هتافات في مسيرة تضامن مع اضراب المعلمين الفلسطينيين

خالد منصور
عضو المكتب السياسي لحزب الشعب الفلسطيني

الحوار المتمدن-العدد: 1189 - 2005 / 5 / 6 - 11:00
المحور: القضية الفلسطينية
    

يا اصحاب المعالي
منا الكم رساله
************
ما بنفكه هالاضراب
حتى تردّوا بالايجاب
*************
مطالبنا مشروعه
من زمان مرفوعه
************
بدنا نواصل هالنضال
حتى نغير هالاحوال
************
بدنا نرفع هالاجور
ضد الغلاء هالمسعور
**************
بدنا رفع المعاشات
وبدنا نظام العلاوات
*************
للحكومة احنا بنسال
قنون الخدمة ليش تأجل
والفساد ليش تغلغل
**************
المسؤل كرشه بكبر
والاستاذ وضعه تدهور
**************
يا وزير المالية
رواتبنا مهرية
**************
مدرا ووزرا بسيارات
والبنزين كوبونات
*************
اسمع اسمع يا فياض
النا عندك اعتراض
بدنا عدالة بالتوزيع
والمعلم مش طمّيع
اسمع منا يا وزير
راحة شعبي اهم كثير
من الاسراف والتبذير
بدل تحطو 100 مدير
ويتهموكو بالتقصير
ارفع راتب هالفقير
نفذ خطة للتطوير
سلطة فيها الف مدير
مستقبلهاعالحصير
الله يعينك يا فقير
بكره العيشة كيف بتصير
***************
والله عجايب يا اخوان
ابو الحمص مش قلقان
بيدو يحل هالنزاع
بس الحق والله ضاع
راكب راسو بالباطل
مطالبنا متجاهل
بدو يذل المضربين
حتى يعودوا صاغرين
ما بفكر بالطلاب
مهما طال هالاضراب
ومهما خسروا هالطلاب
****************
سلطة بتبني بالفوضى
شعبي منها ما برضى
**************
يا اصحاب الفخامه
بدنا نعيش بكرامه
************
الاستاذ يا نعيم
بدو يعيش حر كريم
************
الاستاذ بهدلتوه
تحت الفقر عيشتوه
من العلاوه حرمتوه
*************
يلي وضعتوا الميزانية
بدها روح مسئولية
التعليم اولوية
**************
شكرا شكرا يابو علاء
عا افقار الفقراء
عا تهميش الضعفاء
شكرا شكرا للوزراء
عالانجاز وعالاداء
من المر شعبي صاح
وصرنا نبكي علّي راح
**************
علمناها هالاجيال
كيف تقاوم لاحتلال
احنا بنزرع في الاطفال
حب العلم والنضال
***************
اسمع منا يا وزير
للاستاذ دور كبير
هو الشعلة للتنوير
ليش بحقه هالتقصير
***************
هذا هو المعلّم
من اعماقه متالّم
في الطليعه متقدم
ضحّى وما هو متندم
************
وينو وينو هالاصلاح
والتعليم عنا راح
*************
الاصلاح والتغيير
شعارات للتخدير

#خالد_منصور (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات