التصريح المتين للتنين في قهر متي المسكين 2 (تصريح مندوب توزيع صكوك حماية الايمان)

أنطونى جمال عبد الملاك

الحوار المتمدن-العدد: 4642 - 2014 / 11 / 24 - 19:22
المحور: العلمانية، الدين السياسي ونقد الفكر الديني
    

النوت مابها من معلومات من صديقي عمادعاطف

الموضوع الاولي لذات الموضوع من هنا اقرائه اولا للالمام

http://www.ahewar.org/debat/show.art.asp?aid=442468

اصبح الان هناك صك اعتباري لم تصدره الكنيسة الارثوذوكسية وهو صك حماية الايمان
حاملة معاه تصريح انه حامي حمي الدين الارثوذوكسي القويم(عزيزي القاري لو انت مش ارثوذوكسي سيادتك بره الجنة لانها حكر علينا) بس انا مش هاقولك كده ف وشك ياعني الله محبة مدخلنيش ف الغلط معاهم مش ناقصة
كما انه يحمل صفة اخري انه يتمتع بالعصمة

العصمة :- حاجه كانت بتعترف بيها الكنيسة الكاثوليكية بس للبابا بس ياعني البابا مبيغلطش ولا بيغلط ولاهيغلط
والكنيسة الارثوذوكسية مش بتعترف بيها لا لل البابا ولا لغيره بس بيطبقوها :) شوفت الاوبشن الحلو ده

جرب كده تناقشه ولا تقول انه غلطان هيقبل ارائك بكل صدر واسع متقلقش ولا قد يتطور الامر الي التكفير
بس هو مش صك ولا موجود بس هو العن
هو رابطة اتعملت اسمها حماة الايمان ودي الرابطة اللي بتحدد اية هو الايمان الارثوذوكسي وكمان المسئولة عن الهجوم والدفاع عن اي احد مش عاجبهم

بقولك سيرش ع النت متوقعنا ف غلط معاهم
:)

مبدأهم الاساسي

نحن الايمان السليم ونحن من يحدده وغير مقبول النقاش فيه

مش هاطول عليك ومش هتكلم كتير عن مواضيع كتير احنا بس هانتناول اللي يهمنا الهجوم ع ابونا متي
بس الاول خش ع رابط الصوره لتري المقال المنشور ف جريدة البوابة
علشان نكمل كلامنا
http://im59.gulfup.com/9AOUL6.jpg

المهم نجي ل مندوب توزيع صك حماية الايمان
مينا اسعد كمال هو مدرس اللاهوت الدفاعي بالكلية الاكليريكية بالنيسة الارثوذوكسية والمتحدث الرسمي للرابطة
دي المعلومات من بروفيلة وللاسف لا استطيع اعطائك رابطه لانه عملي بلوك :) مش بقولكم لا تجادل ولا تناقش يااخ علي

وهنا اترك الميك لصديقي عماد صاحب الفضل الاساسي في كتابة الجزء التاني
الاول مش بتاعك ياعماد علشان نبقي واضحيين يانجم علشان حق النشر :) والخناقه ف الفلوس ياممول ياعميل ههههههه

(1)

العقيدة vs الايمان : فيه مشكلة في كلام مينا لما بيقول " فلا يجوز الاستنارة في تأويل العقيدة". المشكلة كبيرة في كلامة، الايمان ثابت لكن الصياغات العقيدة ممكن تتطور و تتأول حسب الظروف الزمنية و المكانية (انظر اختلاف شرح الثالوث عند يحي ابن عدي و ابو رائطة التكريتي و ساويرس ابن المقفع حتلاقيهم شرحوا العقيدة بما يتناسب مع عقلية المسلم و القديس اثناسيوس اللي شرحه اصلا لمواجهة اريوس و اللي كان مؤمن بإلوهية المسيح لكن الوهية درجة ثانية)، مثال تاني على تتطور العقيدة، كلمة "الثالوث"، المسيحيين آمنوا منذ اللحظة الاولي بالثالوث، ( ده واضح من ممارستهم للمعمودية) لكن "كلمة" الثالوث نفسها ظهرت اول مرة عند ثاؤفيلوس الانطاكي (170 م). ده مش معناه انه ابتدع عقيدة لكن معناه انه صاغ الايمان و طور عقيدة الثالوث، حتي المعاهد الارثوذكسية عندها مادة اسمها تاريخ تطور العقيدة او تاريخ العقيدة و فيها بيتشرح التطور ده.

(2)

حماة الايمان: استوقفني لقب حسيت ان ليه هدفه معين، اللقب ده نسبه هو للانبا بيشوي و هو "حامي الايمان" و "حامي العقيدة"، ( انا مش بتكلم عن صحة او خطأ اللفظ ده انا بتكلم عن اختيار اللفظ ذاته) هل ده تلميح ان الرابطة تبع الانبا بيشوي؟؟؟!!

(3)

طبعا موضوع نهاية انجيل مرقس، الخلاصة في الحوار ده غالبية علماء نقد النصوص بيقولوا الفقرة ديه مش من متن النص حسب المخطوطات الاقدم و الاكثر انتشاراً (الطبعات النقدية بترجح الحذف) و قله بيقولوا انها من متن النص، ابونا متي قال انها مش بقلم مرقس لكن بقلم واحد من الرسل "ارستون"، يعني هو متفق مع علماء النصوص لكن مؤمن بقانونية الفقرة او ببساطة مؤمن انها متتحذفش لانها من قلم رسول من الرسل( عكس علماء النصوص)، يعني الراجل بيفرق بين قبول النتائج العلمية في نقد النصوص و فهمه لطبيعة الكنيسة و الكتاب حيث انه مقالش زي علماء النقد النصي اننا نحذفها، لكن قبلها بسبب رسوليتها.

(4)

مدرس لاهوت: عشان الواحد يدرس مادة لازم يكون معاه شهادة، مثلا دبلومة او بكاليريوس او ماجستير او دكتوراه، مينا اسعد بيدرس لاهوت و مقلش هو ايه الشهادات اللاهوتية اللي معاه عشان يدرس لاهوت،

(5)

الغرب الملحد: طبعاً اتكلم عن ان كتب الالحاد بتتدرس برة، المشكلة ان التصور ده نصف الحقيقة و خاطئ جداً، الغرب مش كله الحاد، احنا لامؤاخذه بناخذ الدفاعيات بتاعه الغرب و بنتعلم منهم ، الفرق ان الغرب فيه حريه لكن الشرق لأ، فمثلا الشباب اللي بيلحد علنية بره، فيه زيه شباب ملحد بس بيجي نادي الكنيسة و يقعد مع البنات و ميعرفش حاجة عن المسيح، احنا بنتعلم من الغرب الوحش الدفاعيات كلها يكفي اننا نقول اسامي زي ويليام لان جريج، جاري هابرماس، مايكل لايكونا، اليستر مجراث، رافي زخارياس، (ممكن تسألوا فريق اللاهوت الدفاعي) احنا كلنا بنتعلم من برة، الكوميدي في الموضوع ان حتي الكلية الاكليريكية بتبعت بعثات لجامعات برة "الخلقيدونية" الشريرة عشان نتعلم لاهوت ارثوذكسي

(6)

القانونية: مينا اتكلم ان الاقتباسات اللي بيعملها المهرطقين دليل على قانونية الاسفار، القانونية مش بالاقتباسات يعني مثلا فيه آباء اقتبسوا من كتب خارج العهد الجديد هل ده معناه انها قانونية؟ طبعا لا، فيه فرق بين الاقتباسات لاجل التدليل علي فكرة و بين الاقتباسات بكثره من الاسفار و اللي بتشير ان الاسفار ديه كان ليها مكانه مميزه بالنسبة لجماعة مسيحيه معينه، يعني الاقتباس لا تساوي القانونية لكن بتلمح لمكانة الكتاب المميزة و اللي مع اسباب تانية بتشير للقانونية

(7)

دور الكنيسة: نفسي افهم سبب صمت الكنيسة من الكلام ده. النقطة المهمة في حالة مينا اسعد انه بيطلع في المؤتمرات اللي بتتعمل في المركز الثقافي القبطي، فهل الكلام اللي بيكتبه متوافق عليه من الكنيسة و هل اسلوبه او اسلوب الرابطة اللي اسمها "حماة الايمان" متوافق عليه من الكنيسة، طيب لو مش متوافق عليه ليه ميطلعش بيان بالكلام ده، ليه يطلع كأنه الممثل الرسمي من الكنيسة ،

الي هنا انتهي كلامه وامسك انا المايك

انا مش هأجود ولا هاقول حاجه

انا يسائل سؤال واحد بس
هو ليه كل شوية الكنيسة الارثوذوكسية يطلع عيال منهم او كاهن او اسقف
يقول فلان الفلان ده بيخرف ولا يتاخذ معه اي اجراء محترم لازم يتبع وهو محاكمة كناسية عادلة

ونخلص من القصة
انا خايف ع عيالكم علشان لما بيقروا بتحصل ازمة
والممنوع مرغوب

مش تتمنع كتاباته ويتشرد ف كل حته قيل وقال ويتكفر و....... (خلي بالكم لاشتامؤن يدخلون ملكوت السماؤات ) ومنهم متي المسكين فهو طبقا للمقال المعمول خصيصا له
لامستنير ولا رائد للتغير

طيب ياعم هو كوخه اثبت انه كوخه من خلال محاكمة
وان كان كوخة ليه سابه البطرك السابق دون محاكمة بالرغم انه الف كتاب مخصوص اسمه بدع حديثة ضدده
وكمان اخترعوا مخصوص ليه مؤتمر تثبيت العقيدة مهمته الوحيدة والاساسية الغاء فكرة من الكنيسة

فياتري ابونا متي كان ماسك ع البطرك السابق ذله ولا البطرك السابق مش عارف يثبت عليه التهمه ولا ايه

ول تاني مرة اطالب كما يطالب رهبان دير ابو مقار - تلاميذ متي المسكين- البابا تؤاضروس بوضع حد للمهزلة دي
يايتحاكم كناسيا وممكن تحصل ع فكرة بالرغم من موته ويطلع من كده بيان انه بيهرطق
يابيان مضاد ان الرجل عداه العيب وقزح وف السليم ويعود لمكانته الطبيعية منارة فكرية مسيحية وفلسفية كما يراها العالم كله ماعدا الارثوذوكس

واللي اللقاء ف حلقات اخري

ومننساش لا يتحكم ف العقل الا العقل ذاته

أنطوني جمال عبدالملاك
الاثنين 24 نوفمبر 2014

#أنطونى_جمال_عبد_الملاك (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات