اسلام البحيرى- السيسى - برهامى وشيخ الازهر كوميديا مصرية

جاك عطالله

الحوار المتمدن-العدد: 4954 - 2015 / 10 / 13 - 20:40
المحور: العلمانية، الدين السياسي ونقد الفكر الديني
    

الخبر نقلا عن الفجر
علقت الإعلامية نهاوند سري، على حكم الحبس على الباحث الإسلامى، إسلام البحيرى، بتهمة إزدراء الأديان، قائلة: "لا يوجد إعتراض على أحكام القضاء، ولكننا محتاجين نفهم يعنى إيه إزدراء أديان، حتى لا يقع شخص جديد فى هذه المشكلة". وطالبت "سرى"، خلال برنامج "صباح اون" المذاع عبر فضائية "أون تى فى"، اليوم الثلاثاء، الجهات المسئولة بوضع تعريف محدد، لمعنى إزدراء الأديان، قائلة: "عايزين نعرف إيه الحدود التى عندما يتخطها الشخص، نقوله إنت عندك مشكلة مع إزدراء الأديان".
------------------------------
مذيعه عبيطة بقناة اون تى فى بتسال الحكومة والسيسى والقضاء والازهر عن توصيف قانونى لجريمة ازدراء الاسلام اللى اتحاكم فيها مسيحيين كتير واخدوا سجن مشدد وايضا اسلام البحيرى اخيرا واخد خمس سنوات سجن

ده رغم ان الريس مكلف المفكرين باصلاح الاسلام الذى يحتضر -

وطبعا ماحدش ها يرد على العبيطة دى لانها تهمة هلامية حلزونية ليس لها وصف ولا توصيف -

انها كرباج بيد الحاكم و مصيدة او حفرة يقع فيها من لا يجيد المشى بشوارع القاهرة المحروسة وازقتها المليئة بالثعابين مثل شيوخ الازهر وشيوخ السلفية وحزب النور

بس بعون الله وبعد ما شربت كوبايسة شاى بالياسمين من اللى بيوزعهم حزب النور قدرت الاقى وصفة سهلة وصفة هايلة لتحديد ما هو ازدراء الاسلام و يلاقوه فين
-------------------------------------------------------

الوصفة فى المحادثة التالية التى دارت بعد ما اتسكع المسكين اسلام بحيرى خمس سنوات بالتمالم والكمال بالسجون

اسلام بحيرى: يا حضرة الريس قولي
الريس : نعم يا بحيرى عاوز ايه
اسلام : عاوز اعرف ازدراء الاسلام ده يطلع ايه ؟؟؟
الريس : فتح يا اخينا وصلي عليه
اسلام : صلى اللهم صلي عليه
الريس : تمشي كده على طول على طول لحد ما تلاقي عمارة
اسلام: مالى انا ومال الشيخ عمارة ؟؟
الريس : تكسر يمين تلقى تليفزيون وشاشته على ناصية حارة
اسلام : شاشته على ناصية حارة ؟؟
الريس : تشرح يمينك وشمالك حديثين من البخارى وفي التالت تكسر
اسلام : حديثين وفي التالت أكسر ؟؟
الريس : على اليمين واخد بالك .. واقف لك برهامى وشيخ الازهر
اسلام : واقف لى برهامى و شيخ الازهر ؟؟
الريس : تفضل كده تلطم وتحف .. وتخش من مطرح ما طلعت
اسلام : وأخش من مطرح ما طلعت ؟؟؟
الريس : ولما تلقى القاضى بيلب .. تعرف بأنك تهت وضعت
اسلام : ااهاا دي وصفة سهلة ..
الريس: خمس سنين سهلة اوي
اسلام : اصلاح الاسلام دا وصفة هايلة
الريس : مع السلامة .. مع السلامة .. مع السلامة يا اسلام يابو نايلة
---------------

#جاك_عطالله (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات