المعلقة السودانية موديل الحصانة السيادية!!

فيصل الدابي

الحوار المتمدن-العدد: 6770 - 2020 / 12 / 24 - 19:39
المحور: الادب والفن
    

مــبــروك حــــصـانة ســياديــة
ســــودانــا اخــــبارو حـــــلاوة!
بــــاي بـاي ارهـاب بـــاي بـاي
لا حــــصـار لا ذل لا شــــقــاوة!
الســياســـة ما فـــيها صـــداقة
الســيــاسة ما فــيها عــــــداوة!
الـعـــالــم كــلــــو احــــــــبابــنا
المصـــلحـة بتــزيـدو غـــــلاوة!
مـــطلـــوب مـصالـح ســــودانا
تتــحــقــق بـي كـــل هـــــــداوة!
راســمـالنا فــــي الدنــيا ســلام
فيــهو حـافـــز وفــيهو عــلاوة!
يــــوم بــاكر يـــجي اســــتثمار
يــوم بـــاكر تـجـــي مــلـيـارات!
ســـودانــا بطـــبعـــو مـــسـالم
مــش عـــايزين تانـي فـــتوات!!
دايــرين تــفكيـــر بالــمنطــــق
مــش عــــايزين تاني غباوات!!
&&&
وكيــزان ظلـــمـــو الـــســودان
وســودانا ظــلمــو مــا مـبــرر!!
تلاتين سنة مقفول فـي علبة
الجـــوع بقـــى ليــهو مــقــرر!!
مـبروك يــا شــعبـنا مــبــروك
اليــــوم ســــودانـــا اتــحـــرر!!
اتـخـارج مــن اقـــسى حــصار
كــل شـــعبــنا مـــنو اتــضـرر!!
حـمــدوك شـــكراً حـــمـــدوك
ولـي بــرهــان الــشكر مــكرر!!
الــكــورة الآن فــــي مـلـعبـنا
مـطلــوب هــــز الــــشبـــكات!!
مــن جــوه نعــمـر ســـودانــا
ومــن بــره تــجـي تـحويـلات!!
&&&
مارادونا الافضـل فـي الــكورة
مارادونا الالــعب في الـــكون!!
العالــم مصــدوم مــن مــــوتو
فــي غــيابو لا طــعم لا لـــون!!
حـــزنانة شـــاشة التـــلفــــاز
حـــزنانة شـــاشـة التـلفـــون!!
ملايـــين شـــيعو مــــارادونا
والــعســكر واقـــف كــركـون!!
مــارادونا جـــنن بريـــطانـيا
بـي ايــدو جــاب امـكر قــون!!
مـارادونا شـال كـاس الـعالم
وفي اوربا شـال كـم كـاسات!!
مـارادونا كـان وحـدو هجوم
كــم هلـهــل اعــتى الـباكـات!!
كـم جـنـدل حـراس الـمرمـى
كـم مـزق اقــوى الــشبكـات!!
&&&
الصــادق لــــبى نـــداء ربــــو
ونـحتــسبو عــند الله شـــــهيد
تشيــعو كان رسـمي وشــعبي
تشــيـــعو كـــان والله فـــريــد
وبنــاتـــو ثــبتن فـــي قــــبرو
واولادو ديــــل كـــانو حـــديد
وانصـــارو هــم ســدو الفرقة
تــهلــيل تـــكبـــير تـــحــــميد
بنـــعزي الــشعب الـــسوداني
فـــي فـــقدو لاعـــز فـــــــقيد
هـــو الكــان نـجـم الوسـطيـة
كــان خيــطـا الــلامي الـحبات
الفاتــحة علــى روح الصـادق
ولــى اهلــو سلـــوان وثـبـات
&&&
المصــري والاردنـــي طــــبع
شــاف حــالـو مــع إســـرائيل!!
فلــسطيــني في الضــفة مطبع
وتــــطبيــعـو ثــابــت بـدلـيــل!!
الطــبع كيــف يبــقى منــاضل
والنــاوي كيــف يــبقى عـميل!!
ليـه يفضــل سـودانا مــحاصر
ليه يبــقى مــحبوس فـي فتيل!!
وشــعــبنا اصـــلاً افــــريــقي
وتعـريــبو مــجـرد تـــطـــبيل!!
وحصـــارو مــسبب تجـويعـو
غيــر رفعــو ما عنـدو بــديـل!!
ســـودانا مــطلـوب تــطبـيعو
مصلـحتو مــطلــوبة عـــديـل!!
شان يكـسر حصـار اليــانكي
شــان يــجـذب اســتثمــارات!!
يا عالــم مـش عايـزين فتوى
دايـــريـن اقـــــوى قـــرارات!!
&&&
الــدولة مخـــلوق عـلمــــاني
دا الواقع ودا الشي المــعلوم!!
الـــدولة شـــخص اعـــتباري
لا تاكل لا تقــيف لا تـحــــوم!!
الــدولة هي كــيان قــانــوني
لا تصلــي لا تـحج لا تـصوم !!
الواجب بيــن ناسا تـــساوي
بي حــق محـــفوظ مقـــسوم!!
لا تفـرق بـــين زيــد وعـبيد
لا عقـــيدة تـــعقد مـــظلوم !!
علـــى كــيفو العـايز يـــتدين
بس حــقنا بــيهـو ما يـــنوم!!
العالـــم بقـــى كلـــو مـفــتح
ملــيان كــاميرات شـــاشات!!
تانــي مافـي تحــلل يا فـردة
في محــاكم وفيـها عـقوبات!!
&&&
الجنــوب سـوا عملة جـديدة
وفي الجنوب عملتنا شــغالة!!
لا حســاب ديــه لا مـــــنطق
لا سيـــاسة لا حتـى رجـــالة!!
وبني كــوز خــامين العمــلة
لى شـــيلا عايـــزين عــتالة!!
وكمـــان تــزوير بالـــــجملة
اوضـاع العملــــة بطــــــالة!!
وبنـــوك ما فيـــها فلــــوس
وبنــــوك تحــــنن احــــوالا!!
شان نــزبط اولاد ام زقـــده
شـان نـزنق كـل العــنقالة !!
مطلــــوب تغيـــير العمــــلة
وتبــديلا رمـوز وعــلامات!!
مطلـــوب تـــغيــير العــملة
وخصـــوصاً آلاف مــــيات!!
&&&
تجـــــار العمــــلة لابـــديــن
مافـيش ســـريحـة تــحاحـي !!
ما بتــسمع قـــولــة يـا زول
دولار ريـال وشيـك سياحـي !!
ومواطــن مبــسوط بـــيقول
ما لاقــي عيشـي لا مــلاحي!!
دولارم يا نـــاس خـــــــلوه
يومــــياً ينـــزل وصــباحـي!!
الكــــوز خـــلــــوه يــجــــن
ودوه مســــتشفى الـــماحي!!
والحمـلة بتــــقول ياخــــينا
شان تضمن يا فردة نجاحي!!
مطلــــوب انـــتاج تـصـــدير
مطلـــوب تخـــفيض نفـقات!!
مطلـــوب تـــغيــير العــملة
عشـــان نــرفع الكنــجالات!!
&&&
ياخ حاسـبو من دولـة عمـيقة
يــا عســــكر يــا مدنــــيــــين!
الشمطـــة ما لــــيها لــــــزوم
ما تكــونو يا هـــوى داقسـين!
حصتكــــم حاليـــــاً ثـــــــورة
لا ناخـــــب لا مــــنتخـــــبين!
الفوضـــى ما تبقــى خـياركم
لا قالــــب لا مــقــــلوبـــــين!
ما تبـــارو نــاس قلــنا وقـالو
ما تـــبارو نــاس الـــبوخات!
وخـياركـم الاوحـد وحــــــدة
مافيـــش تــــاني خـــــيارات!
&&&
ده شــــباب الثــــورة كـارهنو
بيـــقولـــو يا هـــو يا نــــحنا!
العامــــل فيـــها راس قـــومو
وهـــو ذاتـــو اسـباب المحنة!
العمـــرو اكــــتر مــن مـــــية
ومـا بـــسكت ومـا بـــيفرحنا!
كل لحـــظة يطلــع تصــريح
بي لســانو ديـــمة مـجرحنا !
لا دايـــر بــى ادبـــو يـــعيش
لا عـــايز يـــموت ويــريحنا!
يومــاتي يدسـدس في شـيبو
يومــاتي يضــاري الصلعات!
كرهــــنا يــــاخ كـــل الــدنيا!
ياخ اســكت وبــطل حّـركات!!
&&&
سـلفـاكـير قـلــواك شــاكــرين
وجنـــوبنـا ما فيــهــو كـــــلام!
حــقــقــتو اكـــبـــر انــــجـــاز
اهــديتـــو لـي شـمالنا ســـلام!
حمــدوك بــرهــان وحــميدتي
وكباشـــي تـعـظـيم وســــــلام!
عــقــار جـــبـريـل ومنـــــاوي
والهـادي عليـــــكم يا ســــلام!
يا عـــسـكر ويــــا مدنــــــيـين
خليــكــــــم رامــــين قـــــــدام!
حـلــوها باخـــوي واخــــــوك
مـش عـايزين تـاني حـروبات!
شـان بكره ينـهــض ســودانا
وتنحـــــلا كــــــل الازمـــــات!
&&&
انحـــنا جد شـــعب عــــجيب
الســــيل ما بــــهزم فــــــنو!!
يا نيــل فــيض زي ما دايـــر
اولادنا جـــــواك بيــــغنــــو!!
ايقــاعـم دق راســـك ذاتـــو
وشعـــورم بيـــعبـرو عـــنو!!
ما بخافو مـن غضب الموج
المــــوت ما بهـــــربو مـنو!!
يا نيل جـيــب حـــزنك كـلــو
حانقلــبو فــرحة وحفــلات!!
حانبــشر وســـط الفـيضان
وحانـعرض جـوه المـويات!!
&&&
ما افشــل حكـــــم الرجّــــــالة
شوف لـيبـيا وشـوف لـــبنان!
ياخ عـــاين وشـوف المــانيا
ما انجــح حكـــــم النـــسوان!
انـــجيلا بي مـــــية راجـــــل
حـــرية ، انتــاج ، وامـــــان!
عايــزين والـية فـي شــمالنا
تحكمـــنا بي حــب وحـــنـان!
شـان نخلـص من اي مـشاكل
شــان نرتـاح مـن الجـوطات!!
&&&
كــورونـا خــاف مــن سودانا
كـــورونــا راســو شـاطبنــو!
كــورونـا لـو شـاف سوداني
بي ســـرعة بي يــهرب منو!
ما بلـبســـو ابــــداً كمـــامــة
وجـــونتـــي تـــب ما لابسنو!
ماكليــن شــاربين مجمـوعة
في الـحفلة مجــموعة يــغنو!
عاملــين فـي الشـارع زحمة
هــوا الله دايــمـــاً شـامــــنو!
كـــورونا بقـــى زي الكــورة
الناس علـى طـــول شايــتنو!
قالــولو شــوف ناســك ويـن
اولادنا اســود فــي غـــابات!
شـوف ناسنا جنــنو كـورونا
عملـولو كمـــان نـفســـيات!!
&&&
كــورونا بقــى ارجــل راجـــل
امـريـــكا بتصـرخ حـي ووب!
فـي غربـــنا جــنن اســـــحق
فـــي شـــرقنا بــهـدل ادروب!
الراجـــل بقــــى ذاتــو منـقب
الناقـصو بـس لـبـس التـوب!
فـي الـعيد مــافيش عــــيدية
للـــبيبي مــافـــيش دبــدوب!
كـــورونا حــايم في الشارع
وحابـــسنا فــــي زنــزانات!!
&&&
ياخ اعـدل قانــون في الدنيـــا
قانــون تفــكيــك بنــي كــــوز!
فكـــوهم فـــردة ورا فــــــردة
ولــو امـكــن فـــكو بالـــجوز!
تلاتين سنة شايتين في الاوت
كيـــف يعنـي عايـزين الفـوز!
قـــايـدكم ســـــــباب الطـّــين
فوق راسكم شايلين اراجوز!
الزحف الاخـضـر في عـينكم
يا دبـــايــب يا حـــربــويات!
&&&
آلاء يا بــــــت دقـــــــريـــــة
يا فـــارسة يا بـــت فــرسان!
شـــــرفـــتي العــــالم كلـــــو
شـــرفتــــي كـــل الــسودان!
وخطابك في نيويورك سرانا
حقـانــي مـــوزون مــــليان!
اصبحـــتي ايقـــونة الثـورة
سانـدتي حـــقوق الانــسان!
ما يهمـــك حقـــد الكــيزان
ما يهمــــك حـسد الكوزات!
&&&
مـــبروك يا عـــشة ســـــيادة
حـــقــقـــتي اكــــبر انــــجاز!
شـــــرفتي كـــل الـــــسودان
يا دغـــرية مـــن دون الـغاز!
وكبــاشي لـــو قـام اتلــــولو
يا عشـــة عــــندك عـــــكاز!
دقيـــهو زي دق الــــــعيش
ولو حكـــمت دقي الـــحجاز!
شان تاني ما يـــلف ويـدور
وما يعـــمل لينــا حـــركات!!
&&&
تــوزيرك مـــبروك يا مـــدني
ما يهــمك قـول زول بلـباص!
يا راكـــز يا صـــابي الـــثورة
لا رجعــتا لا قتـــا خـــــلاص!
جـــيت مـارق مــن البــمبان
جـيت طالـــع من الرصــاص!
عايزنك يا زول راس حـــربة
ومن شعبنا حايجيك كم باص!
يوم باكـر حانشـوف اهــدافك
تـتراقـص جـــوه الـــشبكـات!!
&&&
الريس حمـــــدوك شـــرفـــنا
وجـــد اقنـــع كــل الفـــراجة!
وخـطابو مــحسوب بالـمنطق
لا جوطــة فيهو لا صـــناجة!
حمــدوك مــن قــــولة تيـــت
جاب ليــنا المــاني خـــواجة!
حــــمدوك يا امــــل الامــــة
عايــزنك تعــّمل كــل حـاجة!
من مافـي جـــيب لينا سـلام
مــن مافــي جّــيب دولارات!!
&&&
يا فــارس اعــلامي مــحنك
بالـواجـــب عــارفنك قـــايم!
يا واقــف وســـط الفـيضان
في حي مايو شايفـنك حايم!
بالمــايك بتــحارب الظــالم
ما بتســكت ما بتــعمل نايم!
اصبحــتا ايقـــونة الـــثورة
شرفـــتنا جــــــداَ شــوتايم!
لمعتـــا جـــــيل الـــــشفاتة
ظهــرتا جــــيل كــــنداكات!!
&&&
مــبروك الـــثورة انتصــرت
ونجاحـا شان يبقـى حقـيقة!
يا تــجمـــــع يا مــهنـــــيين
ما تنومــو ولا حتى دقيقـة!
يا اخوانا الثورة احـرسـوها
واحمـــوها بــأي طــــريقة!
احموها من ثـورة مـضـادة
احموها من دولـة عمــيقة!
الثــورة هـي بــدت يا دابـا
الفـات دا كلـــو بـــروفـات!!
&&&
يا عالــــم تلزمـنـــــا عـــــــدالة
ما بتنفــــع قولــــة مـعليـــــش!
دعم ســريع ووضـــــع فظـيع
كـتلو الأولاد ما عــــندنا جيش!
كتــايب ظــــل ووضــــع مــذل
قطع النور وصــــفوف العيش!
وطنــي وشعبي تـحت الطاولة
كلـو وبعضـــو اكيد غشــغيش!
شـــــوف بـــشه الكــتل الناس
بتحــاكــــــم فــــــي دولارات!!
&&&
ســـودانا كلـــو فـــي الشـــارع
ملاييـــــن الـــناس شـــــافوها!
في بـــلدنا عايـــــزين مـــدنـية
في آخـــر الدنيــــا سمــعـــوها!
العسكــــــر الما دايـــر يفـــهــم
الليلــــة الثـــورة فـــهمـــــوها!
30 ســــنة حاكــمـين العــسكر
كيـــف تاني ياخـــي يحكـموها!
يـــوم بـاكـــر تـــرجع مــــدنية
لا كـــــاكــــي لا تـــعليمـــــات!!
&&&
المجلـــس كلـــو فـــي ورطـــــة
المجلــس هـــو الـعمل الـــعملة!
العسكـري هو السـرق السـلطة
وهــو الكــتل الاولاد بالــجملـة!
وحميــدتي الــسكران بالسلطة
عاملنـا فيــها حـــوض رمـــلة!
كـــل لــحظة يطلـــع تصـــريح
ما نفـــهـم منــــو فـــد جمـــلة!
جـــاب ليـــنا شــرتاي حـكامة
تم جميلك وجيـب ديناصورات!!
&&&
قــــدام الـــجـيش كــتلــو الاولاد
الجيش وينو الجـيـش وين راح!
الجيــش ويـــنو اكلـــو الــدودو
الجيش وين راح اكلو التمساح!
الجيش مالو مقفول في حــوش
وجــوه البــير جــدعو المفتاح!
الجيــش مالو واقـــف كــركون
الجيش وينو ما عنـدو ســـلاح!
الجيــش مـالو الــجيش وحلان
محــتاج لشـنو دفرة وصاجات!!
&&&
يا كــاتل الاولاد فـــي الوقفــــة
يا مصــهين وضارب الـطنيش!
يا مبكـــي الامـــات فـي العــيد
ما تكضـــب ســيب الغـشغيش!
دي جـــريمة دوليـــة خطيــرة
وما بتنفـــع قـــولة مـــــعليش!
كولمبـــيا فــي عيـــنك ياخـــي
دي بعيــدة من سـاحة الجيش!
يا خسارة الجيش كان بتــفرج
في مليــشيا تبيد في ولـيدات!!
&&&
وبعـــدين معــــاك يا بـــــرهـان
لا سمــــع كفــــاك لا شــــوف!
اهو شبابنا اعتــصام وصـــيام
لا تعــب لا رجـــوع لا خـــوف!
كــل يـــوم حايــمر ويـعــــــدي
بي ســــرعة زي اب نعــــوف!
عايـــزين سـلطـــة مدنيــــــــة
شان نطفي حرايق في الجوف!
شـان عيـــدنا يصــــبح اعــياد
شـان تنــجـح ام الـــــــثورات!!
&&&
لي حميدتي شوف شعبنا قال
مش خايفين مـن تـــهديداتك!
لو ناسك جزء مـن الــــجيش
ليه ياخــــي فـــارز قـــواتك؟!
ثورتـنا جيـــــشنا بيـــحميها
كدي جرب اضـرب طلـقــاتك!
ياخ اخلي القصر الجمهوري
شيل فنايلك وامـرق ناساتك!
دايـرين حكــــومة مــــــدنية
مش عايزين تاني مليشيات!!
&&&
ديسمـــبر ثــــورة شــــــــعبية
في نجاحا حاتـــفوق اكـــتوبر!
شــوف بـشــة الكــان بتعنطز
شـوف بشة الكـــان بــــتبوبر!
شــوف بشـــة الكـــان بــيهدد
بي عصاية ابنوس وصــنوبر!
الليلـــة مقفـــول فــــي علــبة
الليلـة مـحــبوس فـــي كـوبر!
شوف كاتل مجـدي فــي دولار
فــي بيــــتو لقـــــو دولارات!!
&&&
الشـهداء السقطو في سـودانا
شــيلـوهم في العين والــراس
هــم ضــحو بالــروح والـــدم
شـان نحــنا ننــعم بى خلاص!
هــم مـــرقو ضــــد الطــغيان
بي صــدورم لاقو الـرصاص!
ما تنــسو يا اخــوانا حــقوقم
مطلـوب يا اخـوانا قصــاص!
بي محــاكـم ثــورة ســودانا
بي عـــدالـة بي اجــــراءات!!
&&&
العالـــم يا نـــاس حــــــــباها
وعن حبـــها تــب ما بتــحول!
كنـــداكــة بــنــت الــســودان
متظاهرة فـي الصـــف الأول!
يوم فرضــو حــظر التــجوال
شــافــوها مــــرقت تتـــجول!
سمــعوها في اقـوى هتـــاف
ضـــد ليـــل الظلـــم الطـــول!
الصــوت الأجـمل فـي الـدنيا
زغــرودة تــشعلل ثـــورات!!
&&&
شـوف شعبــنا ساكي الكيزان
شوف شـعبنا شـاتم ضــفّاري!
كل كــوز راح شـــايل بــقجة
في راسـو وراح قايم جــاري!
واحـــدين يا ناس قبضـــوهم
مرقـــوهم من جـوه كـــباري!
يا كوز اركـز وشـــيل شيلتك
بي مالنا ما تــقوم ســــداري!
تتــحاســب لازم تتــحاســب
ما بحــلك شـــيل البـــقجات!!
&&&
يا ســلام يا شــــباب الثــــورة
شــرفتو الشعـــب الســوداني!
خليـــتو الفـــرعون يـــــتدسا
ويطلـــع ضـــــنبو الهــاماني!
كسّــرتو طــــواري وتجــــول
فـــشّلتــو مــخطـط كـــيزاني!
انقـــاذ ون سـقطت يا شبابنا
انقــــاذ تــو حاتســقط تــاني!
ما عايــزين رئيـساً وحــبيساً
ما دايـــرين تـدوير نفـــايات!!
&&&
يا قافـــل عـــلى كـــرت أخـــير
مجــهودك ضـاع ذهني وبدني!
العسكـر متخصـص في سـلاح
لا بــدير خـــرطوم لا مـــــدني!
حاتســـقط يعنـــي حاتــــسقط
وحايـــرجع الحكــــم المــدني!
لا بلــــه يحــــــلك لا جـــــــنو
لا بخـــورو لا لبـانو العــدني!
الشـــعب الســوداني بـــجرك
خمســين وجــواكر بايــظات!!
&&&
الفــيديــو كـــشـــف المـــستور
الفــــيديو ورانـــا الفـــاتـــــــنا!
في جامعــة مـــامون حــــميدة
بتشـــفي هـــم ضــربو بنــاتنا!
دي جرائـم ومفـروض تتحاكم
وبوليـسنا مصــهين وقـضاتنا!
اتحــــــدوا يــا مـغـــــــــتربين
لي متيــن يا اخــوانا ســكاتنا!
حمــيــدة ده لازم يـــتقاطــــع
وبي عينو ما يشوف ريـالات!!
&&&
شاب قال ولدونا والريس قـاعد
فرضــوه على الـشعب فـرض!
عرسنا وانجبـنا والريس قـاعد
لا فات لا مـات لا ذاتــو مرض!
والعيشة هـي صــبحت مافيشة
ومركب ركبين وشابكنا عرض!
كــرهــــنا يـــاخ كـــل الـــــدنيا
ده رئــيس واللا قطــعة ارض!
حل حكومتك ما بفيد لا طواري
ياخ ارحــل وســيب الحركات!!
&&&
يا شهـــيدنا يـــا ود الــــــخير
فيــك خـير وهم شـر مـطلوق!
عرفــوك زول جـــد حــــقاني
وما بتسكت عن حق مسروق!
كتلـــــوك تـــــجار الــــــــدين
وهم ديـــل اكبـــر خــــــازوق!
ويــن يــروح الكــاتل الـروح
يوم باكـر بصـــبـح مــشنوق!
والأصــــدر امــــرو للكــــاتل
يوم باكـر حايضوق ويــلات!!
&&&
معقـــــــول شـــان واحـد بـس 
يتحاصــــــر كل الســــــودان !
افـتــــــونا يا نـاس الدنيـــــــا 
جنــــــــنا جــــــن الاخــــوان  !
شبكـــــــونا يومــاتي حــــوار  
للنضـمـــــي فاتحـــين دكــان  !
ويومـاتي بيصـــــادرو جريدة  
ويومـاتــــــي فاكيــن بمــبان !
الفوضــــــــى حلـقـت كابوريا 
الجوطـــــــــة ولــدت تومـات!! 
&&&
الحالــــــــة بـــس زي الطـيــن 
في جيبـــــــــنا مافـــيش مليـن! 
وأي سـعـــــــــر أصبح سعران 
ما بـنقــــــــــدر ندخـــل دكـان! 
والســـــــــــوق أصبح مطلـوق 
وأي قـــــــرش أصبح ممحوق! 
يا حلـيلـــــــــو زمن الضــيفان 
ما بنقــــــــدر نعــــــزم إنسـان! 
على فطـــــــرة بمــــــوية فول 
لا جبــــــــنة فيـــــها لا زيـــت 
لا سلـطــــــة لا طعمـــــــــيات !!
&&&
والهـــــون رفـــــع التلفــون 
في لحظــــة ضــرب البليـون!
والهـــــــم واقــــــف طابــور 
من تصبــــــح ما نلقى فـطور!
الفــــــــات فـــات لف اللـفات 
فـي جـيــــــــبو الكـنـــجالات !
من مافـــــــي ركـــب العربات 
جالــــــوصو أصبح صرايات !
والفـلـــــة وقعــــت في البـير 
محروســـــــة بي كم خــنزير! 
لا محاســـــب لا كشف حساب 
لا ذمــــــــــــــة لا اقــــرارات! 
&&&
بتــرولـنا بـى نسمـــع بيهـــو 
بس منــــو ما ضقــــنا ثمـار  !
العـائــــــد أكـبـــــــر مجـهول 
وتوزيعــــــو ســــر الأسـرار !
أفتــــــــونا يا مـدنيـيـــــــــن 
ورونـــــــا يا نـاس الـجــيش !
لى جــــدادنا ما نلقى العيـش 
لى غنمـــنا مافـيـــش برسيم! 
لو جعــــــنا بس ناكــــل نيـم 
كم ليلـــــــــة القـــوى بتناهو 
واصبحــــــنا زي الحطبــات !!
&&&
اولادنا وبـناتنــــا انتفـضــوا 
وكـــــبارنا عاقـــــدين الـنية 
الثـــــورة حتمــــلا السـودان  
سلمـيــــــة ثــورة سلميـــــة
دايـــــــرين الحكـــم المـدني 
عايزيــــن دولـــــة مدنـيـــة  
دايـــــــرين فـي بلـدنا سـلام  
عايــــــزين خـــــبز وحـرية 
طالعــــين الليلـــة وبــــــاكر  
استـنـــو الجمــــع الـجايات !
&&&
شعبيـــــة الثــــــــورة شـــعبية
مـــرقت وتـــاني مـــا بتــــرجع!
مشـــروعكم افــــشل مشـــروع
لا بصنـــع ياخــــي لا بــــــزرع!
ســـودانا سببتــــو حـــــــصارو
وتواصـــلو حكمكـــم ما بـيرفع!
لروســـــيا وامريكــــا ركعتــــو
وشابـكننا ابـــــداً ما بنــــــركع!
ما بتنفــــع رقصــــة ود بـــشة
في الساحـة او في الشـاشـات!!
&&&
يا عطـــبرة يا حـــديد يا نـــــار
اشعلــــتي للــــثورة شــــرارة!
نطــقتي الـــــمدن الســــــاكتة
وزيـــك هتـــفت بي حــــرارة!
تســــقط بـــس تســـقط بــس
اهديتــــي للثـــــورة شعـــارا!
بهدلتي المؤتـــمر الـــــوطني
خليــــتي الـــريس يـــتجارى!
نتفـــــتي دقـــــون الــــكيزان
وزعمـطـي شـعـر الكـــوزات!!
&&&
الــــريس بقــى ذاتـو مـــزهمر
والـــوزراء كــمان خــرفانـين !
ما عايـــزين جلكيـــن يحكمـنا
ما عايـــزين تانــي جــــلاكين!
دايـــرين حكــــومة شــــبابية
شــــابات شبـــــان واعـــــين!
مافــيش في خــطابم جـــوطة
بـي عصـــــاية ما رقاصــــين!
باي باي للعــصـر الــــحجري
ما دايــــرين دينـــــاصـورات!!
&&&
تسـقط بـس في حــمار كتـبوها
وفي وســـط الــشارع طلــقوه!
ضبــــاط الأمــــــــن شــــــافوه
في البوكســـي حـــالاً رفعـــوه!
ايه ذنــــبو بـــرسيم ما لاقــــي
وما فاهـــم شـــان ايه قبـضوه!
ياخ راعـو حــقوق الــــحيوان
يا اخـــوانا فــــــوراً فكــــــوه!
هو معروف بطبيعتو مـــسالم
ومن حقو يسير في مسيرات!!
&&&
يا ابو عـلوه جـيب لينا كـتايبك
من ضلك وجيب حـرس الصيد!
ما بحـلك تهــديد يا ابو عـــلوه
ما بفيــد يا ابو علـــوه الـــكيد!
كل شعبـــنا مارق وما بـــرجع
وما بــخاف من زيـــد وعبــيد!
اولادنـــا وبناتـــنا انتفضـــــوا
ثـــــوار كاســـــرين القــــــيد!
مفـــروض يا نــــاس اتـحاكم
القـــال انا عنــدي ملـيشـيات!!
&&&
واللــــه ده اغــــــرب تــصريح
مـــن زول منجــــم مــــــــرتاح!
بيقـــــول شـــــبابنا البــــتظاهر
لا رغــــيف طالــــب لا مــلاح!
ما عـندو غـير مطلـــب واحــد
مشكلتــــو فــي الدنيـــا نـكاح!
وشان يهدا الشارع السوداني
وتعـــم فيـهــو الافـــــــــــراح!
بي ســرعة هـاتو المـــــاذون
واعقــــدو وســوو الحفلات!!
&&&
يا شعبــــنا يا ارقــــى مـــــعلم
ثورتنــــا ياخ حاجــــة تــــمام!
وهتافـــــنا العالــــــم سامعــــو
حـــــرية عـــــدالة وســـــــلام!
كـــــل يــــوم بــــكبر موكبـــنا
وثـــوارنا رامــــين قـــــــــدام!
بلزمــــنا العصـــــيان الـمدني
بلزمـنا الاضـــــراب العـــــام!
شان عمـك يــــشيل البقــــجة
وبي سـرعة يكب الــزوغات!!
&&&
يا بـــري يا ارض الاحــــــــرار
يا بــــري يا ثـــورة قـــــــوية؟!
اولادك وبـــــناتك مــــــــرقـــو
سلمــــية ضــــد الحـــــــرامية!
الشهــــدا السقطــو في ارضك
حــــيرفعو رايـــــة الـــــحرية!
في مقابرك بهــــدلتي الأمــني
وهــــوبة قلبــــتي العـــــربية!
القاصـــــد يـــهينك يا ويـــــلو
بي عيونو يشوف الويــــلات!!
&&&
يا الـــسادن يا زفـــت الطـــــين
جايــــينا ناطــــي مـــن ويــــن؟!
تصـــريحك زي وشــــك يـاخي
تصريحــــك اكـــتر مــن شـين!
بتـــهـــدد الـــراجـــل يـــــطــلع
بـــتهــدد بي قطـــع الريســين!
ما بــــتقدر تــقطـــع راس زول
وطالعـــــين هـــــسه وبــعدين!
يســـقط بس الــسرق الــسلطة
يسقط بس حرامي الـشهادات!!
&&&
يا بشــة كيــف ترقــص ياخـــي
وبي هنــــاك الــناس جايـــعين؟!
يا بـــشة كـــيف تـــقدر تـرقص
وبي هـــناك شباب مكــــتولين؟!
يا بشـــة ياخ خــــاف من ربـك
يا بشــــة خـــاف يوم الـــــدين!
الشهـــــدا بي هـــناك راجــــنك
والنـــاس بي جــــاي شاهـدين!
يا بـــشة يـــاخ ارحــــل ياخــي
حرقــــــتا قـــــلوب الامـــــــات!!
&&&
ود بـــشة لـــي جيشـــــنا قــــال
وقــــولو مــــردود على نحــــرو!
لو دقـــــت مــــزيكة الــــــــجيش
كـــل فــار بدخـــل فـــي جـــحرو!
يا بشـــة شـــوف ويـن فـــيرانك
الأكلـــو الكبــــــرى في بحــــرو!
أولادنــــــا ثــــــــوار احــــــــرار
للظــــــالم تــــــب ما بندحـــــرو!
ويـــوم بكــــره كدايــــس ثورتنا
حاتقبـــــض كــــــل الفــــــارات!!
&&&
طـــــــير طـــــــير يا بــــــــــــشير
اتــــظاهر شـــــعب الــــــــسودان!
باوامــــــر بشـــــــة صـــــــرفولو
تخـــــوين طلـــــــــقة وبـــــمبان!
ســـــــير ســـــــير يا بــــــــــشير
اتظــــاهر حــــــزب الكـــــــيزان!
باوامــــــر بشـــــــة صــــــرفولو
تمــــــوين تـــــرحـيل مـــــــجان!
شوف بشة في الــشعب يـــكاوي
كيــة كــية لا خـــــد لا هــــــات!!
&&&
ده الوطـــني بالـــحيل مـخـــــنوق
مـــا قــــــادر ســــاكت يتــــنفس!
شـــوف عـــمك مـادي القــــــدوم
شوف وشو بالخــــلعة مــكرفس!
اهو شـــبابنا للـــــشارع مـــــرقو
بالعلــــني مـــــش بالــدس دس!
رامـــــين قــــدام بي حـــــــماس
وشـــــعارم بـــس تـــسقط بـس!
وشـــــبابنا هـــم راس الـــحربة
وشـــوتاتم جـــــوه الــشــبكات!!
&&&
الشـــــعب الســــوداني بقـــــــولك
يا بــــــشة ارحــــــــل يا بــــشة!
لا الكاكــــــي بــــــقدر يـــرهبــــنا
لا دوشكــــا تنفـــــــع لا هـــرشة!
تلاتــــــين يا بشــــــه كـــــــــفاية
لا مصـــــــــنع دور لا ورشــــــة!
القـــرب مـــن جــــوعو يمـــــوت
ما بــــرحم الـــــلاذي الكـــــرشة!
أحســـــنلك هســـــــع تتـــــخارج
قبــــــال تجـــــــيك الكـــــــشات!!
&&&
ده مواطـــن ســـــوداني بقــــــولك
يا سيــــسي بــــديك انا لــكـــــشر!
طالــــبنك يا ســـــيسي حــــــلايب
يا سيســـــي اوعـــــك تتفــــــشر!
بي ضـــــنبك اوعـــك ما تلـــــعب
قــــــــــدام الأســـــد الكــــــــــشر!
يا سيـسي في شؤون ســـــــودانا
يا ســــيسي اوعـــــك تتـــــحشر!
ما تقـــــــــولي يا ابـــــن النــــيل
ما تقـــــــولي نــحنا اخـــــــوات!!
&&&
يا شــــرطي اســمع ويا جـــــــندي
ما تكــــتل ابـــــداً مـــــتظاهــــــــر!
في تـــــراب ارض الــــــــــسودان
مــــا يــــــسيل الــدم الـطاهــــــر!
دي جــــريمة دولــــية خــــــطيرة
وما بــــحلك الظــــــرف القـــاهر!!
ده مواطــــن ومــــن حــــقو يعبر
من حقـــــو بى رايـــــو يجـــاهر!
لا خـــــــــونــة لا مـــــندســـــــين
ديل اهــــــــلك يا بلــــــــــــــديات!!
&&&
يا راجـــــل الـــــناس بتـــــــــموت
طـــــلقات فـــي الــــناس انـــطخن!
نـــــــــسوانا للـــــــشارع مـــرقن
الــدم فــــي عـــــروقن ســــــــخن!
لا ســـــــاطن ياخــــــي لا فـــركن
لا عجـــــنن ياخــــــي لا لــــــخن!
يا راجـــل قـــــوم اطلــــع بــــــره
لي مـــــتين تقـــــــعد تدخــــــــن!
يا راجــــل وريــــنا رجــالتـــــــك
منـــــعول خـــــــاش الـــــبوخات!!
&&&
ديــــــسمبر ثــــــورة شعبيــــــــة
بتـــــــشرف كـــــل الـــــــــسودان
مـــــن عطبــــرة لـــــي ام روابــة
مــــن دنـــــقلا لــــي بورســـودان
مـــــارقين اطفــــــال وشــــــباب
طالــــعين رجــــــال ونـــــــسوان
طالـــــبين الحكــــــــم المــــــدني
حــــرية عـــــــــدالة وامـــــــــان
عــــــايزين بــــــنزين وغـــــــــاز
دايـــــــرين رغـــــيف وقريشــات
&&&
لى رغيــــف بنــــزين او غـــــــــاز
النــــاس واقفـــــين فـــي صـــفوف
اعـــــــدادم تـــــب ما بتـــــــــــتعدا
عشــــــــرات مــــــــيات والـــــوف
تتخــــــــابط ايــــــدين رجـــــــــلين
تتــــــطاقش ريســــــين وكـــــتوف
 دفــــير كـــــــوراك ومــــــــــشاكل
شـــــــلاليت بنـــــــــيات وكـــفوف
بي مهـــــانة الـــــناس رضــــيانة
عقــــــبال صـــــــف الـــــــــجلدات
&&&
لـو راحــت عيـــنك يا سـامح
العــــــزم العـــــندك مــــا راح
الجـــوهرة تــــهديك عــــينيها
وتمــــــلا حــــياتك افـــــــراح
النــــاس الـــــوقفو معــــــاكم
والعملـــو الــحاجات الصــاح
زفــــوكم زفـــــة ثـــــوريـــــة
اللـــــيل قلبـــــــوه صــــــباح!
مبــروك وبيـــت مـال وعيـال
وسلامتك يا سامح وسلامات
&&&
للوالــــدة رســــلنا قـــــروش
بي حـــــوالة قــــالو فــــورية
وصـــرافة عمـــــلت تحــويلة
والبـــنك اســــــتلم النـــــقدية
الوالـــــدة ما اســتلمــت شي
لا صبــاح لا حتـى عـــــــشية
قالولا تـــب مــافي ســـــيولة
غـــشوها النـــاس الحـرامية
فـي عطــبرة لا حــديد لا نــار
كيــــف ياكلـــو حـق الامـات
&&&
فـــي كـسلا النـاس بتمــوت
فـي كســلا الناس بتـــكنكش
كايسيـن للعافيـــة كواســــة
 وبعوضة في العافية تفركش
كل زول بقــى جد مــــــحتار
العاقـل بقــى ذاتـو مـكشكش
الوالي في الكرسـي ملصـق
الريـس في الكرسي مكنكش
واحــدين في اشــقى شقاوة
وواحــدين آخـــــر راحـــات
&&&
حمــدوك قالــــولو تعــــــال
كــــون ليـنا وزيـرن للمــال
جيــــب لــينا يا زول دولار
يازول جـيــب لــينا ريـــال
عايزين ماكــــول مشروب
 دايــرين ملـبوس ونـــعال 
الحــال بقــى واقــف دوت
 الحــال بقــى جـد بطـــــال
حمـــــدوك قـال ليـهم كـــو
 حــمدوك كـــبا الــزوغات
&&&
شوف بشــــة يرقص مبســـوط
وفـــوق راســـو يلـــعـب عــكاز
وكــل يــــوم اســـــــعار بـــتزيد
مافيــــش لا فحــــــم لا غـــــــاز
وصفــــــوف الـناس واقفـــــيـن
ومافــــــيش عـيــــش الـــخبــاز
وصفـوف عــربات واقـــــــفـين
ومافيـــــــش بـــنزين لا جــــــاز
في طلمـــبة لعبـــو الكوشـــتينة
في طلــــمبة صلو الجــــــمعات
&&&
يا سـاعـة هـم قــالو عقـــــاربك
مطلـــوقة وبــس لازم تـــــرجع 
شان زمـــنك يــصبح مظبـــوط 
زي ساعــات العالــــم اجمـــــع
تقــديم تـــأخير علـــى كيفــــــم
حاجـــات زي لــــعب الـشفــــع
يا ريــت كل عقــــرب يرجــــع 
لى جـــــحرو وابـــداً ما يطـلــع 
شان نــــرتاح مـن العضعـيـض 
شان نـــــرتاح مـن اللـــدغــات 
&&&
وحــــــوار الوثبــــــة ابــــــــوه 
الصــــــادق عرمـــــــان وامـين
واحــــدين قاطعيــــن الحــــركة 
واحـــدين للنـــــاس قايليـــــــن 
وحـــوار ودبشــــــة رئيســـــو 
ما بنفـــــــع لي يــــــوم الـــدين
بيحـــــاور في نفســــو بــراهو 
ولـسانــــــو زي السـكيــــــــن 
ليـــه يعنــــي لاميــــن الفكــــة 
ليه يعنـــي عامليـــن جوطــات
&&&
الــــــــزول ما فــــاهم حــــــاجة
الـــــزول بقـــــى جــــد محتـــار 
فد مطـــــــرة فضحتنـــا فضيحـة
في شــــــوارع صبحــت انــــهار
كـــم نــــاس بي هناك بتمـــــوت
في بيــــــوت تتمــــاص تنهــــار
وبيجـــــاي  حـــاكم ومعــــارض
مشغـــــول بي كــــوار وحــــوار
يا بلـــــدنا يا كايســــــة ســـــلام
يا بلــــدنا ســـــلامات ســـلامات
&&&
ســـودانا حــــالــــو شـــالـــــوه 
عفصــــوه دايـــر ما يــــــــــدور
قـبضــــــوه لا مــــا قبضـــــــوه 
شـــــطــــبوه راس الــــغنـــدور 
مــرقوه بـــي ســــرعة شــديدة 
قبـــــــال ما الحـــلــــة تـــــفـور 
يا ريــــس الـــــزم خرتـــــومك 
للخــــــارج اوعــــك ما تــــزور 
قـبضــــــوه لا مــــا قبضـــــــوه 
جاطــــونا اولاد الهـــــرمــــات 
&&&
ام قسمـــــة فرحتــــي قلوبـــــنا 
ام قسمــــة زعــــلك ممــــــنوع 
ام قسمــة قصيهــــو شريطـــــنا 
افتتحــــي كـــل يـــوم مشــروع 
ما يــــهمك زولـــــن دهنـــــاس 
ما يــــهمك زولـــــن جـــــربوع 
بـي شــايك عالجتــــي بنيتـــــك 
بـي شايـــك حاربتـــي الجـــوع 
بـي بنــابر ســـويتـي مـــــــنابر 
وكانـونـك حــلحـــل ازمـــــــات 
&&&
بال ميـــري مسـكــون بالــهم 
نــاس زهــرة يشكـن وحواية 
غير شـــاينا كـيـــفن حنعـيش 
بنـــــربى جـنــــيات وصــبايا 
الكـشــــة كابـــوسـنا الـيومي 
يا مـــــاشا فــــوقنا يا جــايه 
يا اخـــــوانا كيف سـت الشاي 
تتــــعامل زي ســـــت انـداية؟ 
كـــــم مـــــرة يانــاس كشـونا 
ما خــــــلو لـيـــــنا الـحــبايه 
كـــم مــــرة طفـقـــو الـــبـراد 
كــم مـــــرة كـســـرو الكبايــه 
كم كشحـــو شـــايات وسـكاكر 
كـــم دفقــــو ازبـــط جبـنـــات 
&&&
العــالــــم فــاهــــم لـــعبتـــكم 
تصــويتكـم كـــــذبــة إبـريـــل 
وفيلمكــم معــــروفة بـدايتـــو 
ونهايتــــو مكشــوفة عــديــل 
فــــي الأول رقصـة ود بشـــة 
وفي الآخــر تكبيــــر تهليــــل 
غير بشــة حــــوا ما ولـــــدت 
ود بشــــة ما عنــــدو بـــــديل 
ستطاشـــر نازليـــن ترشيــح 
بــس واحـــد يــدو الاصــوات 
&&&
الـــديـــــن للـــــه يـــــا زول 
بي الديــــــن ما تاكل عيــش 
لى بشــــة ما تســوي دعاية 
ما تضـرب ليــــهو اورنيــش 
يـــازول اقعــــــد في محـلك 
يــــازول سيـــــب الهــــبيش 
ود بشـــــة ما جـــا بتصويت 
جا السلطـــة بسـلاح الجيش 
ود بشــــة حيفــــوز حيفـوز 
ايه يعني لــزوم الغـــشغـيش 
يـــا زول خليــــــك حقــــاني 
يـازول سيـــــب الحـــــركات 
&&&
بارودي كـــيف يصبـــح ريــــس 
وشعيــب كيـــف يبقــى رئيــــس 
ود بشــــــة ما بطلــق سـلطــــة 
بـــى قـــــوة أو بــــي تحنــــيس 
مرجـــوعة باكـــــر لي حبلـــــــو 
والحولـــــو تحليـــــل تتيـــــــس 
ماذونـــــو جـــــوه الصنـــــدوق 
وشهــــودو لابدين في الكيـــس 
ليــــه يعنـــي لاميــــن النــــاس 
ليــــه يعنــــي ساوين حفـــلات 
&&&
ابـليـــس خـــــالف رجـــلينــــو 
وغـــنمــو ســـارحـات بالـراعي 
وحـــوار وحــــلانة لســــاتكــــو 
ما بقـــــوم بي دفــــع رباعــــي 
هــاجــــوج عايــزو بالجملــــــة 
مـــاجــوج دايــــرو قطـــاعـــي 
طالـعيــــن بس مافـــــي لـــزوم 
نازليـــن بس مافيـــش داعــــي 
يا شعبنـــــــا ضـــــاعت اموالك 
فـــــي وفـــــود فـــي طــيارات 
&&&
ومجنــــــون عامـــل تصـــويت 
بيجنــــــن كــــل العُـــقّــــــــــال !
متحكــــر فـي نــــص الســـاحة 
لي غيــــــرو ما مـــــدي مجال!
بيغنــــــى براهـــو ويصفـــــــق 
ويـــــــدق نـــــــوبة الطـــــــبال !
بيــــرقص فــــي الــدارة براهـو 
من روحـــــــو بيشيــــل شبـــال!
بينقـــــط لى روحــــو بـــــراهو 
ويبــــعــــزق فــي الملـــــيارات!!
&&&
وضحــية حســــبوها خـــــروف 
وضحيـــــــة شعبـــــاً بي حـــالو 
الضـــاعـــــو بنــــــاتــو واولادو 
الضاعـــــــو حريــمو ورجــــالو 
الدينــــــو بقــــى اكبــــر ديـــــن 
واسبـــابو كانـــو وما زالــــــــو 
الريــــس بـــس عامـــــل نـــايم 
ضربـــــولو قافـــــــل جــــــوالو 
الحـــــال بـــس واقـــــــــف دت 
لا تفـــــاوض لا خــــــد لا هـات 
&&&
يا شعبــــنا يا اكــبر فاهـــم  
ما بغشـك السـوى الغلطــة  
وخطـــاب جـــد ما مفـهـوم 
للســــامع بيـسبب جـلطــة 
ما فيهـــــو حبايـة مـنطــق  
مخلــــوط بـي مـية خلـطـة  
الحـــل تقســـــــــيم الثــروة 
الحــــــل تقســـيم الســلطة 
الـوثبــــــة القــــالو علـيـها 
يا اخـوانا ساكـت حــركات 
&&&
فد مطـــــرة الحـالــة تقـيــــف  
تتقطـــــــع طرقـــــات وكباري  
بالمـــــــرة مافـــيش تصـريف  
مافيــــش خيـــــران ومجاري 
ومسـئــــول ضـارب التطنيش 
بيصهـيــــن ويعمــــل ماداري 
فـي العيــــــد تنـهــــدا بـيوت 
الـنــاس خايضــــين كـــداري  
في العــــيد اطفــــال بتمـــوت  
بي سـيـــول بي فيــضـــانات  
&&&
الشهــدا السقطـــو في دارفور 
الشهــدا السـقطـــو في نـــيالاّ 
ما تنســــو يا اخــــوانا حقوقم  
بقـــــــــارة اتلمــــــو وابــــاله 
الـضــــرب الرصــــاص الحي 
الاصـــــــدر امــــرو بـي نذالة 
مفــــروض يا نـــاس يتـحاكم 
دايــــــرين قانـــــــون وعدالة 
يا عالــــم مطلــــــوب تحقـيق 
بي نـــــزاهة بي اجــــــراءات 
&&&
ورســــــوم راجيـــــاك بيـجاي 
وجبــــــاية حارســاك بيهـناك
على راســــــك تدفـــــع دقنـية 
النبكـــــــــة مقسـومـــة مـعاك
وضرائــــــب حـــولك تتـحاوم 
لو تجــــــري تلـقـــــاها وراك 
التـــــــــور ذاتــــــو يحلبـــوه 
الأرحـــــــم عهـــــــد الاتـراك 
بــاى بـــاى ســـوولا رسـوم 
تحصيـــلا بدون إيصــــــالات 
&&&
الـفــــــار فـــــرفر في الفـــروة 
شابكــــــــنا يومـــــاتي فـتاوي 
كم أرنـــــــــب جــــوه الطاقيـة 
مستنـــــي منـــــــديل الحـاوي
الحاجــــــــة اليـــــــوم تتحــرم 
وينكتلــــــو علـــــشانا شـبـاب 
تتحلـــــل في اليــــــوم التانـي 
ويـقــــــولو لي ناسا حــــباب 
الجـــــــن مـــن جنـــو اتجنـن 
واتعــــوذ مــــن الكضــــــبات 
&&&
ابليـسنــــــا ســارح بـي غنمـو 
وغـنمــــو سارحــــات بالناس 
الكـــــــــان مستــــــور الحـــال 
الليلـــــــة مقـطـــــوع الـــراس 
الفاطـــــي سطــــــرين وتلاتـة 
الفاطــــــي كـــــل الكــــــراس 
لا يحلـــــــو الشيــــخ الجعلــي 
لا تحـلـــو سيطـــان كـــدباس 
البيتـــــو بقــــــى بيت مسكون 
والحلــــــة بيـــوت مسكـونات 
&&&
عمّــي على ضــاق بيهو الحال 
ساب مرتــــــو خــــلالا البـيت 
عمّــــي على باظــت أعصـابو 
واخــــلاقو قطعــــــت كم خيت 
عمّـــــي علــــى أصبـح نقناق 
ومين يسمــــع في بلاد الواق 
عمّــــي على ضاق خيرا زمان 
والليلــــــة ما شـــايف حاجـة 
بتـمنــــــى الماضـــــي يعـــود 
ويحكمنــــا من تانـي خواجـة 
لا وطنــــــي نافــــــع لا امـــة 
لا حـركــــــة لا مــــــؤتمـرات 
&&&
الشافـــــع بـس الله معــــــاهو 
الشافــــــع ما لاقــــي اللـقمــة 
الشافـــــع ما لاقــــي دواهـــو 
الشافـــــع أصبــــــح بكـــــاي 
الشافـــــع أصبــح ضــــبـلان
كرشــــوه من جــوه الاوضــة 
طـــــردوه مــــــن الديـــــوان 
حرمـــــوه مـــــن أي حــلاوة 
حرمـــوه من باقـــــي الشــاي 
في العيــد ما يشــوف عـيدية 
بي عينــو ما يشـوف لعــبات 
&&&
الطالـــــــب طالـــــب مـــن الله 
كيـــف يصـبــــح من الشطار؟ 
كل همـــو بقـــى بس في بطنو 
كيـــف يقــطع كـمــين مـشوار 
الجامعــــــة يا حلـيل الجامعـة 
لا صـفـــــرة لا داخلــيــــــــات 
الجـامعــــــة يا حليل الجــامعة 
لا مـعامــــل لا مــــختـبــــرات
&&& 
الكهـــــــربا بتــــسـل الـــروح 
بتـقطـــــــع مــــن دون انـــذار 
المويــــــة تقطــــــع على كـيفا 
وتنشــــــف حلـــــق الأزيــــار 
الازمـــــــة مــــن دون تفـسير 
ما النـيـــــل هو أبــــو الأنهـار 
لو اصلــــــو معــــدوم الفائـدة 
لو مويــــتو صبحــت سجمانة 
بيعـــــوه لشعــــوب عطـشانة 
عبــــــوه فــــي جــــــركـانات 
&&&
تلـفـــــازنا بـــــوظ اعــــصابنا 
النـشــــــرة زي حفلـــــة ظار 
بيــــــجاي واحـــدين بيكوركو 
بيـهنـــــاك بـيـــــدقو الـــــطار 
النشـــــرة مجــروس متـحرك 
والعـسكـــر يلعـــــب بالنـــــار 
وعكـليـــــتة يقـــــدم برنـامج 
طـفشــــــنا مــــن الســـهرات 
&&& 
فنــــــانا أصــــــــبح هــنــــاق 
بيغنـــــى غـــــنا ما مفهــــوم 
بـيعكــــــــر جــــــو أمدرمـــان 
بيـفــــــور دم الخـــــــــرطـوم 
النجــــــــم الأوحــد فـي سـمانا 
مــــــداح بيـغــــــني الـــــراب 
يتلولــــح زي شــافع الروضة 
يطوطـــــح من دون أســـباب 
حنيـــــنا لي حقيـــــــبة الجـن 
حنيــــــنا لـــي الـحكــــامـات 
&&&
الكـورة صبــــــــحت دافــوري 
اللاعـــــــب أصــبح كحيـــان 
يــــا دوب قــــــــادر يتحــرك 
كيـــف يعني حيــــجيب اقوان 
ومعلـــــق باظــــت اعصــابو 
ومشجــــع مـسكــين غلبـــان 
وبـــــلاد ما تســــــوى الحـبة 
تغلبــــــنا جـــوه الـــسـودان 
البلعـــــــــب دون ميـــــزانيـة 
ايه يجنــــي غــــير الخيــبات 
&&&
القـومــــي في امــــم افريقــيا 
لا ريحـــة لا طـعـــم لا لــون 
فــي تـــــلاتة غلـبـــونا تـلاتة 
ما طلعـــــنا ولا مـــرة درون 
ما تزعـــــــل أبـداً يا فـــــردة 
لو تيـمــــنا واقـــف كـراكون 
ما عـــــزانا الاوحــد يا سادة 
في نفســــنا جــــبناهو القون 
ايه يعنــــى علــــم الســـودان 
ايه يعنى حدود ما معـروفات 
&&&
للهجــــــرة الـباب مفـــــــتوح 
الرايــــــــح انـشالله يـــــروح
الهاجــــر من ضـــــيق الحـال 
الهاجــــر من ضـــيق الـروح 
الهاجــــــر من فصـل جماعـي 
بالجملــــــة أو بالقطاعــــــــي 
كم جــــــــيل بــــــدل جــيـناتو 
كم جــــــيل اتناســــى قديمـــو 
لو طـــــــرتا لي آخــــر الدنيـا 
لو رحــــــتا بــــلاد الاسكيمــو 
حـتــــــقــــابل زول أو زولات 
&&&
فـــي الغـربة بتـــلاقي مصـايب 
في الغـــــــربة بتـــلاقي مآسي
دكـتــــور شــغــــال جـــرسون 
ومهــــندس شــــغال تكـــاسي
واحـــــدين ساكنــــين مقطورة 
كان احـســـن سكنـــة تنقـاسي 
واحـــــدين ساكـــين الـميتــــة 
ما شبـعـــــو مـــن الـصـــدقات
&&& 
الغـربـــــة صـــــبـحت ملـعـونة 
الغــربــــة صبــــــحت بطـــالة 
لا سـفــــــارة تنصـــــر مظلـوم 
بي هــــرشة او حتـــى رسـالة 
كم زول مغلــــــوب علــى امرو 
معصـــــور بكفـــــيل وكفالــــة 
قـــــــلاع يقلــــــع مقــــــــلوع 
لا منطــــق ينفــــع لا رجـــالة 
واحــــدين فـــي مــــحلك ســـر 
واحـــــدين قايميــــــن دفــرات 
&&& 
وحكــــــومة شغـــالة رجــالة 
بالعلنــــــــي قــالت لــي ناسـا 
الدايـــــر حقــــــو يحــــــاربنا 
سيبــــــونا من اي سياســـــة 
كل حتـــــــة مرقـــــت بسلاحا 
كل حتــــــة جـمعــــت فـراسا 
خايفــــــــين مـــــن الشايفـنـو 
خايفيـــــــن مــــــن الزنــــدية 
خايفـيـــــــن ســـــودانا يضيع 
يتقســـــــــم زي كمـــــــونيـة 
كل حـتــــــة تتــــــناول كـوما 
وتتحـــــــول لـــي جمهـوريـة 
الحــــــال ممكــــــن يتلخـــبت 
والواقـــــــع يصبـــــح كالآتي 
كل حـلـــــة ترفــــــع اعــلاما 
تتمـتــــــع بالحكــــــم الــذاتي 
الـشايقـــــي يــــنازع الجعـلـي 
في حــــدود ما مـــــرسومات 
&&& 
وحـكــــومة شابكـــنا حلـيـفة 
الــــــوزرا يحلفـــو بالــــدور 
قــــــوات دوليـــــــة يمــــين 
ما تدخـــــل اقـلـــيم دارفــور 
وكم قـــــوة دوليــــة تحـــوم 
في جنــوبنا وجـــبال النــوبة 
المنطـــق راح فــي حــق الله 
والجوطـــة قلبــت كم هــوبة 
والهـــــوبة انقلــــبت تـــانـي 
الهــــــوبة صبحـــت هوبـات 
&&&
وجنـــوبي وشمـــالي اتشبكـو 
كل واحـــــد بيكـــورك عووك 
صــــرتنا في ابيــــي مدفـونة 
لا جــــــدك هيلــــــو لا ابـــوك
في ابيـــــــي المـــوت بالكـوم 
في ابيـــــــي الدم مسفــــــوك 
في ابـيــــي الجـــــن متحــرك 
في ابـــــيي شيطــــان مفكوك 
يا ســــاتر اســــتر يا ســــاتر 
تنحــــلا باخـــــوي واخــــوك 
ســـوداني يكـــاتل ســــوداني 
وابليــــس ضـــارب الراحات 
&&&
الإحـصــــاء قـــرب يا اخــوانا 
ورونا كيــــــــف حــيعــــدونا؟ 
الطفـشـــو ضعـفــــين الفضلـو 
حيـجلــــو مهـمــــا يحسـبـونا 
كـم مـــــرة جاطــــت حسبـتنا 
كـم مــــرة جاطـــو وجاطـونا 
كـم مــــرة قـسمــــونا وضربو 
كـم مــــرة جمـــعو وطـرحونا 
شــالــــونا من خـــانة الزيرو 
في خانــــة الماينــس ختــونا 
&&&
في النـظــــــري طالعيـن الاول 
في العملـــــي طالعين الطيش 
في الـشــــارع اجيــال بتضيع 
وكل كـيلــــو نقطــــة تفتـيش 
الشـعــــب ممنــوع ما يرقص 
ما يفرفــــش وســط الحفلات 
والكاكــي يرقــص على كيفو 
بي عصـاية وبـي رشــاشات 
يابـلـــــة كيفــــــن نتحـــــــلا 
شربكـنــــــا زولـــن اتشــربك 
واتـــورط جــــــوه الـشبــكات
&&&
وســـــدود بالـقــــــوة تقـــوم 
وتـهــــدد اوطـــــان وتــراث 
الـــــراي الرسمـــــي اتنفــــذ 
ما مهــــم رد فعــــــــل الـناس
الصهـيـــــن باكـــــر يـتـــرحل 
بي الـمـــوج أو بي الـحــراس
القــــــاوم خنـقـــــو البـمبــان 
القــــاوم كــــتلو الرصــــاص
منصـــوري قمعــوه ومحسـى 
مافيــــش لا خـــــد لا هــــات 
&&&
الدولــــــة الشمولـــية اوانطـه 
والـكــــــورس بيقــــول آمـين 
الـديــــن قلبــــــوه ســـــياسـة 
حكـمــــــونا تـــــجـار الـــــدين 
أي فـــــــشل سمــــــوه البلوى 
بس ميــــــن حـــيحاسب مين؟ 
وجهلـــــول ادوه حــــــصـانة 
تحمـيهــــو لى يـــــوم الـــدين 
البـنقـــــد حكـمــــو التكـفــــير 
ينفــــوه مــــن المــــــــــــلات
&&&
إســــلامي وكـمان نصــراني 
ويهودي وود غــــابة كمان 
ســــــــودانا متـــــحف اديان 
ســــــودانا متـــحف اجنـاس 
بتفــــــرتك لـــــو اتعاليــــــنا 
ومـسكـــــنا جــــن الطـغـيان 
بتــــــوحد لــــــو اتصـــافيـنا 
وراعـيــــنا حقــــوق الإنسان 
الحـــــل واضـــــح يا اخـوانا 
مـــش محتــاج لى تنظيــرات 
يـلزمنـــا التنفـــــيذ العمـــــلي 
يلزمـــــنا حــــــسن النــــيـات 
&&& 
وحكــــــومـة اكتــر من فاشلة 
والـشعــــــب زي المــــافيـــش 
حكمـــــوهو باقســــى طـواري 
لكـنــــو ضــــارب التـــطنيش 
قمعـــــوهو صهيـــــن مــا ردا 
رفــوهو رضــــى بالـتهميــش 
في الـشـــارع قبـــلان يـتفتش 
ويتفـــــرج علــى كل تفـتـيش 
من ويــــن جـــوك الدايشــيـن 
من ويـــــن جوك الدايشـــات؟
&&&
اوكامــــــبو بقــى اشهـر زول 
وسيــــــرتو في كـل لســـــان 
عايــــز يقبــــض الريـس ذاتو 
ويخـتـــــو جــــــوه الليمــــان 
اوكامـبـــــو رقصـنــــا التانـغو 
اوكامـبــــــو نســـــانا بطـــان 
بالحكــمـــــة لــــوما حليـتوها 
بتـعاقــــب كـــل الـســـــودان 
كــــل زول حيضــوق الحنضل 
وتحاصــرو ظـــروفن مرات 
&&& 
اوكامــــــبو مــــن قدم طلـــبو 
فرتكـــــنا كيـمــــان كيــمـــان 
واحــــدين طايـرين بالفــرحة 
شايفنـــــــو احـــــسن ما كــان 
واحــــــدين هايجــــــين فايرين 
شاتمـيـــــن اوكامــــبو كــمان 
واحـــــدين عايـــزين الحـكمـة 
شـان يسلـــم كـــل الســـودان 
واحـــــدين عامليـــــن نايمـيـن 
واحــــــــدات عامـلات نايـمات 
&&&
اوكامـــــــبو مــــن قام اتـجــنن 
جنـنــــــا وجـنــــــن نـــــادوس 
عيـشــــــنا في أكـبـــــر هـرجة 
عيشـنــــا فــــي كـم كابــــوس 
وحكـــــــومة تتحــــــدى العالم 
بخـطــــاب بالـجـــن ملبــوس 
والحــــل فـي الـــحــل السلمي 
المخـــرج فـي ســـاس يسوس 
ما بنفــــــع كـــــل الكـــــوراك 
ما بتنفــــــــع كــــل الجـوطات 
&&&
الريــــــس اصـــبــــح مطلـوب 
كايسنلــــو نـســــوان راجلات 
ما بنفــــــــع غزغيــــز الـريش 
ما بتنفـــــــع كـــــل الحركات  
ما بنفــــــع طــــــرد البيـغيـثو 
ما بنفــــع هـــرش الخـواجات 
ياريــــس بس اركــــب عجلـة 
ما تفكـــــر فـــي الطيـــــارات 
&&&
الريــــس بـيــــزور موريتانيـــا 
عـقبــــــــال توغــــو واخـــواتا! 
كان احســـــــن يمـشي الحتانة 
كان احــــسن يمـــشي الحواتة!
لكــــــــن خلــــــــــــــوه يـــنوع  
أوربـــــــا يا اخـــــوانا حــــلاتا!
سيبــــوه يســـــافر بريطـــــانيا 
يتقـــــدل فــــي لنــــدن ذاتـــــا!
&&&
القـــــــــالو عقـــــلاني وفـاهم 
في راســــــــو اصــــبح عيان 
بيقــــــول قبـــــــــل الإنــــقــاذ 
كان بشــــحد شـــعب السودان 
يا راجــــــل بس عــاين حـولك 
اتلـفـــــت فـــــي كــل مـــــكـان 
ملايـيـــن عايشــــين بى اغاثة  
في الفاشـــــر فــي امدرمـــان 
وحكــومتـــك مـــادا الكـــورية 
وما بتفــــتر مــــن الشــحدات 
&&&
ابـيـــــي النـبكـــــــــة الحلــوة 
قسـمـــــــوها بى خيــط ميزان 
ابيــــــــي وحــــــــــدة ارواح 
ابيــــــــي وحــــــــــدة وجـدان 
كيـــف تقبـــــل قســـمة لاهاي 
وتتقــــــسم بــــين الحـبــــان؟ 
الواحــــــد يصـبــــــح اتــنـين 
العايلـــــة تصبــــــح جـيـران 
ملعـــــون ميـتيــــن لاهـــــاي 
ويــن حكمــة اهل الــسودان؟ 
&&&
سكـتنـــــا القالــــــو حـــــديـد 
يا اخــــوانا صبحـــت مافيشة 
العامـــــل بالجـــــوع بيمـوت 
لـــــو زاغ مـــــن التفنيـشــــة
الكـــــــان يا نـــــاس تفتيحـــا 
الليلـــــة اصبـــح هو الكيشــة 
الراتــــب ما بعيــــــش النمـلة 
كيـــف يعنـي حيكفي العيشـة؟ 
&&&
يا اهلـــــنا في اغلــــــى جزيرة 
مشـــــــــروعكم كيفــن يتباع؟ 
ياكـــــــــم قلــــــــب الـسـودان  
ياكــــــــــم احـــــــســـن زراع  
مـــن دون طـيــــــن الحـــواشة 
ما فــــــيش لا راس لا كــــراع 
افـــــدوها بالـــــروح والــــــدم 
ما يشيلـــــو ولا حتـــى ضراع 
لو راحـــت مـــن ايدكم بكـــره 
حتروحو شمــار فـي مـرقــات 
&&&
قانــــــون الامـــــــن الوطـنـي 
بالـقـــــوة اصـبـــــح قــــانون 
تــــــهديد لــــى كــل معـارض 
في جـــــو بالخـــوف مشحون 
تنتخــــــبو او مــا تنتخـــــــبو 
الفــــــوز للـكـــوز مضمـــون 
ايه يعنــــى لـزوم التصـــويت؟ 
يا عاقـــــــل وري المجنــــون 
&&&
خرطتنــــا اللـيلـــــة انقــسـمت 
الليلـــــــة ضــــــاع الســـودان 
ناس منقـــــو الليـلــــة انفصلو 
وناس تنــــقو ضبــحو التيران 
والنـــــــار في جــــبال النـوبة 
والـــــنار حــــرقـت قـــــيسـان 
سودانــــــي يكــــتل ســوداني 
خيبتــــنا صبحـــــت خـيبـــات 
&&& 
مشــــــروعنا القالو حــضاري 
غرقـــــنا في حروب وحروب 
فرقـــــــنا شــــــــرقاً وشـمـال 
فرقـنــــــا غـــــــرباً وجنــوب 
لا سلـطــــــة تنفــــــع لا ثـروة 
ما دام ضـــــــــاع الانــــسـان 
يا حليـلـــــو الكان ســـــوداني 
يا حلـيلـــــو الكان ســـــودان 
الفاتحـــة على ناس عايشيــن 
لاكيـــــن زي الأمـــــــــــوات 
&&& 
الصـــــورة الكامــلة بتزعــجنا 
وتفصـيـــــــلا اكبـــر ازعــــاج 
تفـكيـــــرنا دايـمــــاً مشـلـــول 
فوق راســـــنا ســيف الحجاج 
وجـهتــــــنا دائــــماً مجـهـولة 
رؤيـتنــــــا ملـيــــانة عجـــاج 
الامـــــــة ساكتــــــة بتـتفــرج 
ومثقــــف ساكــــــن الابـراج 
ومصيـــــرنا معلــق بي شعرة 
وقعـتنـــا صبـحـــت وقعــــات
&&&
نـــــــادوس يا رمــز الطـــيبة 
نـــــــادوس يا وش الخـــــير 
نــــــادوس يا سكـــة عديلــة 
نـــــادوس يا خــــــط الســير 
خلصنـــــا مــــــن الكــــابوس 
انـقـــــــــذنا مــــــن الـكـســير 
زودنا ببــــصــارة وحـكمــــة 
شان نبقـــى يوم بكــــره اخير 
ونتحــــــــرر مــــن الاوهــــام 
ونتخـــارج مـــــن الورطــات 
&&&

#فيصل_الدابي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات