الغابه يا أسيادنا الغابه...مش تربسه فى أى شجره والسلام والواحد يتصور أنه فاهم.

حسين الجوهرى
باحث
(Hussein Elgohary)

الحوار المتمدن-العدد: 5407 - 2017 / 1 / 19 - 23:50
المحور: العلمانية، الدين السياسي ونقد الفكر الديني
    

الغابه يا أسيادنا الغابه...مش تربسه فى أى شجره والسلام والواحد يتصور أنه فاهم.
حسين الجوهرى.
-----------------------------------------------------------------------------
مثال:
باسرد تاريخ المجتمعات الأوروبيه ذات الجذور المسيحيه وبأقول:
"عندما نبحث أوضاع المجتمعات ذات الغالبيه المسيحيه نجد نجاحا تلو نجاح. ممكن آخدك من أيدك وأوريك من الماضى وحتى وقتنا الحاضر. المجتمعات الأوروبيه المسيحيه وضعت أقدامها على طريق الرقى والتقدم منذ اليوم الاول لاستتبابهم حول عقيدتهم على طول أوروبا وعرضها. وعلى اختلاف المناخ والموارد الطبيعيه والأصول العرقيه. الألفيه الثانيه بأكملها, ومن أولها, كانت تتزايد فيها المعارف وتتراكم مع ترجماتها المستمره الى أدوات نافعه للحياه, رقيا وتحضر لم يتوقف لحظه بل ولم ينتكس".
.
السرد السابق انا منقلتوش من أى مكان ولا عمرى صادفت مثيل له. ده تصوير فوتوغرافى ل "واقع" تمكنت من رؤيته نتيجه للى حصّلته من الأطلاع على فروع مختلفه من المعارف يصعب حصر عددها.
يروح واحد طالع فيّه "انت ناسى جاليليوواللى عملوه فيه؟. لأ مش ناسى. بس عارف انهم أنتجوا ألف جاليليو وحرقولهم اتنين تلاته. نقارن دول أزاى بالغابه التانيه اللى ماأنتجتش ناس من هذا النوع؟
.
واحد تانى "ليه ما بتذكرش عصر الظلمه الاوروبى" بذمتك يا شيخ. انت تعلرف أنها كانت منوره وبعدين ضلمت. مجرد مصطلح سينيمائى هوليوودى من الطراز الأول.
.
أحنا بنوصف غابه من فوق خالص خالص خالص بحيث بتختفى من الصوره اى شجره معينه.
.
ومع ذلك فيه احداث لازم نقف عندها لأهميتها فيما صارت عليه الغابه.
من أهم الأحداث كانت فى بريطانيا سنة 1250. الساده الاقطاعيين قاعدين مع ممثلى الكنيسه بيتفقوا على توزيع السلطه والعائد. دخل عليهم "الرعاع". لاحرقوا ولا هددوا ولا شىء من هذا القبيل. قالوا للمجتمعين ما معناه "مش احنا برضه بنى آدمين والقاعد الذهبيه بتقول أعمل للآخرين كما تحب أن يعملو لك. كده انتو مابتعاملوناش تبع كلام السيد المسيح". المهم المجتمعين فكروا وكل واحد منهم شافله مصلحه فى ضم ممثلين عن العوام فى تقسيم الواجبات والحقوق. الرعاع بقى أسمهم "الشعب" وصدرت وثيقة "الماجناكارتا" مؤسسه لما سمى بعدها بمئات السنين ب "الديموقراطيه".
.
لما نشوف غابتنا نلاقيها منيله بستين نيله وماشيه بينا وبتسارع نحو الهلاك المحق. مش نشوف بقى ونتمعن فى المسبب الأساسى لهذه الكارثه. لأ يطلع لنا واحد كل شويه بشجره " قال الله وقال الرسول"........ لن ينصلح لنا حال ألا وهيلا بيلا الجمل بما حمل وعلى مقلب الزباله.

#حسين_الجوهرى (هاشتاغ)       Hussein_Elgohary#          

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات