|
شريان
مزمل الباقر
الحوار المتمدن-العدد: 4031 - 2013 / 3 / 14 - 13:03
المحور:
الادب والفن
شفتي .. الورد اللي اتفتح .. تحت الشفة لما بسيمتك .. فاحت .. فجأة وسرب .. الطير الطاير .. ساعة الضحكة خلى .. وراهو حوض .. بيكادلي علي الخدين .. وشتلات .. فل وكم .. إكليل من .. ياسمين *** زورق .. زورق كان بتمرجح في ... حدق العين لما .. ترقرق فيهو .. الدمعة *** والموج .. الضارب حنه تحت سما .. الطرحة الأزرق كان ................... متماوج كان بيتاوق .. في لون .... الشفق الغارب اللابساهو .. بلوزة وجيد .. الصيدة الواجهني .. لمن قمتا اسلم كان بيسلم *** وداخلني الظن انو .. الليلة .. اليوم الرابع بعد العشرة في الشهر .. التاني بالأفرنجي... وانو .. القديس فالنتاين كان فارد .. البسمة بطول الوش لمن شافك ... داخله علينا .. داخلة علينا .. معاك الغيمة *** وحسيت بي .. فيض الفرحة الدافق قرب .. يغرق فيني الشوق وكيف الفرحة .. تكون لمن يبسم لي .. الحظ مرة *** وكنا .. بنطلع ومرة .. بننزل وكنت بدور ... السكة .... تطول إلا .. وصلنا بسرعة الفجة .. ووسعت بيك .. الضيقة *** اترجيتك شأن تتأخري شويه معايا ثانية .. معايا أشربي شاي .. أو .. كاكاو خلي الصيف .. الجانا مباغت .. يفرد للنسمة .... مساحة قدر .. الشوق *** وانتي النسمة انتي الغيمة الجات مبتسمة وبي .. بسمة فرد .. بسمة مسحتي .. ساعات حسرة سكنت فيّ .. ثلاث أيام وشوق .. متعذب لهفة ... داب في .. ساعتو لمن .. طلعت .... شمسك فيهو .. لمن شفتك *** ياتو .. ورد شايلاهو .. بفاطرك ياتو .. بلابل في .. ضحكاتك جاتنا ... تغرد وياتو ... دعاش سقتيو معاك .... ياتو ... تساب *** زي النرجس كانت النظرة زي ريلة بتشرب كنتي شويه .. شويه وكنت .. بعاين في عينيك شفع بلعبو .. تحت القمرة شليل ... وكمين شافعة .. بتلعب حجلة ... وناس من بدري .. علي الحواشة ووردية المصنع وناس بتساسق .. جنب المشرع تشيل . وتخت تشيل .. وتخت تشيل .. وتخت في رمش ... العين قامت شتلات كانت بتفرهد .. لما تغازل فيها النسمة إحساس .. الخصب وغيمن .. شايل إرهاص بالخير والخصب الشال .. الجدب الوسع .. ماعون البركة وابتسم ... الغد *** وناس .. البلد الرقصو معاك .. دليب مردوم .. جراري شايلين . درقة .. وسيف سفروق .. وحراب احباب .. احباب غنوا معاكي .. في حدق العين ولمن صوتك .. مر علي .. الأرض البور بتق فيها قموح وعيوش ولمن صوتك مرة علي .. الناس التمسح عرق التعب .. الكاتل حيلا صوتك .. مر .. عليها نساها .. اساها والتعب الكان .. جواها مالي مساحة ... ولمن صوتك .. مر عليّ ملا وجداني .. عشم مكان الصي وأداني .. بشارة بأجمل غد وتأشيرة فال.. بإنو المحن دايمن .. ضيفات ما مضايفات وإنو .. الضيق الفاتح خشمو باكر ينسد فيهو الحلق باكر .. زمن الفرح الجاي علينا .. دميرة وشايل .. محل الحزن الكان .. عامينا الكان عامّينا وانتي جميلة وطبعك .. أجمل وأنا .. بالحيل دايرك زي نيل محفورة بحجرات قلبي .. وكاتلك .. ريدي انا قاصدك .. بختام الحجوة عريس وعروس وجنيات سمحين انا قاصد ... أهلك وجاييك بالدرب عدييييل
مزمل الباقر امدرمان في 7 ابريل 2005م الاربعاء
#مزمل_الباقر (هاشتاغ)
كيف تدعم-ين الحوار المتمدن واليسار والعلمانية
على الانترنت؟
رأيكم مهم للجميع
- شارك في الحوار
والتعليق على الموضوع
للاطلاع وإضافة
التعليقات من خلال
الموقع نرجو النقر
على - تعليقات الحوار
المتمدن -
|
|
|
نسخة قابلة للطباعة
|
ارسل هذا الموضوع الى صديق
|
حفظ - ورد
|
حفظ
|
بحث
|
إضافة إلى المفضلة
|
للاتصال بالكاتب-ة
عدد الموضوعات المقروءة في الموقع الى الان : 4,294,967,295
|
-
يا فاطمة
-
ناسك في محراب الغفوات
-
أم در
-
(من ترى أنطق الحجر) أو ظاهرة الحسد الثقافي وسط النخب السودان
...
-
تداعيات
-
ست شاي
-
عقوبة عائلة من زوباتيا
-
صوتك وشاح من مخمل
-
تضاريس النزوح الأخير
-
عن ما جرى الشيوعيين في عهد النميري - قراءة في كتاب حسن الجزو
...
المزيد.....
-
الحلقة الأولى مترجمة” عرض مسلسل قيامة عثمان جميع الحلقات متر
...
-
فنانة مصرية معتزلة تتعرض لهجوم بسبب الحجاب
-
الرئيس التونسي ينتقد مستوى المهرجانات الفنية في بلاده
-
-يجب إيقاف هذا السيرك-.. سياسي فرنسي يدعو إلى وضع حد لتشويه
...
-
للعام الرابع.. السياسة تفرق والأغنية توحد في -يوم الأغنية ال
...
-
الجزيرة للدراسات يصدر -رؤية حول الأمن القومي الفلسطيني-
-
رسميا… الان نتيجة الدبلومات الفنية الدور الأول برقم الجلوس 2
...
-
متعهد حفلات شهير: -أصالة- ستغني في لبنان ونضال الأحمدية تبتز
...
-
ننشر نموذج أجابه امتحان الإنجليزي تالتة ثانوى 2024 كامل ..حل
...
-
تردد قناة الفجر الجزائرية الناقلة لمسلسل قيامة عثمان بجودة h
...
المزيد.....
-
نظرية التداخلات الأجناسية في رواية كل من عليها خان للسيد ح
...
/ روباش عليمة
-
خواطر الشيطان
/ عدنان رضوان
-
إتقان الذات
/ عدنان رضوان
-
الكتابة المسرحية للأطفال بين الواقع والتجريب أعمال السيد
...
/ الويزة جبابلية
-
تمثلات التجريب في المسرح العربي : السيد حافظ أنموذجاً
/ عبدالستار عبد ثابت البيضاني
-
الصراع الدرامى فى مسرح السيد حافظ التجريبى مسرحية بوابة الم
...
/ محمد السيد عبدالعاطي دحريجة
-
سأُحاولُكِ مرَّة أُخرى/ ديوان
/ ريتا عودة
-
أنا جنونُكَ--- مجموعة قصصيّة
/ ريتا عودة
-
صحيفة -روسيا الأدبية- تنشر بحث: -بوشكين العربي- باللغة الروس
...
/ شاهر أحمد نصر
-
حكايات أحفادي- قصص قصيرة جدا
/ السيد حافظ
المزيد.....
|