الى السلفيين والمتطرفين ... احنا مش محتاجين تهنئة منكم

بطرس رشدى جندى

الحوار المتمدن-العدد: 4075 - 2013 / 4 / 27 - 22:44
المحور: القومية , المسالة القومية , حقوق الاقليات و حق تقرير المصير
    

- الى الاخوة السلفيين والمتطرفين : الاقباط مش منتظرين تهنئة من سيادتكم وبلاش تعلنوا وتقولوا انه لا يجوز تهنئة الاقباط لانه حرام ... احنا هنوفر عليكم المجهود وبنقولكم من دلوقتى احنا مش محتاجين تهنئة منكم .

- الى الاخوة المسلمين : اعلم جيدا انكم تقوموا بالاتصال بالاخوة الاقباط وبتقولوا ليهم كل سنة وانتم طيبين والكلام ده بيكون من قلبكم وفيه البعض بيعمل زيارات لبيوت الاقباط عشان يقدم تهنئة العيد .. انا بشكركم على هذا الشعور الجميل لانكم بجد مصريين حقيقيين

- الى مرسى : انا عارف ان الكاتدرائية ارسلت ليك دعوة لحضور قداس العيد وعارف انك مش هتيجى وطبعا انت مش هتروح عشان الشاطر قالك متروحش وكمان عشان متزعلش الاخوة السلفيين والمتطرفين من الجماعات .. بس انا عمرى ما هنسى يا مرسى انك حضرت قداس العيد ساعة لما كان المجلس العسكرى ماسك حكم البلد .. وطبعا كان عشيرتك معاك بتقدم التهنئة ... وكل ده ليه ... عشان تقولوا للعالم ان الاخوان هم الافضل لحكم مصر ... لكن دلوقتى كل الشعب المصرى عرف ان الاخوان مش متدنيين لكن تجار دين ... ايامكم بقيت معدودة .

- بتمنى من قلبى ان الاقباط يفرحوا فى عيد القيامة ومحدش ينكد عليهم من المتطرفين ... الاقباط بحاجة الى الفرحة ... الاقباط نفسهم يفرحوا حتى لو لحظات فى هذا العيد ... كفاية نكد وحزن .

#بطرس_رشدى_جندى (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات