صناعة الإرهاب وتفريخ الإرهابيين في السعودية 1

شتيوي بوخبله

الحوار المتمدن-العدد: 4988 - 2015 / 11 / 17 - 19:18
المحور: العلمانية، الدين السياسي ونقد الفكر الديني
    

قلت لكم أمس وش الفرق بين الإسلام العادي اللي ورثناه عن آبائنا وأمهاتنا ؛
والإسلام السعودي الدموي والإرهابي والمعادي لكل ملة ودين وعقيدة وطائفة مهي من إسلام أسسه الشيخ محمد بن عبدالوهاب وتبناه وتستر ومشى عليه ابن سعود ؛ وبنى عليه شرعيته وكان لين اليوم أداة لشرعنة إجرامه وأكيد بواسطة وعاظ بلاده ومشايخ سلطته ؛
بس لازم نفهم ونعرف شي مهم كثير من الناس موب مصدقينه وهو أن كبار المشايخ سواء في نجد أو القصيم لهم نفوذ كبير وأن ابن سعود مسوي لهم ألف حساب ؛
وعلشان كذا منعم عليهم بالعطايا الجزرله بين فترة وثانية من فلوس بالملايين وأراضي ومزارع وسيارات فارهة والأهم أن واسطتهم عنده ما ترد ؛
وكبار المشايخ كل سنة لهم أعداد معروفة من الطلاب يقبلهم ابن سعود في الكليات الأمنية ومن ورا خشم أبوه ؛
يعني مثل الشيخ اللحيدان الملياردير المعروف واللي كان لسنين طويلة رئيس مجلس القضاء الأعلى وعضو هيئة كبار العلماء ؛ ها الشيخ له كل سنة 50 مقعد دراسي في كلية الهالك فهد الأمنية يختار من جماعته وربعه القصمان ويتوسط لهم للالتحاق بالكلية الأمنية ؛ وبعدها يتم تعينهم بعد تخرجهم برتبة ملازم في المباحث العامة أو في الاستخبارات العامة ؛
والوكاد أن كثير من المشايخ مثل اللحيدان ؛
وزبدة الكلام أنه موب صحيح أن ابن سعود مسيطر على كبار المشايخ لا ؛ بس هو قدر يحتويهم بالإغراءات والمناصب ولا يقدر يزعل كبار المشايخ ؛
بس بالمداراة والخداع يقنعهم باللي يبي ويمشيه باسم الدين ؛
ومع البقية من اللي أصغر منهم ماشي معهم بسياسة الجزرة والعصى زي ما يقولون ؛
لكن بعد لازم ننتبه أن المفتي مع ابن سعود علاقته وأنتم بكرامة زي علاقة الخربان مع الخربانة وأنتم عارفين مقصدي ؛
ليش ؟
لأن المفتي واللي هو بنفس الوقت رئيس هيئة كبار العلماء من آل الشيخ ؛
وأما أغلب كبار المشايخ اللي احتواهم ابن سعود هم من القصيم ؛ وفيه حساسيات مناطقيه بين القصمان ومشايخ نجد ؛
وطويل الذيل ابن سعود عرف شلون يلعب صح بها الوتر ويعزف عليه مزبوط ؛
والوكاد بعد أني ما بديت هرجي بذي إلا علشان أمهد لدور المشايخ بعلم ورضا وتمويل ابن سعود في صناعة الإرهاب وتفريخ الإرهابيين من قاعدة وداعش وغيرهم ؛
أي نعم معمل التفريخ والتفقيس بمملكة ابن سعود ؛
وأكبر دليل أن ابن سعود مع كثرة الإرهابيين اللي يقول إنه مسكهم وسجنهم ما قد طبق عليهم حد الحرابة والقتل إلا مرة واحدة ؛ لأن بعضهم من القاعدة وبأمر مباشر من ابن لادن قلبوا على ابن سعود وهذولا عددهم أربعة وقصهم في الرياض بآخر عهد الهالك المقبور فهد ؛
يعني لو ما انقلبوا عليه كان ما أعدمهم وقطع أرقابهم ؛
والحين فيه في سجون المباحث بالرياض والقصيم والمدينة إرهابيين كثير وجرايمهم حسب شريعة ابن سعود تلزم قص رقابهم بسيفه الأجرب المصدي بس ما سواها ؛
تدرون ليش ؟
بعدين أعلمكم ؛
لا وبعد مسوي لهم برامج مناصحة وترفيه ويتفاخر بالصحف أنه يزوجهم على حسابه في سجونه وممشي رواتب لأهلهم وممشي أمورهم زين ؛
تدرون ليش ؟
بعدين تعرفون لأني أبكتب سلسله عن الموضوع وتبون تعرفون كل شي ؛
زين وش هو إسلام آبائنا وأجدادنا العادي ؟
هذا سلمكم الله إسلام الأعرابي اللي قال للرسول يامحمد شف أنا أبصلي الخمس وأبي أزكي زكاة مالي وأبي أصوم وأبي أحج وما ني زايد عليها وش رأيك يا محمد ؟ أدخل الجنة ؟ قال له الرسول نعم ؛ وبعد ما راح قال الرسول لأصحابه أفلح إن صدق ؛
هذا هو إسلامهم المعتدل العادي اللي ما فيه حشو بالدماغ من الصغر عن الولاء والبراء والكره والحب في الله ؛ إسلام خالي من التحريض على قتل المخالف لإسلام ابن سعود ؛
زين والحين نمهد بكلام بسيط لسلسلة مقالات تفضح شلون ابن سعود يصنع الإرهاب ويفرخ ويفقس الإرهابيين ؛
والوكاد بعد أن وسايله كثيره وأدواته أكثر ؛
بالمدرسة والمسجد والجامع ؛ ومكاتب الدعوة والإرشاد بالداخل في مملكته ؛
وفي الخارج بتأسيس آلاف المراكز الإسلامية حسب الإسلام السعودي ؛
تصدقون يا جماعة الخير حتى هنا عندنا بأمريكا وبالضواحي بعد مراكز منها ؟؟؟ يعنى قرى زي ما نقول أما في الولايات والمدن الكبيرة فخذ راحتك بأعدادها ؛
المهم بالجزء الثاني بكره نبدأ بالوسيلة الأولى لصناعة الإرهاب في السعودية حسب عقيدة ومنهج الإسلام السعودي وشلون يفرخون ويفقسون الإرهابيين داخليا وخارجيا .

#شتيوي_بوخبله (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات