أصبعي أرد اكصه بموس وجوي مجانه دلاني عل أدروب النواب الكلهن مهانه

ماجد العذاري

الحوار المتمدن-العدد: 4004 - 2013 / 2 / 15 - 11:01
المحور: العلمانية، الدين السياسي ونقد الفكر الديني
    

أصبعي أرد اكصه بموس وجوي مجانه ـ دلاني عل أدروب النواب الكلهن مهانه


في هذه الايام اشاهد كباقي العراقيين كثرة اطلالة النواب
قصر الله السنتهم
ولاكبر الله كروشهم
ولاكثر الله ارصدتهم
وهدم الله قصورهم على رؤوسهم
كل ساعة أتشوف جناب النائب ناطله بفضائية
كل ساعة تلكاه بندوة
كل ساعة تلكاه بمؤتمر
شني السالفة
اثاري الاخوان يمهدون من هسه للانتخابات المقبلة
واشلون ايدكون ناعم وحبابين وخوش ولد
كثرت مطالبهم للشعب العراقي المظلوم
وكثرت انتقاداتهم للحكومة
ويعرفون ماكو شي بس كلام في كلام بلكي يعبرهل المرة على الشعب العراقي
اتشوفه خطية يخطب ويلهث ويصيح
وينتقد ويشجب ويستنكر ويدين
ويعترض ويمتنع ويناشد ويرجو
ويطالب ويتباكى
ويلطم على الخدود ويشق الجيوب
وينادي
وا عراقاه
وا شعباه
وا مضلوميتاه
وا كهربائاه
وا مائاه
وا معتقلاه
وا بريئاه
واحسرتاه
وا غلاء معيشتاه
وا قلة راتباه
وا خدماتاه
وا رشوتاه
وا فساداه
وا ملياراتاه
وا دولاراه
وتموينيتاه
وا نفطاه
وا غازاها
وا مظاهرتاه
وا اعتصاماه
هم زين ما ايكولون وا معتصماه
ويبدئون بالتجوال على مناطقهم القديمة ويتملقون ويتلوكون للناس ويقيمون الاجتماعات لبيان ما يحتاجه المواطن وكانه لايعرف ماذا يريد المواطن
الكراسي عمي خلوها الكم بسط انتبهوا للمواطن
المواطن المكرود ما ايريد سلطة ايريد خبزه
ولكن هذه المرة لن تنطلي وتعبر على المواطن العراقي مرة ثانية ويروح يغط اصبعه في الحبر البنفسجي وايجوز ايبدلوه ايسون لونه خضراوي تما شيا مع المنطقة الخضراء
مشو بوزكم ابد ما ينتخبكم المواطن
شنو الي قدمتوه صارلكم عشر اسنين تتمالخون على كالت الميزانية وحجت المحكمة الدولية كال الارهاب وحجى الكباب
يوميا امسوينه ازمة ويومية امطلعينا خبر وعلى افلان وزير فاسد وانهزم وجبناه وادلى بافادته وهو بايكلة مليارات الدولارات يطلعوه بكفالة مليون دينار يعني
800 دولار
وشنو يدفعهن عدا ونقدا وطك الجواز مالته الاجنبي ويا من ستر ولحد ايكله على عينك حاجب

زين وين راحت القضية مال سرقة الاموال مال وزارة التجارة والدفاع ووووووو
وينه كله نايمه عليها الطابوكة
لحد الان كاعد ايدورون على كبش فداء يعلسونه امكان الي انهزموا
ومن يكعد وياك يسفط بالكلام واتشوفه اشلون يون ويبجي على العراق
والطامة الكبرى ان المتهم لا مو المتهم المدان لان ثابته الشغلة عليه وواضحة كوضوح الشمس يطلع بكل وقاحة ويكيل التهم للاخرين بانه مستهدف لغرض
التسقيط السياسي
ويطلع علينا رئيس الكتلة السانه طوله متر ويصيح نحن الذي كشفنا ملفات الفساد
زين يابة يا رئيس الكتلة الكونكريتية الي نايمة على صدور الشعب اشسويت من اكشفت ملفات الفساد اشو ما شفنا فد واحد انحكم عليه بحكم يتناسب مع جريمته
لا والنوب ايصيحون نحن نمثل الشعب
لا اعيوني انتوا تمثلون على الشعب واحسن تمثيل ما شاء الله
استادية واهل مصلحة واحدكم ممثل بارع وضامنين مستقبلكم بعد انتهاء مدة البرلمان او اطلعتوا تقاعد هاي من دبش اذا طلعتوا تقاعد انتم راسا تلتحقون الى نقابة الفنانين العراقيين لانكم عدكم دراسة اربع سنوات في اروقة البرلمان ودهاليز الحكومة
واخيرا

ألقاب مملكة في غير موضعها كالهر يحكي انتفاخا صولة الأسد

#ماجد_العذاري (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات