نداء لكل من يهمه الامر

موقع الشبيبة الشيوعية

الحوار المتمدن-العدد: 1311 - 2005 / 9 / 8 - 11:15
المحور: حملات سياسية , حملات للدفاع عن حقوق الانسان والحرية لمعتقلي الرأي والضمير
    

نداء لكل من لديه قلب ويخاف على مصلحة بلده ومن اجل منع انحراف شبابنا
احد الطلاب الذين تعلموا بالمدرسة الثانوية في عرابة البطوف والذي تخرج منذ سنتين ما زال ينتظر شهادته بفارغ الصبر ولم يحصل عليها بعد وعلى قول المسؤولين بكرة والي بعده..
• لقد انهى تعليمه منذ سنتان ولم يعطوه شهادة البجروت (التخرج)
• حتى الان معظم الصف لا يستطيع الدخول للتعليم بسبب اهمالهم
• الرئيس يطلب من الطلاب عدم الذهاب الى "ترويحة" المدرسة والا يسهروا والا.. فكيف يفعلون ذلك وهم محرومون من التعليم ولا يقوم الرئيس الا بتوزيع المناشير؟
• يعطونا الشهادات بموعدها لا نضيع بالشوارع ولا نعرض حياتنا للخطر لاننا اضطررنا بعد كل التعليم انه يكون مستقبلنا بالقصارة!


هذا ما اكده لنا احد الطلاب الذي قد تخرج منذ سنتين من فرع فيزياء حاسوب وما زال ينتظر حصوله على الشهادة وخاصة بعد ان رفضت الكليات المحلية وفي خارج اسرائيل ايضا قبوله
هذا الشاب الذي وقع في حفرة القدر السيء ما زال ينتظر بالم شديد حصوله على الشهادة..
ويضيف: كيف تريد منا يا رئيس الا نسهر للساعة 12 والا نعمل الا لمصلحة البلد وانتم تسعون الى تحطيم شبابها؟!
وهذه الرسالة التي قام الاخ الطالب بارسالها حرفيا

"انا طالب خلصت تعليمي الثانوي في مدرسة عرابه السنه الى مرت ولاجل الحظ السيء تفاجئنا عندما طلعت العلامات انو في حشاد (الغاء الامتحان) بموضوع المحشفيم (الكمبيوتر) وطبعا انتو عارفين حشاد بدك تعمل مرة ثانية الامتحان عشان تلغي الاول قعدنا سنه واعملنا الامتحان وطلبنا الغاء الوحدتين طبعا مش الكل بدو يلغي قسم كان بدو علامتو
المدرسه بعثت مكتوب الغاء للوحدتين لكل الصف من دون ما ترجع لكل طالب وتسألو اذا بدو يلغي على كيفهن
احنا طلاب قعدنا سنه عن المدرسه وبدنا نفوت نتعلم هاي السنه الشهاده طلبناها بشكل مستعجل الي المفروض تصل من شهر 7 هاي صرنا ب 7/9 وبعدنا منروح على المدرسه وبوعدونا اه اليوم واه بكره الجامعات في اسرائيل والاردن رفضتنا حتى الدول في اوروبا التي تعلم الانجليزية رفضونا.
مخليناش واسطه وسطناها نزلنا عالقدس 100 مره محدا برد المدرسه مش مهتمه بمصيرنا مع العلم انو في طلاب بلا ذكر اسامي صارت شهادتهن معهن واحنا الي ملناش حدا يا حسره شو بدنا نساوي.
بتعرفو طبعا انو بعرابه فش محلات لا حدائق عامه ولا مكاتب عامه على مستوى ولا نوادي رياضيه الشباب تروح عليها.
رئيس المجلس بتوجهلنا لا تخرجوا بالشوارع يا شباب ولا تسهروا بعد ال12 ولا تذهبوا عالمدرسه خلال وقت انتهاء الدوام في المدارس
طب يعطوناا شهاداتنا بموعدها منروح منتعلم منفيعش بالشوارع اما احنا مجموعة طلاب الي فعلا بدنا نتعلم بس المدرسة ولا المجلس مهتمين فينا بعملش اشي غير مناشير وحكي فاضي مع احترامي الشديد
وزاره المعارف عم بتعاقب المدير والمدرسه
طالب هني مش عارفين انهن عم بعاقبو 70
وانا مشكلتي اناوصفي ولا اشي بالنسبه للطلاب الي الهن 4 سنين مخلصين وبعدهن بطلعوا عالمدرسه ومش طالعين بنتيجه
وفي فضيحه ثانيه صف الفيزياء لهاي السنه نتيجة انو معلم الفيزيا نقل عالثانوية الثانيه ومعلم الفيزيا الاول رافض يعلمهن لمشكلة شخصية بتوجهو لطلاب صف ال 12 هاي السنه بدهن يلغولهن الفيزيا يعني يصير اختصاصهن رياضيات
صف الفيزيا كلو بلش ينقل على مدارس ثانيه عيلبون عبلين شوفو التفاهه

الرجاء الاهتمام بالموضوع لانوموضوع كثير جدي ومهم ومصيري بالنسبه للطلاب يمكن احنا نكونكبش الفداء
انو قعدنا سنتين خسرناهنمن عمرنا وبتعرفو بالسنه هاي الواحد بدو يطلع ويصيع ويمكن ينحرف وينقتل مثل ما
صار مع الي بروحو يشتغلو بره لانو بصرش يضلو عاله على اهلواو يوكل هواه تسببلو عاهه
اذا مش عشاننا عشان الافواج الي ورانا لازم كل الدنيا تعرف شو بصير
شكرا الكو كثير الي بتعطو المجال انو ا لواحد يكتبويعبر ومبتتصوروش الفرحه اذا تم اعداد مقال بشكل جيد
وموضوعي يعالج هالي النقطه بالقريب العاجل "


هذا ما قاله الاخ حرفيا ونحن ننشره املين بان يستطيع الاخ ان يشرح موقفه وألمه ونأمل نحن بعرضنا هذه المشكلة ان نجد لها حلا ونتمنى لك ايها الاخ سنة موفقة

#موقع_الشبيبة_الشيوعية (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات