محمد جلاب البديري
الحوار المتمدن-العدد: 4213 - 2013 / 9 / 12 - 09:13
المحور:
الادب والفن
چنت فايض بحفنه هْموم
وتْنطّر وفه أحبابي
هلي الغربه سگتني سْموم
قصّه وكتبت كتابي
لهفتي ألكُم هلي الطيبين لِدٌوم
عِشرتكم تغازل هجري وغْيابي
حتى الليل باگَه النوم
وانه السهر محرابي
وْلَن العِشِگ فَرّحني بغرامه اليوم
گلب الوطن دگ بابي
....
..
صدفه تلاگينه بحلم
آنه أوّطنه
وْلنّي من أبعيد أشم ريحة أهلنّه
ماعرفني وماعرفته
گتله أبنك .. گلّي حُبّك
گتله أنت الخيّطة فرحه بحزنّه
وگتله آنه ألّي رضع حِلمت حليب الهور
وسْفوح الجِبل حِضنة سهلنّه
أشوف جروحي وجروحك
ماتنعد بلايه حْساّب
شِنْهو الصار عنّي بْعيد
ياهو اليوم يجمعنه
هذا أنت العراق أيصير بيك الصار
وانه أبنك غريب بحصره وبْوَنّه
گال الجرح بيّه ولاتخاف أرجوك
أمشي أعله الجرح وبزود وتعنّه
گبُل مجروح
وبنص الجروح جروح
وعاوِد للفرح بشموع وبحنّه
گتله أرجوك أِضْحك حَدْ حَلات الروح
حِط روحي أعْله جرحك
گوم وتهنّه
ياأطْيَبْ وطن
بالدنيه
مامنّه
#محمد_جلاب_البديري (هاشتاغ)
كيف تدعم-ين الحوار المتمدن واليسار والعلمانية
على الانترنت؟