طالب الجليلي
(Talib Al Jalely)
الحوار المتمدن-العدد: 4517 - 2014 / 7 / 19 - 00:01
المحور:
الادب والفن
ما أكدر !!!
( مهداة الى صديقي كاظم فندي !!)
أكلك روح.. ماأكدر
أنا ابلياك ..أتعثر
أريد اتروح من بالي
توفي اوياي حسبالي
وبطيفك أنا اتدثر
........
غريبه الروح تبرالك
ونته اولا نجي ابالك
حسافه اسكيتك ابروحي
ونته التلجم اجروحي
ياغيمه اللي ما تمطر
.....
عمري اوياك يا قداح
هلهوله اوفرح بالطيف
ونته الماتحن مره ولا
تمطر جذب بالصيف
ولا مره علينا اتمر
وكلك روح ؟!
ما أكدر ..!!!
....
روحي امعلكه ابطيفك
وشم بالروح
مثل الغيم تبرالك
ترد. وتروح
مثل الدمعه تتلولح
ولك يسمر
وكلك روح ؟!
ما أكدر !!!
18 تموز 2014
#طالب_الجليلي (هاشتاغ)
Talib_Al_Jalely#
كيف تدعم-ين الحوار المتمدن واليسار والعلمانية
على الانترنت؟