الإقتصاد الكينيزي، و الإقتصاد النمساوي

محمد جلو

الحوار المتمدن-العدد: 4658 - 2014 / 12 / 10 - 10:25
المحور: الادارة و الاقتصاد
    

أكو يسألوني عن الإقتصاد الكينيزي، و الإقتصاد النمساوي (لا علاقة له بجمهورية النمسا)
.
.
.
أبسط منهم ماكو...
راح أشرحلكمياهم ..
.
.
الحالة الكينيزية:
-----------------
إذا الولد الوكيح شمر حجارة
و كسر جامة شباك بيتكم
راح تنطي أبو الجام دينار، علمود يصلحلك الشباك.
.
بالنهاية (بالحالة الكينيزية):
1- جامة شباككم صحيحة و ما مكسورة.
2- أبو الجام حصل على دينار.
.
.
الحالة النمساوية:
------------------
لو الولد الوكيح ما شمر حجارة..
راح تكدر تنطي الدينار للخياط، علمود يفصللك قميص.
.
بالنهاية بالحالة النمساوية:
1- جامة شباككم صحيحة و ما مكسورة.
2- الخياط حصل على دينار.
3- إنت عندك قميص.
.
.
ياهو الأحسن للمجتمع؟
لمن تنكسر الجامة (الكينيزية)، لو لمن ما تنكسر الجامة (النمساوية)؟
.
بالحالتين يتحول الدينار، من جيبك إلى جيب غيرك.
و لكن، بالحالة النمساوية أكو قميص يتم إنتاجه.
.
أكو ناس يكولون أن الولد الوكيح، يأدى خدمة للمجتمع لمن يكسر الجامة.
و اللي يسويه، هو شي عظيم.
لأن أبو الجام راح يشتغل، و يحصل دينار...
فينتعش السوق.
.
و لكن، آني أكول
شغل أبو الجام، يتعادل ويه شغل الخياط في نهاية الأمر بالحالتين
و جامة شباككم صحيحة في نهاية الأمر و ما مكسورة بالحالتين
و لكن القميص موجود بالحالة النمساوية، و ماكو قميص بالحالة الكينيزية.
.
لو الدينار مالتك ما تريد تصرفه على قميص، فإنت راح تكون موفر الدينار بالبنك، و البنك راح يداينه لغيرك يستثمره فيتحرك السوق و يزيد الإنتاج.
فلذلك، مجتمعات الإقتصاد النمساوي أغنى و أكثر رفاهية.
.
.
.
لو الإقتصاد الكينيزي أحسن
هذا معناته أن أعظم إقتصاد بالعالم، هو في البلدان اللي بيها فيضانات و أعاصير و زلازل بإستمرار، و اليد العاملة تبني بإستمرار، و الكوارث تدمر البناء بإستمرار.
.
و لو البلد اللي يطبع فلوس بالكواني و يصرف، إقتصاده يتحسن..
جان أعظم إقتصاد بالعالم، هو إقتصاد زمبابوي

#محمد_جلو (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات