أول الغيث ينهمر بقطرة

جورج المصري

الحوار المتمدن-العدد: 1329 - 2005 / 9 / 26 - 08:38
المحور: العلمانية، الدين السياسي ونقد الفكر الديني
    

تهللوا وهيصوا التلفزيون المصري وقع في حيص بيص ياتري أفتح الشباك ولا أسده!!! ، أسيب الأقباط يبثوا برامجهم وحتي ولو 45 دقيقة ونلاقي مصر كلها إنقلبت إما إرهابيين!! أو أقباط!! و مفيش حل وسط. واحد من المشاهدين الكرام (ح ب ط ) يسألني ويقولي ياكابتن جورج هو إنت شفت الماتش ده قبل كده؟ ومن المشاهد (الأعمي) زينهم من باب العجل وصلني السؤال التالي تفتكر إننا لو أدينالكم 100 ساعة في اليوم حتفرق معانا أنتم كفره ولا يمكن أن ينصركم الله. يازينهم اليوم 24 ساعة متقولش كلام إنت مش قده يعني 4 قنوات لمدة 24 ساعة في اليوم ويتبقي لنا 4 ساعات فكه ممكن نستعملهم في الراديو .. أو في برنامج محو الامية لأمثالك.
صديقي العزيز ف .م إتهمني بأني في بعض المقالات بأتكلم بطريقة فيها نوع من الحده! وعلي حد تعبيره إنه مش مصدق أننى الأنسان المتعلم المهذب ده ممكن يطلع الكلام بالطريقه الحاده دي. بصراحة يا عزيزي أنا لم أتعلم هذة اللغة الشعبيه الحاده ولم أفكر جدياً في إستخدامها في يوم من الإيام عن عمد. ولكن من عاشر القوم!!! ولعلمك هذة اللغة الشعبيه قال لي أحد المتنصرين هي اللغة الوحيدة التي يستطيع واحد مثل زينهم أنه يفهمها لأنك لو إتكلمت بلغة العقل ما بيفهموش ولو إتكلمت بلغة الأدب برضه بيفتكروها عن ضعف ولو إتكلمت بلغة المنطق يقولوا عليك بتتفلسف ولو إتكلمت بالأرقام والأحصائيات يقول عنك انك مفبركاتي و واحد صهيوني هو اللي عمل الاحصائية.
لكن لما الأهرام بجلالة قدره ينشر خبر يموت من الضحك ويقول أن مكة بتنور في الليل وتراها من الفضاء علي أنها بقعة من النور وهذا من معجزات القرآن أقولهم ماهي لاس فيجاس و مكه مشتركين في نفس تلك الخاصية و كلاهما بينور بالليل .

التلفزيون محتاس حوسه مابعدهاش ولاقبلها أفتح الشباك ولا أسده أخلي الاقباط ياخدوا 45 دقيقة من أجمالي الـ 10080 دقيقة المتاحه في الأسبوع وحتي الأنتاج يكون عن طريق شركة خاصة؟ مش إنتاج التلفزيون نفسه!!! والشركة تضرب عصفورين بحجر واحدة تعمل إعلانات بالهبل وتكسب ماديا وقال إيه تعمل عمل وطني وتسد بوذ الأقباط اللي رايحين يفضحوا الحكومة العنصرية في واشنجطون ... ونسيوا لان ده حيكون أول مرة الاقباط يكون لهم برنامج منذ إفتتاح التلفزيون عام 1960 من أيام ماما سميحة وماما سلوي حجازي يعني بحسبة بسيطه 45 سنه فيهم 365 يوم يعني 16425في مجموعهم في 24 ساعه في كل يوم 394200ساعة هذا عند الأخذ في الأعتبار ان التلفزيون المصري بدءاً بقناة واحدة فقط القناة الاولي قناة 5 واليوم حاجه عظيمة قنوات بالهبل وبعد الـ 394200 ساعة إرسال دون برنامج واحد بتفكروا ومحتاسين في 45 دقيقه؟ لو حسبتم من يوم ما فتح التلفزيون أبوابه و إلي اليوم وبحسبة الـ45 دقيقة في الأسبوع يبقي عليكم كام دقيقه. نحسبها عدد الأيام 16425 علي عدد أيام الأسبوع 7 يبقي فيه 2347 أسبوع في 45 دقيقة يعني 105615 علي 60 دقيقة يبقوا كام ساعة 1760.25بسيطة جداً نحسبهم يطلعوا كام يوم 73.34375 عظيم لمدة 73 يوم متواصلة يبث الأقباط ما يحلو لهم من برامج دينية وأفلام ومسلسلات دينية وأيضا برامج لمشاهير الأقباط من أطباء وعلماء ومهندسين في جميع أنحاء العالم ولا ننسي لمحات من تاريخ التراث القبطي يعني بما فيها الغزو العربي ومحو اللغة القبطية ومشاهير المهندسين الاقباط بعد الغزو العربي مثال المهندس القبطي الذي بني جامع إبن طولون و الذي كانت مكافأته قطع يده لكي لايبني شئ مماثل لآخرين وتعليم اللغة القبطيه وبرامج للأطفال تعلمهم قوميتهم القبطية. نعم فقط كل هذا في 73 يوم متواصلة لكي لا يدعي الأقباط أنهم مضطهدون ... وبعد كل الأحصائية السريعة دي ياعم تقولي أنا بأردح . دانا لووقفت أمام قاضي عادل في أي خرارة في العالم ووضعت أمامه الأحصائية السابقة وطلبت منه أن يخصص للأقباط يوم كامل في الشهر حناخد 73 شهر علي مايخلصوا كل ده لتعويض الماضي في التلفزيون فقـــــــــــــــــــــــــــــــــــــــــــــــــــــــــــــــط
فين الراديو و الجرائد و المجلات و الجامعات ياراجل ده في كل مكتب حكومي آيات القران علي الجدران مش ده برضه دي من وسائل الاعلام و الشوارع و الميادين والسماعات اللي في الجوامع و المنشورات اللي في الشوارع وعلي الأعمدة و الكاسيتات اللي بملاميم علي الأرصفة في سب العقيدة و الأفتراء عليها. بالعربي فات الميعاد وبالعربي برضه بعد العيد ما ينفتلش كحك وبالانجليزي Too Late . مهما حاولتم مش حتمنوا علينا و الأضطهاد واقع وحقيقة ومش برنامج 45 دقيقة ممكن يضحكوا علي العالم علشان يقولوا مفيش إضطهاد للأقباط في مصر وقال إيه لسه بيفكروا فيه ... لامؤاخذه ياعم المثل يحكم .... جتها ستين نيله اللي عاوزه خلف أعوج ذي العقلية العربية المتمصرة. هي دي اللغة اللي بيفهموها وهي دي لغتهم الحبيبة والأرض بتتكلم عربي عارف ليه ولا أقولك بلاش أحسن الأرض تزعل.
كل الناس بقت موتوره لمجرد انهم بيطالبوا الحكومه المصريه ان تتفاعل بجديه وأحترام مع شعب مصر كفايه كذب وشحن نفوس المصريين العرب ضد المصريين . لما ايمن نور مد ايده وسلم علي كوندليز ريس بقي خائن ولما الرئيس المنتخب وابنه يناموا في مزرعه الرئيس الامريكي حلال ولما يقف واحد قبطي معارض للحكومه علنا يرشح انتخاب ايمن نور لان ايمن نور صرح علانيه اهتمامه بالقضيه القبطيه ولم يضع رأسه في الرمال كما النعام اصبح المهندس عدلي ابادير هو ايضا انسان موتور وعندما يقوم قبطي من صعاليك الحكومه نسميه ايه هذا القبطي بالتعدي علي المهندس عدلي ابادير ويقول انه حاقد لانه خرج من مصر هربان بسبب قضيه ونسي وتناسي انه لايوجد قبطي واحد ولوعمره اسبوع في التجاره في مصر لم تلفق له الحكومه المصريه وذبانيه جهنم قضيه او أكثر . نسميه ايه هذا القبطي ... جبان بلاش الجبناء ياخدوا علي خاطرهم مني ... لايوجد تاجر قبطي واحد لم يدخل في قضايا ليس لها اي اساس غير العكننه وتعطيل المصالح وربط رأس ماله وتعريضه للخساره كلنا شفنا وشايفيين من اصغر تاجر الي اكبر الاسماء . أتحدي ان تثبت الحكومه المصريه ان المعلومه التاليه خطئ " الغالبيه العظمي من التجار وأصحاب الاعمال الاقباط وصلتهم خلال الاعوام من 2002 الي 2005 تقديرات ضرائب جزافيه مجحفه وصلت في بعض الحالات من 10 الي 15 مره الضعف .
علي كل حال لكل يوم جديد بدايه ولكل طاغي نهايه بدأت في يوم وعهد جديد .
و كما تدعي حكومه مصر ،الان هو عهد الديموقراطيه و المؤتمرات ولو علي سطح القمر جزء من الديموقراطيه . و مياه الغيث تكدب الغطاس .

#جورج_المصري (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات