جعفر كمال
شاعر وقاص وناقد
(تôôèô ؤôéôم)
الحوار المتمدن-العدد: 5098 - 2016 / 3 / 9 - 12:30
المحور:
الادب والفن
الإهداء: إلى شهيد الحشد الشعبي مصطفى الصبيحاوي
مصلوبا على الجسر تحيط به هتافات أهل الفلوجة بالفرح والاحتفال
-
غمضت عيني ييمه
وعلى نحرك ما بچيت
من شفت ريحان عودك
خضبه الدم وانحنيت
ومن علت صفرة الموت
على وجهك
غاب لونك وانطفيت
ومن تحنه الدم خدودك
دمي لوريدك نطيت
يمّه ذبحوك على حضني
اللي وسط دفوه ربيت
ردت أشوفك في جلالك
في هيابك في ضياءك غادريت
دمعي يمه عليك بارد
يا عزيز العين يل بيها ربيت
وانت ممدود بمنامك
زاهي لونك
باهي ضي الشمس مأخوذ بدلالك
هي هاي الشمس..
لو أنت چنهه تنوريت؟
يمه لسه النور صافي
يشع على حمرة جبينك
وچن ملاك الموت
ما حوم على روح الطفوله
من بَعَدِتْ عني ومشيت
إل يا قضاء أرفع صرختي
إل يا شريعه؟
تردلي أبني المالي غيره
من إله الكون
ردته ورتجيت
ومن أجيت
أسودت غيوم السما
ومطرت حجر
وبيها أنت يا حبيبي ارتميت
يا وليدي..
يلي مامثلك طفل
گلبي تعلق بيه وبحبه انجويت
=
#جعفر_كمال (هاشتاغ)
تôôèô_ؤôéôم#
كيف تدعم-ين الحوار المتمدن واليسار والعلمانية
على الانترنت؟