طفلة وشيكولاتة

أحمد سعده
(أيمï آïم)

الحوار المتمدن-العدد: 4705 - 2015 / 1 / 31 - 22:55
المحور: حقوق الاطفال والشبيبة
    

كنت واقف عند تلاجة كشك بشتري بيبسي.. وقفت ست منتقبة تشتري كارت شحن فكة بـ3 جنيه، وكان معاها بنوتة صغيرة حوالي 4 سنين خمرية اللون وشعرها ناعم وعيونها واسعة ولونها عسلي.. الست وهي بتحاسب وتاخد باقي 5 جنيه، بنتها أخدت شيكولاته جالاكسي من التلاجة.. الست سألت البياع عن سعرها، قالها تلاتة جنيه ونص.. تقريبا كل اللي معاها كان الــ 2 جنيه الباقيين من تمن الكارت..

قالت للبياع في خجل وبصوت واطي، طيب ممكن أعدي عليك جنيه ونص بكرة؟

البياع رد بصوت حاد وعصبي: الشكك ممنوع يا ماما.. ربما عصبيته سببها ضغط العمل ووقفته في الشارع وتعرضه لمواقف مشابهة.. الست أخدت الشيكولاتة من إيد بنتها وسابتها في التلاجة.. وقالتلها يلا يا "إسراء" بابا جايبلك في البيت يا حبيبتي..

الأطفال طبعا لا يخدعون بهذه السهولة..!

ناديت على "إسراء" وأنا حاطط الموبايل على ودني، وإديتها الشيكولاتة وهزرت سريعا معاها.. مامتها قالتلي إنت تعرفها؟ .. قلتلها طبعا، واستأذنتها بحجة المكالمة والتليفون اللي على ودني، وقلت لإسراء سلميلي على بابا.. ومشيت حتى يكون الموقف هكذا بلا كلام..

إسراء بمنتهى اللهفة كانت بتحاول تفتح الشيكولاتة.. وسعيدة إن أصدقاء بابا بيحاوطوها بالرعاية والاهتمام.

جنيهات قليلة كانت قادرة على صنع السعادة والابتسامة على وجه طفلة بريئة، وكانت سببا في شعوري بالمحبة والثقة في النفس..

#أحمد_سعده (هاشتاغ)       أيمï_آïم#          

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات