ماجده رشوان
الحوار المتمدن-العدد: 4855 - 2015 / 7 / 3 - 22:46
المحور:
مواضيع وابحاث سياسية
لم يكن قد مضى على أنشاء مركزنا مركز العداله للحقوق الأقتصاديه والأجتماعيه أكثر من سنتين خضنا خلالها معارك كثيره للدفاع عن العمال بمصنع 99 الحربى وعمال المصريه للكيماويات بالعاشر من رمضان وعمال مصنع جناكليس بأبو المطامير وعمال قطار الصعيد المحترق والكثير من قضايا سكان العشوائيات والمهمشين ..والأشتراك فى وضع مشروع قانون العمل الموحد لتحقيق مكاسب للعمال فى مواجهة مشروع الدوله من خلال لجنه شكلها المركز هى اللجنه القوميه للدفاع عن حقوق العمال وذاع صيت المركز وكنت عضو بمكتبه التنفيذى بجانب اساتذه على رأسهم الأستاذ أحمد شرف الدين المدير التنفيذى وقتذاك رحمه الله
وكان يوما باردا من أيام الشتاء لتسقط ورقه من أوراق يناير المبشر دائما بحدث ما
و بأحد الأجتماعات بمكتب المحامى الراحل العظيم المناضل الأستاذ نبيل الهلالى جاءنا محامى شاب من دمنهور حديث العهد بمهنة المحاماه ليبلغنا بأن هناك فلاحين فقراء من منتفعى الأصلاح الزراعى من عزبة سراندو مركز دمنهور يتم الأعتداء عليهم بوحشيه و من خلال مركز العداله يمكن الدفاع والوقوف الى جانبهم كمحامين متطوعين وفى اليوم التالى ذهبنا الى محكمة دمنهور حيث التحقيق مع الفلاحين .
لم أذكر أنى شعرت بكل تلك المراره والعجز من قبل مثلما شعرت بهما وأنا حاضره تحقيق النيابه بنيابة دمنهور مع محمد أحمد خلاف وهو يدخل شبه عارى بجسده النحيل وقامته القصيره وأزداد أحساسى بالغضب وزملائى الحاضرين معى بغرفة التحقيق ونحن نرى أعداد الفلاحين الواقفين أمام النيابه وكأنهم أشباح أنهكها الشقاء والفقر والقهر والظلم وكانوا يرتجفون بردا وخوفا ووكيل النيابه يوجه لهم تهمة ( محاولة ترويع صلاح نوار وأستعراض القوه فى مواجهته ) لم أشعر الا ودموع ساخنه تذرفها عيناى فى صمت وفوجئت بزملائى يعانون نفس حالتى ويذرفون دموعا فأى أحساس بالمذلة والمهانه يعانيها هؤلاء الفقراء المعدمين وأى عبث فى تهم توجهها لهم النيابه كهذه التهم الملفقه الجاهزه تأذت مشاعرنا جميعا من حالة الفلاحين وتناقضها الذى يستعصى على الملائمة والتوفيق بلغة القانون مع جملة التهم الموجهه اليهم .....
وبدأت ملحمة وقصة عزبه فى أقصى قرى ونجوع البحيره بمركز دمنهورعزبة سراندو وتبدأ القصه حين حاول أحد الملاك الأقطاعيين القدامى ويدعى صلاح نوار الذى تم الأستيلاء على ارضه من الدوله بعد ثورة 52 بموجب قوانين الأصلاح الزراعى 178لسنة 1952 و127لسنة 61 و150لسنة 1964 وتوزيعها على الفلاحين وتقاضى عنها تعويض من الدوله وتم توزيع المستحق له وعائلته من الملكيه ب 200 فدان وبالتواطؤ مع فسدة موظفى الأصلاح الزراعى فأفرجوا له عن زمام هذه القرى البرنوجى والعماريه ونديبه وسراندو والرحمانيه وقد حاول ككل الاقطاعين العائدين بمباركة نظام مبارك ومن قبله السادات الذى أصدر المرسوم بقانون 69 لسنة 1974 بفض الحراسات والقرار بقانون 141 لسنة 1981 بأعاده الأطيان والممتلكات عينا لملاكها الأصليين ورغم صدور حكم المحكمه الدستوريه فى القضيتين المضمومتين 130 و 129 لسنة 5 قضائيه بأنه يتم تعويض من الدوله وتؤول الأرض جميعها للأصلاح الزراعى لعدم زعزعة أوضاع أستقرت مما يحدث قلاقل أجتماعيه ويهدد السلم الأجتماعى الا أن كبار الملاك لم يرضيهم حل مثل هذا وارادوا الأرض بعد زيادة الأيجار بموجب القانون 96 لسنة 92 وقد حاولوا اأيهام الفلاحين بأن كل ارض الأصلاح الزراعى قد عادت اليه جميعها ولأنهم لايملكون سندات ملكيه ويملكون فقط قرارات أفراج تحصلوا عليها دون وجه حق وبالباطل من كبار فسدة موظفى الأصلاح الزراعى مختومه بخاتم لايعتد بها كسند للملكيه على اعتبار أن هيئة الأصلاح ستبحث هذه الملكيات وأصولها وسنداتها لكن هيئة الأصلاح الزراعى عم بها الفساد وأعطى من لايملك لمن لايستحق واستعان الأقطاعيين بالبلطجيه لترويع الفلاحين وايضا بأجهزة الأمن التى تعاملت بوحشيه مع الفلاحين فقد شهدت قرى سراندو و البرنوجى والعماريه ونديبه مركز دمنهور ممارسات بشعه بحق الفلاحين لحملهم على تسليم ارضهم التى تسلموها فى الستينات من الأصلاح الزراعى فمنازل الفلاحين كانت مستباحه لقوات الشرطه وتكسر الأبواب على الفلاحين الأمنين النائمين ليلا وتروع النساء والأطفال وببت الرعب بالأعتداء على الحوامل وتضرب بطونهم وتقطع اسلاك التليفونات والكهرباء ويبث الرعب فى قلوب الفلاحين ويساقوا لغرفة رئيس مباحث مركز دمنهور محمد عمار لأرغامهم على الأمضاء على بياض و تسليم أرضهم لصلاح نوار وكانت المساومه تجرى أما الأمضاء على ايصالات أمانه والأمضاء على عقود من نسخه واحده يمسك بها صلاح نوار فقط وأما السجن وتلفيق القضايا وهذه روايات بعض المقبوض عليهم أمام النيابه ,,,واللذين أتهموا بأنهم استعرضوا القوه وروعوا صلاح نوار ’’’
أقوال محمد عبد الحميد خلاف أحد الفلاحين المقبوض عليهم يوم 5 /1 /2005:
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اللى حصل أنهم كسروا باب البيت علينا و بعدين كسروا باب الأوضه ولقيتهم فوق راسى وكسروا شباك الأوضه من بره ولقيت رشاشات وبنادق من الشباك كأننا فى حرب أنا كنت مفزوع وعيالى كلهم بنات كانوا خايفين وبيعيطوا وأنا كنت نايم عريان ورفضوا ألبس هدومى وبنتى حدفت لى جلابيه وأنا فى العربيه وكنت لابسها على العرى من غير ملابس داخليه ولغاية دلوقتى مش عارف أتلم على نفسى وحالى .
أقوال محمد الفقى من اهالى سراندو50 سنه موظف بالضرائب العقاريه
ــــــــــــــــــــــــــــــــــــــــــــــــــ
يوم 1 /1 2005 تم أستدعاءنا الى قسم شرطة دمنهور للتوقيع على محاضر عدم تعرض للمدعو صلاح نوار الذى كان متواجد قبلنا بقسم الشرطه وتم الأعتداء علينا من الرائد محمد عمار رئيس المباحث لأجبارنا على التوقيع وفال لنا عليكم بالتنازل عن ايجار الأرض لصلاح نوار ولم يفلح معنا فى هذا اليوم وعرفنا من يومها أن الشرطه واقفه ضدنا وقال كمان احنا عندنا قضايا جاهزه مخدرات ,سلاح ,شروع فى قتل , وأنتم أحرار وخرجنا الساعه اربعه الفجر من القسم بعد الضرب والأهانه والتهديد,,,,,, ويوم 5/1/2005 الفجر فوجئنا بقوه مكونه من الرائد محمد عمار وبعض المخبرين ومساعديه أنتهكوا حرمة مساكننا وأعتدى على محمد عمار وعلى زوجتى وأولادى الصغار وتم تخريب متعمد لمنزلى وبقية منازل القريه وذلك بأدعاء البحث عن 16 فلاح أتهمهم صلاح نوار بتهم جميعها ملفقه ومنهم شاب حدث هو ابراهيم محمد رجب السيد خليل 15 سنه طالب ثانوى ازهرى وضاعت عليه امتحانات نصف العام وأبو زيد الفقى والسيد كمال الحصرى وعمر سمير قضيب وسمير قضيب وسمير محمد قضيب ومنهم ابراهيم محمد عبد المجيد ومصطفى الجرف واحمد محمود هلال ,,,,,وتم تلفيق تهمة أطلاق نار على صلاح نوار من شقيقى أبو زيد الفقى وتم حبسه هو وكمال الحصرى بتهمة الشروع فى قتل وبدأ الضغط علىى وأغرائى بتسليم ارض شقيقى أمام الفلاحين ليقوموا بدورهم بتسليم ارضهم وبعد ذلك سيتم ارجاع الأرض سرا وذلك مقابل أخراج شقيقى من القضيه ومن السجن ولقاء مبلغ مالى كبير وقطعة ارض لى شخصيا حيث أننى موظف ولا أعمل بالزراعه ولما رفضت ثار محمد عمار وقام بأقتحام بيتى وسجنى وتلفيق القضيه لى
أقوال الفلاح محمد رمضان هاشم 45 سنه
ــــــــــــــــــــــــــــــــــــــــــــــــــــــــــــــــــــ
أنا لسه جاى من الصحرا بغيب عن بيتى 15 يوم وأجى مرتين فى الشهر وأنا عمرى ما أعرف أتخانق ـ أنا أعرف أشيل الغلق على كتفى ومهدود من الشقى وأنا ما أعرفش صلاح نوار وعمرى ماشفته وحكاية أنى أتعرضت له ده مش حقيقيه وكذب وأحنا يابيه بنتعشى وننام
أقوال خميس الفقى 35 سنه ويعمل فلاح أجير بمزرعة دانا للموالح على الطريق الصحراوى بين دمنهور وأسكندريه :
ـــــــــــــــــــــــــــــــــــــــــــــــــــــ
هو محمد عمار خدنا يوم للقسم وقال لنا أتصالحوا علشان أنتوا مش أد الراجل ده وأحنا مفهمناش يعنى أيه نتصالح وعلى ايه وطلب مننا نمضى ورق ورفضنا فى البدايه وهددنا أن اللى مش حيمضى حيتحبس ومش حيخرج من هنا فمضينا على ورق ومش عارفين ده ايه وأتقبض عليه وأنا ومراتى فى السرير ولفونى بملايه لأنى كنت لامؤاخذه عريان كأنى خارج من بيت مش كويس وأضطريت أستحمى فى المركز علشان أصلى الجمعه وفى الحجز ناس سترونى بجلابيه لأنى باجى العزبه كل خميس اشوف مراتى وعيالى وارجع تانى الشغل وده اللى حصل .
أقوال السيده كريمه مصطفى راشد زوجة الفلاح محمد رجب خليل
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اللى حصل كسروا علينا الباب الفجر وكلنا كنا نايمين وخدوا زوجى وابنى ابراهيم 15 سنه فى الثانويه الأزهريه وكلبشوهم من ايديهم ورجليهم وغموهم وضربوا جوزى امام ولاده وضربوا أبنى الطالب ولما صرخت ضربنى الظابط محمد عمار بالرجل فى بطنى وخد وشى ومسح بيه أرضية البيت ولفقوا لجوزى قضيه حمل سلاح بدون ترخيص واجباره على التنازل عن الأرض
أقوال الفلاح كمال الحصرى :
ــــــــــــــــــــــــــــــــــــــــــــــــــــــ
اللى حصل كسروا علينا الباب الفجر ولقينا محمد عمار ومعاه المخبرين على سريرنا وضربونى ولما مراتى صرخت وقالت لهم حرام عليكم شدوها من شعرها والمخبرين فضلوا يضربوها فى بطنها وهى حامل فى الشهر السادس وهى دلوقتى فى المستشفى فى العنايه المركزه (وقد أرسلت النيابه فى طلب التقرير المرسل من مستوصف القريه بضرورة عرض السيده خيريه عبد مصطفى المنعم على الطب الشرعى لتحديد ماحدث لها من الحمل وجاء قرار النيابه بأحالتها للطب الشرعى وتوقيع الكشف الطبى عليها وتحديد مدة العلاج الخاصه بها وذلك للأهميه وعلى وجه السرعه بمعرفة رئيس القسم الخاص بالنساء والتوليد ,
أقوال السيده سنيه محمد محروس شحاته والدة مصطفى عبد الحميد الجرف
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
كنت نايمه ومعايا بنتين بنوت والباب بيخبط بقول مين قالولى أفتحى يابنت الكلب أحنا مباحث ,,,بنتى جريت
وأنا فتحت قالولى فين جوزك مصطفى عبد الحميد الجرف قلتلهم دا مش جوزى دا أبنى وهو مش هنا وبيشتغل فى الصحرا وأحنا ماعندناش أرض شدنى من شعرى وشتمنى بألفاظ خارجه لواحده أد أمه وسحلنى ف الأرض والمخبر عطيه راضى قاللى ابنك مطلوب القبض عليه بتهمة حمل سلاح او يتنازل عن الأرض قلت انا معندناش ولاسهم ارض وهو بيشتغل باليوميه فى الصحراء علشان يأكلنا وياريته مكفينا وأحنا مالناش صله بحكاية الأرض ده ,,, وده اللى حصل
أقوال عمر سمير هلال 15 سنه
ـــــــــــــــــــــــــــــــــــــــــــــــــــــ
أنا بشتغل فى الصحرا وهما مخبطوش ع الباب هما كسروه علينا الساعه اربعه الفجر طلعونا من بيتنا من غير هدومنا من غير مايفرقوا بين حريم ورجاله وغموا عيوننا وضربونا كلنا وانا عندى أخوات بنات ضربوهم وجدتى 70 سنه ضربوها رغم أنها مابتقدرش تمشى وفضلوا يضربونا واحنا بره البيت واقفين فى الطينه حتى تبولنا على نفسنا وأبويا سواق على عربيه فى الصحراومالوش اى علاقه بالموضوع والمخبر عطيه راضى ضربنا بالجزمه فى وشنا وأبويا من يومها راقد فى السرير وابن عمى مقبوض عليه قضيب محمود هلال وانا ضربونى بالرجل فى بطنى وربطونى بالجنزير
أقوال الفلاح محمد رزق عبد الرازق :
ــــــــــــــــــــــــــــــــــــــــــــــــــــــــــــــــــــــــــ
الضابط محمد عمار قاللى يابن الوسخه حتتنازل عن الأرض ولاتلبس قضيه
,قلت له أحنا عايزين نروح النيابه
قاللى ..لأ ياروح أمك وضربنى باليد فى وشى وبعدين قامت حفلة ضرب من كل اللى فى القسم من الضباط والمخبرين وبعد ضربنا وقف الضابط محمدعمار وقالنا قدامكم خيارين اما تتنازلوا عن أيجارة الأرض ,اما تلبسوا قضايا سلاح أو مخدرات أو شروع فى قتل أحنا خفنا قمنا وقعنا على ورق على بياض بالبصمه بواسطة الظابط
أقوال السيده عايده عبد الله الجيزاوى
ـــــــــــــــــــــــــــــــــــــــــــــــــــــــــــــ
أنا زوجة المقبوض عليه أبو زيد الفقى ..كسروا الباب علينا ودخلوا السرير ضربونى ومسحوا وشى بالأرض وجرجروا جوزى عريان على الأرض وكسروا الدولاب والبيبان وقالوا عايزين الورق ورق الأيجار للأرض وبيخوفونا وحاطين لنا مخبرين فى الأرض اللى يروح يمة الأرض يرويها يقبضوا عليه بتهمه جاهزه زى السلاح او المخدرات والأرض مسيطر عليها صلاح نوار وأخواته والمباحث تحرسها له رغم أننا متملكينها من أيام عبد الناصر
شهادة السيده صافيه سليم دسوقى وهى على فراش المرض
ـــــــــــــــــــــــــــــــــــــــــــــــــــــــــــــــــــــــــــــــــــــــــــ
حطموا باب بيتى للبحث عن زوجى محمد رجب السيد وضربونا والظابط محمد عمار ضربنى بالرجل فى مكان حساس
وجالى نزيف وطبيب الوحده الصحيه قاللى الرحم عندك مطرشق ونصحنى بعدم الحركه ومازال عندى نزيف وأنا أم لأربع بنات أكبرهم هدى 26 سنه وثريا25 سنه وأمال 20 سنه وأنا جده لطفلين ويحصل ليه كل الأهانه ده أمام بناتى
,,وتوالت المحاضر والقضايا الملفقه للفلاحين بسرقة محاصيل هم اللذين يزرعونها ثم أخرها جناية أمن دوله طوارىء رقم 5631 , وحرر المحضر فى 4 /3 /2005وقدمت عليها العزبه جميعها برجالها ونساءها 27 فلاح وفلاحه فى وفلاحه بتهم ترويع صلاح نوار وأستعراض القوه فى مواجهته وضرب أفضى الى موت ,,,,وفتح المحضر ف5 /1 /2005 أمام النيابه
و القضيه الملفقه 766 لسنة 2005 جنح دمنهور وتقديم أبو زيد الفقى و السيدكمال الحصرى بتهمة أحراز سلاح بدون ترخيص وظل يجدد حبسهم حتى مارس لسنة 2005 ونظرت القضيه فى 16 /2 /2006 حتى حصلنا لهم على البراءه والمحضر2825لسنة 2005 المحرر فى 1 /2 / بتهم أتلاف محاصيل زراعيه وسرقه محصول برسيم
وقدم عليها الفلاحون حمدى محمد الحصرى ,ابراهيم محمد عبد الحميد أبو كليله ,محمد رجب خليل ,محمد عبد الحميد الجرف .عبد الحميد أحمد خلاف ،خميس محمد حسين الفقى .كرم حسين الفقى ,عايده عبد الله الجيزاوى , وعبد المجيد الفقى وحصلنا لهم ايضا على البراءه ىخقش محمود رمضان محمود هاشم ’ محمد حسانين الصغير ,محمد محمود الغفى و
واستكمالا لمسلسل العنف و تصدى الفلاحين للقهر بقيه........
#ماجده_رشوان (هاشتاغ)
كيف تدعم-ين الحوار المتمدن واليسار والعلمانية
على الانترنت؟
|
ارسل هذا الموضوع الى صديق
|
حفظ - ورد
|
بحث
|
إضافة إلى المفضلة
|
للاتصال بالكاتب-ة
اليوتيوب
لينكدإن
تيلكرام
تمبلر
بلوكر
الموبايل
