أخبار عامة - وكالة أنباء المرأة - اخبار الأدب والفن - وكالة أنباء اليسار - وكالة أنباء العلمانية - وكالة أنباء العمال - وكالة أنباء حقوق الإنسان - اخبار الرياضة - اخبار الاقتصاد - اخبار الطب والعلوم
إذا لديكم مشاكل تقنية في تصفح الحوار المتمدن نرجو النقر هنا لاستخدام الموقع البديل

الصفحة الرئيسية - الفلسفة ,علم النفس , وعلم الاجتماع - روماني سمير - الحب ودواير الهوي














المزيد.....

الحب ودواير الهوي


روماني سمير
كاتب, باحث, شاعر, مبرمج

(Romany Samir)


الحوار المتمدن-العدد: 5075 - 2016 / 2 / 15 - 15:36
المحور: الفلسفة ,علم النفس , وعلم الاجتماع
    


الحياة حقيقي صعبة جدا من غير ذلك المعين النظير .. اللي بيصغي واللي بيسند واللي بيشاركنا في كل تفاصيلنا .. ومدرك جدا الاحتياج العميق واحساس النقص بغياب هذا المعين .. واللخبطة والتوهة في طريق البحث عنه .. ومدرك كمان جوع الحب اللي جوانا .. لكن حقيقي مرار الوحدة ارحم بكتير من شريك متعب ومن اختيار مش مناسب.. والحياة قصيرة والايام اشر من اننا نقضيها في انزعاج من معين حمله تقيل ..

- قصصنا كتير .. وفيها بندور علي الحب .. بنجرب ونلف وندور .. علاقات سريعة وبنهايتها بنشبط في غيرها .. وتجارب تعلم وتدوم .. وعلاقات تانية تطول وبنهايتها مبتنتهيش .. وعلاقات في الخيال مبتحصلش .. وحب من طرف واحد .. ووفاء في خفاء .. واحلام يقظة .. واحاديث في درب الاوهام .. واعذار واعتذرات وتبرير وهروب وتغيب وتسكين ..

- الاول كان بيزعجني فكرة انه حد يخرج من علاقة لعلاقة وهكذا .. ومازال الحقيقة .. لانه مش بياخد الوقت الكافي انه يستعيد جزء من نفسه اللي فقدها في الاخر .. لكن بيوزع من نفسه في حتت كتير لحد ما بيتوه .. مدرك او مش مدرك .. لكنه في كل علاقة بتنتهي بيبقي زي المبتور بيفقد حته منه .. ويا اما ياخد الوقت يتألم ويستعيد المبتور او علي الاقل اتزانه .. او من فرط الالم والخوف يهرب لعلاقة تانية .. في بحث عن اكتمال ما وهو بينقص .. بيدور علي الاستقرار وهو اصلا مش مستقر جواه ..

- وفي اختيارتنا طبيعي اننا نكون متأثرين بالشكل والجسم .. بالملامح وكل التفاصيل اللي ظاهرة للعيان .. طبيعي لانه دا تاثير هرمونات جوانا .. وغريزة بالفطرة ..غريزة اختيار الافضل للتناسل وانتاج جيل معافي للاستمرارية البقاء .. زي الحيوانات بالظبط في اختيارها وقت مواسم التزاوج .. دا طبيعي ودي الطبيعة .. لكن مش طبيعتنا .. يمكن الحيوانات ردود افعالها متوقعة ومعروف نتائجها .. لانها معندهاش الارادة والاختيار ..

- احنا طبيعتا مختلفة .. اختيارتنا الغريزية مش بتدوم ومش بتكفينا .. وقت وبنمل .. وبيظهر جوع اعمق جوانا .. واحتياجنا لشئ اعظم يلامس اروحنا ويعانقها .. حب من نوع مختلف .. وعطش مش بيرويه جنس او شكل وجسم حلو او مال .. عشان كدة بنشوف الخيانات الزوجية منتشرة جدا في الاوساط اللي بتختار علي اساس الغريزة اللي مبنية علي الشكل والهيئة او المال.. دا غير الانفصالات والخيانات اللي في اوساط المشاهير .. واللي عندهم الاتنين المال والجمال .. وحتي المستقبل والانجاز في حياتهم ..

- ويمكن دا السبب اللي بيخلينا نخرج من علاقة ويدوب نقوم شابطين في علاقة تاني .. متساقين باحتياجتنا .. لكن ديما في فرصة .. وان قلت مع العمر والتجارب .. فرصة في اننا نستوعب دا ونستخدم اعظم ما فينا .. الارادة ..

- مش بقول اننا نقضي علي الغريزة والفطرة .. دي جزء مننا .. حلو اننا نختار الجمال لكن ميكنش اساس اختيارنا .. حلو انه يكون فيه مال .. لكن مش هو الحب .. ودي معادلة الحياة الصعبة .. لذة ومال يدوم لحظات .. او حب يدوم لعمر ..

- دورت علي معني للحب ..
ملقتش اعظم او اعمق من اللي كتبه بولس الرسول

" الحب بيتأني وبيرفق وبيعطف ويحن ..
الحب مش بيحسد ولا بيغير ولا بيتفاخر او يتعالي ..
الحب مش بيقبح ولا بيشوه ولا بيلعن ..
الحب مش بيمتلك الاخر ومش بيسيطر عليه ..
الحب مش بيطلب اللي ليه او يحتد او يظن السوء ..
الحب مش بيشمت لكنه بيفرح بالخير ..
الحب مش بيدين لكنه بيرحم ..
الحب بيحتمل كل شئ .. بيصدق ويرجو ويصبر ..
الحب لا يسقط ابدا .. " #كورنثوس_12

- اذا كنت في علاقة وبقالك فترة مش مرتاح ومنهك .. ومش قادر تخرج منها .. دا لانك جعان حب .. واللي انت فيه دا مش حب .. دا مرض .. اهرب واقبل تتألم شوية او شويات لكن مش هتموت .. وقت .. طويل او قصير هيمر .. وهتستعيد نفسك

- اذا كنت بتحب من طرف واحد .. وحاولت ومنفعش .. اعرف ان اللي عندك حلو .. وان ألم المحبة هيغنيك حب .. وانه الحب الحقيقي مش اللي انت فيه .. لكن الحب الحقيقي لما انت كمان تتحب

- اوقات كتير بنحتاج نتكسر عشان نتعلم وتتفتح عقولنا وقلوبنا .. بس فيه كسرات مفيش بعدها اختيار .. وطوبي للي لسة عنده اختيار وقرار ..

- العلاقات الحقيقة والحب الحقيقي .. عمره ما بيتبني ويكبر من مجهود طرف واحد .. الحب الحقيقي هو اللي فيه حب متبادل واتنين مقررين يتعبوا ويبذلوا مجهود عشان بعض .. مافيش اعظم من حب اتنين مبذولين لاجل بعض في دايرة مكتملة من العطاء ..

- عشان كدة قبل الاختيار فهمنا لانفسنا وطبيعتها مهم جدا .. والوعي الكافي لمشاعرنا وادراكها وعلي الاقل خالص ادارة ولو جزء منها .. هيفرق جدا في حياتنا .. هيساعدنا نثق بانفسنا .. ونبطل نلف في دواير ..

- الهوي يشبع الاجساد .. لوقت .. لكنه بيأسر .. اما الحب .. فحرية ..



#روماني_سمير (هاشتاغ)       Romany_Samir#          



اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين


كيف تدعم-ين الحوار المتمدن واليسار والعلمانية على الانترنت؟

تابعونا على: الفيسبوك التويتر اليوتيوب RSS الانستغرام لينكدإن تيلكرام بنترست تمبلر بلوكر فليبورد الموبايل



رأيكم مهم للجميع - شارك في الحوار والتعليق على الموضوع
للاطلاع وإضافة التعليقات من خلال الموقع نرجو النقر على - تعليقات الحوار المتمدن -
تعليقات الفيسبوك () تعليقات الحوار المتمدن (0)


| نسخة  قابلة  للطباعة | ارسل هذا الموضوع الى صديق | حفظ - ورد
| حفظ | بحث | إضافة إلى المفضلة | للاتصال بالكاتب-ة
    عدد الموضوعات  المقروءة في الموقع  الى الان : 4,294,967,295
- ملحد بس اخلاق
- جوثام سيتي
- الكوكب التاسع
- كلموه عن غناي
- وفي القلب سرا
- أختام الروح: ( مقدمة )
- بين الدروشة والغريزة
- بندمع لما ..
- جوه سؤال ملهوش جواب
- لا يميل قلبك خلفها ..
- في يوم كان لي حبيبي
- احجية نيقوديموس
- شغل حكومة - سنترال المرج
- فرحنا؟! .. فرحنا خلاص؟!!
- مصر -لامؤاخذة- بتفرح
- نظرة مجردة للحياة
- اوقات بهيم .. لمكان بعيد ..
- زي المجنون
- ألف باء حب
- نظرية الولا حاجة


المزيد.....




- في ظل حكم طالبان..مراهقات أفغانيات تحتفلن بأعياد ميلادهن سرً ...
- مرشحة ترامب لوزارة التعليم تواجه دعوى قضائية تزعم أنها -مكّن ...
- مقتل 87 شخصا على الأقل بـ24 ساعة شمال ووسط غزة لتتجاوز حصيلة ...
- ترامب يرشح بام بوندي لتولي وزارة العدل بعد انسحاب غايتس من ا ...
- كان محليا وأضحى أجنبيا.. الأرز في سيراليون أصبح عملة نادرة.. ...
- لو كنت تعانين من تقصف الشعر ـ فهذا كل ما تحتاجين لمعرفته!
- صحيفة أمريكية: الجيش الأمريكي يختبر صاروخا باليستيا سيحل محل ...
- الجيش الإسرائيلي يوجه إنذارا إلى سكان مدينة صور في جنوب لبنا ...
- العمل السري: سجلنا قصفا صاروخيا على ميدان تدريب عسكري في منط ...
- الكويت تسحب الجنسية من ملياردير عربي شهير


المزيد.....

- كتاب رينيه ديكارت، خطاب حول المنهج / زهير الخويلدي
- معالجة القضايا الاجتماعية بواسطة المقاربات العلمية / زهير الخويلدي
- الثقافة تحجب المعنى أومعضلة الترجمة في البلاد العربية الإسلا ... / قاسم المحبشي
- الفلسفة القديمة وفلسفة العصور الوسطى ( الاقطاعية )والفلسفة ا ... / غازي الصوراني
- حقوق الإنسان من سقراط إلى ماركس / محمد الهلالي
- حقوق الإنسان من منظور نقدي / محمد الهلالي وخديجة رياضي
- فلسفات تسائل حياتنا / محمد الهلالي
- المُعاناة، المَعنى، العِناية/ مقالة ضد تبرير الشر / ياسين الحاج صالح
- الحلم جنين الواقع -الجزء التاسع / كريمة سلام
- سيغموند فرويد ، يهودية الأنوار : وفاء - مبهم - و - جوهري - / الحسن علاج


المزيد.....
الصفحة الرئيسية - الفلسفة ,علم النفس , وعلم الاجتماع - روماني سمير - الحب ودواير الهوي