لماذا لم يقطع الرسول رأس عمر بن الخطاب ؟؟؟؟!!!

جاك عطالله

الحوار المتمدن-العدد: 5019 - 2015 / 12 / 20 - 09:28
المحور: العلمانية، الدين السياسي ونقد الفكر الديني
    

اليومين دول السعودية داخلة شمال فى مصر و بتحاول تدفعها للتورط فى سوريا واليمن لتحظيم الجيش المصرى زى ما عملوها عدة مرات من 1956 و1967 وفى اليمن مما اوصلنا للوقوع ببراثن السعودية و بما ان السعودية بتعمل كده بوش مكشوف ومن غير حيا ولا اختشا

و علشان الحكومة السعودية ورجال الامر باالمعروف بالسعودية زانقين قوى وبيتشطروا على الستات ايشى تحجيب وايشى تنقيب بالعافية بالسوط والكرباج قررت ان احكى لكم قصة فرض الحجاب بلغة القرن الحادى والعشرين وكله من المراجع بالتفصيل وبالريحة وعاوز اسأل سؤال منطقى هو محمد ما قطعش رأس عمر ليه لما رجع يقوله شفت الواوا الامامية المغلظة تحت السرة وفوق الركبتين لسودا بنت زمعه ام المؤمنين ؟؟؟ هل هناك مسلم اليوم يقبلها على شنباته ؟؟؟

عمر بن الخطاب وسودة والحجاب
القصة كاملة ومن مراجعها الاصلية
ارجو من جميع المشايخ بلا استثناء وعامة المسلمين ايضا الاجابة على سؤال لماذا لم يقطع محمد رأس صديقه عمر ؟؟؟؟

تخيلوا معايا الحكاية اللى حصلت بالضبط وبدون اى رتوش حسب ما جت فى اقوى المراجع الاسلامية واكثرها صحة

عمر بن الخطاب تلصص على بيت محمد وتتبع سودا بنت زمعه الى المناصع وهى المكان المفضل للنساء للتبرز فى مكة حيث يتبادلن احاديث النميمة عن محمد والصحابة يعنى نقول مع الفارق الزمنى والمكانى وكالة رويتر او سى ان ان بدوية خاصة بقبيلة قريش -

حول قعدة البراز المشهورة بيقعدوا الستات ويفرفشوا ويفضفضوا وكلام يجيب كلام

فى الميعاد المتفق عليه الستات صفروا لبعض بكلمة السر وهيا بنا نفك زنقتنا

لما اتزنقت الست سودا وابتدأت تفك زنقتها ظهر المعلوم بالضرورة وانشكح الحاج عمر لرؤيته ولم يستطع ان يمسك لسانه وهتف باعلى صوت(((((( رأيناكى يا سودا )))))

سودا بقى انشكحت وقالت اهو وقع البصاص القرارى ابو عين زايغه لازم ابلغ سبعى علشان يفقع عينيه الاتنين

سودا مروحة وفاكرة ان ليلة عمر ها تبقى سودا زى الخروب وها ياخد على الاقل قطع رقبة او فقع عينيه عقابا على رؤيته العورة المغلظة لام مؤمنين

ولكن على اللى جرا لا يتحكى ولا يتقرا زى الاغنية المعروفة

العكس تماما حصل اصيبت سودا باكتئاب و طلبت الطلاق من محمد

وهذا يجعلنى اتساءل بشدة لماذا يا محمد لم تثر لكرامة نساءك وما هى اولوياتك عمر ام نسوانك ؟؟؟

سودا هية اللى بقت ليلتها سودا اذ ذهب عمر لمحمد وعنفه على رؤية عورة احدى زوجاته كأنها هى اللى بتقصد توريه عورتها موش هو اللى بصباص و شمام موش محترم و متحرش قرارى بلغة اليومين دول --

الست المسلمة طول عمرها غلبانه ومتبهدلة و المصايب بتحط على رأسها-- الفضيحة بجلاجل على رأس سودا حسب تعبير عمر نفسه اذ يشاهدهن فى منطقة التبرز البر والفاجر والكبار والصغار حاجة عامة زى استاد القاهرة كده اثناء المباريات الدولية

وبصرف النظر عن سذاجة الحل العبيط اللى اتعمل اسلاميا زى كل حلولهم وهو ستر الوجه وكأن المرأة المسلمة تتبرز من وجهها وهو سبب المصيبة ؟؟؟؟

كنت ها انبسط واقول يحيى العدل لو قضى اله الاسلام بقطع رقبة او بفقع عين اللى يروح يبصبص على ستات بتقضى حاجتها وخصوصا ان الريحة لا تطاق هناك

وحل تانى فكرت فيه طب ليه ما امرتهمش يلبسوا ملابس داخلية و يغطوا العورة ؟؟

تعرفوا ليه ؟؟؟؟ لان العرب ماعرفوش الملابس الداخلية وللان العربان لا تلبس الا الهاف وهو قطعه قماش مفتوحة يلفها حول خصره او خصرها ولا تغطى العورة

وانزل عمر اية الحجاب وتفاخر بها كأنه فتح عكا مع ان اية الحجاب صارت مثل نكبة فلسطين على نساء المسلمين ماحدش عارف يحلها ولا حد عاوز يحلها اصلا -

ما خلاص بقى كله كسبان ومحدش يزعل

الوش اتغطى وخلاص تم المراد من رب العباد حل مية مية مكسب لكل الاطراف ومحدش يزعل من حد

الشبان يروحوا ويبصوا براحتهم ويستحملوا الريحه علشانه
والستات تنبسط برضوا لان ليهم مشجعين زى ماتشات الهوكى والمصارعة الحرة وكرة القدم ماحدش عارف دى مين اللى بيشوفوا عورتها لانها غطت وشها

ويحيا الحجاب والنقاب

#جاك_عطالله (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين