موعد مع الرئيس

محمد نبيل صابر

الحوار المتمدن-العدد: 5210 - 2016 / 7 / 1 - 09:21
المحور: العمل المشترك بين القوى اليسارية والعلمانية والديمقرطية
    

تأكدت من ربطة العنق وتلميع حذائى ووضعت عطريلائم المناسبة وانا اتمنى الا يأخد الجيران حذرهم من تلك السيارة السوداء الفارهة والرجال المتأنقون بنظاراتهم الشمسية السوداء واجسامهم الرياضية وملامحهم الجامدة وانا اركب فى المقعد الخلفى والسيارة تنطلق عبر طريق الكورنيش الي اخطر موعد فى حياتى
انه موعد مع الرئيس
ظللت اراجع تعليمات الامن التى كررها علي مندوب الرئاسة واستدعيت الى الذاكرة تعليمات الامن حتى التى تلقيتها فى مدرستى الثانوية العسكرية ووصلنا وعبر العديد من النظارات السوداء والاجسام العضلية المتأنقة وصلت الى باب مكتب الرئيس
بعد الاستئذان لى تقدمت مترددا الى الغرفة الواسعة محاولا ان اوسع خطوتى الى سيادته قبل ان يسبقنى هو كما تحدث كل من زاره ولكن بلا فائدة فرسم سيادته ابتسامة مطمئنة على وجهه وسبقنى مرحبا ومصافحا وهو يحاول بصوته الرخيم ان يتغلب على توترى
بعد المجاملات وتلعثمى -اذ انى لا ادرى كيف اجامل رئيسا- وتواضع سيادته وسألنى عن البنات واحوال العمل وصحتى
انتقل مباشرة الى الهدف : خير يا محمد كنت مصر تشوفنى ليه؟...
ترددت قليلا فى الاجابة ولكنه طمأنى بأن ارتد الى ظهر الكرسى وارتسمت ملامح الاهتمام على وجهه وانتظر ما اقول اخذت نفسا عميقا ثم قلت " والله ياريس اكيد حضرتك عارف وضع الناس ووضع البلد وانا حبيت اخدم واتطوع وانبه حضرتك لنقط صغيرة ..اصل ياريس ..الرئيس الاسبق مبارك كان متحوط بمستشارين كبار يا ريس وحتى فى اسوأ لحظاته كان بيكتب له خطاباته حد فى حجم مصطفى الفقى
مع احترامى ياريس المشكلة الرئيسية ان الشكل وحش مش حلو
ارتفع حاجبه فى دهشة لم تستغرق ثوان قبل ان يعتدل ويقول: شكل ايه؟..يا محمد انت مش عارف اهل الشر وماحدش حاسس بنعمل ايه علشان مصر
- ياريس حضرتك انا متأكد انك بتوصل الليل بالنهار علشان البلد بس تخيل حضرتك اكبر مشاكل البلد دلوقتى كان ممكن سياسيا امتصاصها باكثر من طريقة ومن بعد اذن سيادتك دى مجرد اقتراحات
اشار لى بايماءه من رأسه ان اتحدث
* مثلا سيادتكم مشكلة تيران وصنافير : شعبنا بعد 5 سنين انتفاضات ومعارضة وتناحر واستقطاب مش حمل مفاجأة قوية من دى ..فين ايام التمهيد اللى على اصوله بل بالعكس انا كنت مستنى بعد حكم المحكمة الاخير ورغم اختلافنا او اتفاقنا هل هو عمل من اعمال السيادة ولا لا؟.. ولا حتى مدى التوافق مع المادة 52 من الدستور انما كان حيحصل ايه سعادتك لو الحكومة اصدرت بيان بالامتناع عن معارضة الحكم وحضرتك تخطف رجلك فى زيارة للسعودية ويطلع بيان مشترك باللجوء للتحكيم الدولى لحسم الامر نهائيا ولا حتى تقاسم السيطرة والسيادة وهما ياخدوا صنافير ومصر تاخد تيران ولا اى حلول ..فن الممكن ياريس فن الممكن
*حتى موضوع الثانوية العامة : يعنى ياريس وزيرفى حكومة تمثلك علشان مفيش اغلبية فى البرلمان شكلت حكومة والحكومة من اختيارك وبرده بالدستور يرضيك نمرة تليفونة تبقى على النت وعيال ثانوى ياخدوه صد رد كده ..انا اسف ياريس بس دى الحقيقة ..حضرتك كنت رئيس المخابرات ولما تلاقى شاومينج بيحكى تفاصيل الاجتماع بتاعة الوزير يبقى كل اللى فى الاجتماع بما فيهم الوزير يتحقق معاهم صح ونشوف التسريب منين وكمان غرفة الاجتماعات تتمسح بفرقة تنظيف على اعلى مستوى (ابتسم سيادته على استخدامى مصطلح استخبارى وشكرت د. نبيل فاروق فى سرى) تشوف فى اجهزة تنصت ولا لا...الخ ولو لقيت اجهزة يبقى نفرد بقى براحتنا اعلاميا ونتكلم عن المؤامرة واهل الشر وكده
والامتحانات كلها تقف وتتعاد علشان العدل مع ابناءك الطلاب ياريس
* حتى الاقتصاد تنتهى فترة اوباما وبالتالى تنتهى فترة خدمة الخبير محمد العريان فى البيت الابيض لماذا لا تستدعيه فى مجلس حرب من اجل انقاذ الاقتصاد ومعالجة كوارث اخطاء قرارات البنك المركزى المتضاربة وارتفاع التضخم والدين الداخلى ....الخ مجلس حرب يرأسه هو بصلاحيات واسعة ؟..اين غيره كبار الاقتصاديين يا ريس فى الازمة الحالية ؟؟....من مستشارينك فى كل تلك الامور ؟...نحن لا نعرف شسئا
ياريس كل ده مش استسهال ..لو حضرتك تفتكر ان الناس كانت بتدور على حد قوى ..حد يحرك الامور من شبه الدولة الى الدولة وحضرتك طلبت سنتين والسنتين خلصوا ولازالنا عند اشباه الدولة ..اشباه الدولة التى تتحرك كرد فعل دائما وابدا وليس فعل ويا ليته رد فعل قوى مناسب للموضوع بل اما انه رد فعل اعلى او اقل من المستوى وفى الحالتين الضرر كبير ..حضرتك تحفظ اكثر منى كتاب فن الحرب
القوة اللى توفرت لحضرتك مش معناه ان حضرتك تسيب الناس تتكلم عن مصالحات لا الناس تشوف حضرتك بتحاسب عبد العاطى على نصبه وبتحاسب رئيس الوزراء على نظرته المذهولة للابد اذ يبدو انه لم يتغلب بعد على مفاجأة اختياره رئيسا للوزراء
..,. اين خروجك على الناس بقوة وبثقة وبدون ارتجال لتعترف باخطاء المرحلة السابقة بمناسبة انتصاف مدتك الرئاسية
ياريس عبد الناصر صنع خطاب التنحى وخرجت المظاهرات فى القدس المحتلة قبل منه ب 4 ايام تطالبه بالرجوع ..وعندها فقط بدأ تصحيح المسيرة
تنهد الرئيس وبدت على ملامحه التعب ..قبل ان افيق لنفسى انا اسف ياريس لم اقصد ان اض....
قاطعنى باشاره من يده : لا يا محمد انا مقدر حرصك ووطنيتك وانك ماغشتنيش
وصافحنى بقوة
ياريس لو تسمح ممكن صورة بجوار حضرتك علشان الوالدة من كبار معجبيك
ابتسم بقوة واشار لاحدهم ان يتولى الامر ووقف بجوارى ثم نظر لى وقال
يا محمد
يا محمد
قبل ان يبدأ صوته بالخفوت ويتداخل مع صوت والدتى
يا محمد
يا محمد
قوم بقى الفطار ..الاكل برد

#محمد_نبيل_صابر (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات