا عز الدين من النملة
مجتمعين.

حبايبي فشلتم
ولا لسه مش عارفين؟
فهمتم ولا مش فاهمين؟
عجزتم ولا مش معترفين؟
جيم أوفر
ولا مواصلين؟

أشوفكم بكره
كلكم حالقين
وتمامكوا مش عندي
عند رب رحيم

7/7/2021 م.
بعد صلاة العصر وتعذر النشر حتي شاء الله تعالي باليسر

#ضياءالدين_محمود_عبدالرحيم (هاشتاغ)       Diaaeldin_Mahmoud_Abdel_Moaty_Abdel_Raheem#          

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات