الاسلام و الديمقراطية

قصي ابراهيم حسن

الحوار المتمدن-العدد: 3919 - 2012 / 11 / 22 - 10:18
المحور: العلمانية، الدين السياسي ونقد الفكر الديني
    

الاسلام و الديمقراطية (حوار على صفحة أصدقاء المنبر الديمقراطي)
قصي حسن :
========================================
لايمكن ان يكون الاسلام ديمقراطيا" لعدة أسباب:
1-الاسلام دين يعتبره أصحابه منزل من عند الله لايأتيه الباطل من أي اتجاه كان ..؟(لا ياتيه الباطل من بين يديه ولا من خلفه تنزيل من حكيم حميد)
2-غاية الخلق العبادة و ليس غير العبادة (وما خلقت الانس و الجن الا ليعبدون)
3-الاسلام ضد الحريات الشخصية .تحريم لحم الخنزير ، شرب الخمر ، العلاقات الحنسية ، و يضيف اليها المتشددون (مشاهدة التلفاز ، الشعر ، الرسوم ، الانتقاد ، ...الخ ).
4-ملاحقة اصحاب الفكر الانساني-الذين لا يؤمنون بالله_ ووعدهم بالعذاب في الدنيا و الآخرة (فاما الذين كفروا فاعذبهم عذابا شديدا في الدنيا والاخرة وما لهم من ناصرين).
(ان الذين كفروا بعد ايمانهم ثم ازدادوا كفرا لن تقبل توبتهم واولئك هم الضالون)
5-قتال الكفار -أصحاب الفكر الانساني- ومنعهم من ممارسة طقوسهم و عاداتهم و تقاليدهم
(الذين امنوا يقاتلون في سبيل الله والذين كفروا يقاتلون في سبيل الطاغوت فقاتلوا اولياء الشيطان ان كيد الشيطان كان ضعيفا).
هذا على مستوى القرآن و على مستوى الأحاديث المنسوبة للرسول فحدث و لا حرج .
و على مستوى الاجتهاد و الفرق الاسلامية المختلفة ايضا" حدث و لا حرج .

فبأي آلاء ربكما تكذبان.
==================================================
Ahmad Al-Nuami ماهي عقوبة اكل لحم الخنزير؟!!
Ahmad Al-Nuami كل هذا الكلام ليس له علاقة بالاسلام !!! ربما تتحدث من وجهة نظر اسماعيلية؟!!
Qussai Hassan أحمد كيفك ...؟
Qussai Hassan وعدتنا بزهير سالم صار معك شي
Ahmad Al-Nuami ارسلت له رسالة في الفيسبوك و لم يرد علي حتى الان
Ahmad Al-Nuami في الاسلام يجب التفريق بين الممنوع الذي يعاقب عليه الشارع و بين المحرم الذي يعاقب عليه الله
Ahmad Al-Nuami لحم الخنزير محرم و لكنه ليس ممنوع .. الزنا محرم و لكنه ليس ممنوع ....
Qussai Hassan الممنوع الذي يعاقب عليه الله هو نفسه الممنوع الذي يعاقب عليه الشرع ومن يقول غير ذلك هم من يريدون أن يحسنوا صورة الاسلام فهو القائل( و احكم بينهم بما أنزل الله) و( اعملوا فسيرى الله نتيجة عملكم ) والعمل هو بما أنزل الله و هذا ينطبف على العامل و على رئيس الدولة .
Ahmad Al-Nuami العبادة في الاسلام لا تعني الصلاة و الصيام و الزكاة فقط بل تعني العمل الصالح و المتقن ( من عمل منكم عمل فليتقنه) و الدلائل من القرأن و السنة التي تشير العبادة بمعنى العمل كثيرة
Ahmad Al-Nuami اتحداك ان تأتي لي بحد اكل لحم الخنزير ؟!!
علي السلطان لماذا تغير زيت لسيارتك كلما سارت مثلا5000كم مثلا حسب نوع الزيت
Qussai Hassan الحدود التي تريدها معظمها من تشريع الناس ولا علاقة لها بالقرآن أما من يعصي الله في قضية معينة انزل تحريما" بها فهي العذاب بالدنيا و الآخرة و من يعذب بالدنيا هل الله هو الذي ينزل و يعذب ام الانسان..؟
Ahmad Al-Nuami طيب هات لي عقاب من يأكل لحم الخنزير سواء من القرأن او من الحديث !!
Amir Oudeh قصي نصيحتي إلك تعمل تيار يعمل على الترويج لعدم تطبيق الديمقراطية في سوريا لأنو المسلمون ما بتلبقلهم الديمقراطية وكمقترح شو رأيك بالشعار التالي (لا للديمقراطية من أجل العلمانية)
علي السلطان لما ذا الشركة الصانعة كانت دكتاتورية عندما حددت شروط تغيير الزيت ولما أنت لا تكون ليبراليا وتتمرد كأن تغير الزيت كل 100كم أو كل 1000000كم
Qussai Hassan فالواجب على من أكل لحم الخنزير أن يتوب إلى الله تعالى، ومن تاب تاب الله عليه.
Ahmad Al-Nuami و اذا ما تاب؟!
علي السلطان أجبني على سؤال السيارة
Qussai Hassan يعتبر عاصي و يعذبه الله بالدنيا و الآخرة .
Ahmad Al-Nuami من يعذبه بالدنيا؟
Qussai Hassan هلق يا علي هذا في الدول المتقدمة أما في الدول المتخلفة الزيت ما بيغيرو الا لحتى يفض ..
Amir Oudeh قصي إنت بتقبل تأكل لحم قرد؟؟
Qussai Hassan انا نباتي
Amir Oudeh طيب بلاش إنت
بتعرف حدا يأكل لحم القرود
Qussai Hassan بس باكل بيض و نبات
Qussai Hassan في كتير بياكلو اي شي
Ahmad Al-Nuami خذها قاعدة قصي الشارع لا يعاقب على فعل في الدنيا اذا لم يترتب عليه اذى للاخرين !!! و عندما يأكل المرء لحم خنزير لا يضر احد و بالتالي لله فقط ان يعاقبه او يصفح عنه
علي السلطان يعني بيرضو ابالقيود المفروضة من البشر ومابيرضوها من رب البشر ( ساء مايحكمون )
Qussai Hassan ما بدك يكون كل الناس بتآمن برب البشر...؟
Amir Oudeh قصي خلينا نتاقش بالديمقراطية
Amir Oudeh كيف أنت فهمان الديمقراطية؟
علي السلطان هذا حقهم ( من شاء فليؤمن ومن شاء فليكفر )
Qussai Hassan بالديمقراطية يا استاذ أمير هل يمكن أن أكذب انا العبد الفقير أية آية في القرآن ...؟
Amir Oudeh إنت فيك ... بس أكيد ما فيك تجبر غيرك يكذبها لأنو حضرتك مو مقتنع فيها
Qussai Hassan معناها يا علي في ناس من حقها ما تلتزم بتعاليم الله ...؟
Ahmad Al-Nuami بشرط عدم الحاق الاذى بالاخرين
Qussai Hassan و انت كمان يا أمير ما فيك تجبر حدا يقتنع فيها لانو حضرتك مصدقها
Jmaal Ali قصي من حقك ان ترمي نفسك من الجبل العالي لكن هالشي صحيح؟
Qussai Hassan و بالتالي حتى نكون ديمقراطيين ينبغي تحييد الاسلام و اقامة الدولة المدنية المحايدة للاديان.
Amir Oudeh شو هالديمقراطية هاي!!! طيب شو رأيك نقول خلينا نحيد الكفر ونقيم الدولة الدينية غير الكافرة
Qussai Hassan منحيد الدولة بين الكفر و الدين
علي السلطان طبعا من حقها ما تلتزم نتعاليم الله
Qussai Hassan الدولة لا كافرة و لا متدينة
Amir Oudeh قصي خلينا نطرح مثال ونتناقش فيه
Qussai Hassan تفضل
علي السلطان ما علاقة الدولة بالدين
Amir Oudeh إنت بتعتبر الجنس حرية فردية
Qussai Hassan أكيد
علي السلطان لأ
Amir Oudeh وأنا بعتبره محرم شرعاً

Qussai Hassan طيب
Amir Oudeh يعني صعبة علي وعليك نوضع تشريع يمشي معي ومعك؟
Ahmad Al-Nuami قصي هنا في المانيا الدولة ليست فقط محايدة بالنسبة للدين الاسلامي بل لا تعترف به اصلاً و رغم ذلك ينتشر كما تنتشر النار في الهشيم
Amir Oudeh شو قصي؟
Qussai Hassan طبعا" صعبة كتير لانو المسألة مو مرتبطة فيي و فيك فيمكن في ناس من جماعتك اهلك اختك امك بنت عمك الخ موقادرين يقولولك بصراحة انو هني ضد وجهة نظرك و نفس الشي بالنسبة لي .
Amir Oudeh قصي هادا موضوع آخر خلينا بنفس الموضوع وياريت تجاوبني وما تلف وتدور
Qussai Hassan يا حبيبي انا ما عملف و دور عمقلك صعبة لها لاسباب
4 hours ago • Like
Amir Oudeh طيب اترك الناس اللي متلي وجاوبني على فرض الناس متلك
Qussai Hassan لايمكن ابدا" ولا بأي شكل من الاشكال اني اقبل أي قانون بيحد من حريتي الشخصية
Amir Oudeh ممارسة الجنس في الشارع مثلاً حرية شخصية؟
Qussai Hassan انا بدي قانون يسمحلي اقعد على حيط الجامع لحتى ما قول بقلبو و اشرب خمر و ما حدا يقلي ممنوع فيك تجبلي قانون بيسمح بهالشي...؟
Qussai Hassan طبعا" طالما لا تؤذي الاخرين نفسيا" و جسديا" حرية شخصية .
Amir Oudeh طيب هالشي يؤذيني نفسياً وجسدياً وبيتعارض مع حريتي الشخصية
Qussai Hassan بتدير وشك و ما بتشوف
4 hours ago • Like
Amir Oudeh ماشي وافقناك ... طيب شو رأيك بتعدد الزوجات
Qussai Hassan حرية شخصية
Amir Oudeh وبالحجاب
Qussai Hassan علواه الواحد يتزوج مية أو الوحدة تتجوز مليون ما حدا الو علاقة .
Qussai Hassan الحجاب حرية شخصية
Qussai Hassan بس انت ما فيك تجبر بنتك أو امك أو اختك علبس الحجاب
علي السلطان يخيل إلي أنك تحاور نفسك ولا أدري أأنت قصي أم أمير أم ولا واحد منهما يعني إما إثنان في واحد أو إثنان في صفر .
Amir Oudeh طول بالك علي
علي السلطان صديقي العزيز هاي الحقيقة ههههههههههههههههههههه
Amir Oudeh الفكرة اللي بدي أوضحها أني بمعظم حواراتي مع العلمانيين عم أوصل دائماً لنفس النتيجة وهي أنهم ليس لديهم أي مشكلة في تطبيق الشريعة الإسلامية إلا في موضوعين (الخمر والنساء) وهذا إن دل فإنه يدل على عمق الغرائزية التي يتميز بها العلمانيون العرب
Qussai Hassan يا عيني انا سألتك السؤآل مرات شو هي الحريات الفردية المختلفين عليها غير هدول ..مثلا" انت ضد حرية العمل ...؟ انت ضد حرية التعليم ...انت ضد حرية السفر ... ؟
علي السلطان رائع جداً يلي مش عارف أنت مين لكن أنت رائع جدا جدا
3 hours ago • Like
Qussai Hassan قلي انا ضد حرية التعليم لاختلف انا وياك ...؟ قلي انت ضد حرية العمل لاختلف أنا وياك ....الخ
Amir Oudeh طيب قصي
Qussai Hassan قلي مثلا" انا بدي اجبرك تصلي و تصوم و تحج و تزطكي لاختلف انا وياك
Amir Oudeh فيك تقنعني أنو ممارسة الجنس في الشارع هي من طبيعة الإنسان؟
Qussai Hassan ما فيني اقنعك بس هي حرية شخصية .
Amir Oudeh من فترة كنت عم أقرأ عن قبائل العراة ... بتعرف أنهم ماكانو يمارسو الجنس علناً رغم أنهم عراة
Amir Oudeh قصي قبل أن تحكم بأنها حرية شخصية يجب أن تحكم على الفعل هو سليم أم غير سليم
3 hours ago • Like
Ahmad Al-Nuami في حمهورية المانيا الاتحادية الديمقراطية تعدد الزوجات ممنوع بالقانون و القانون هنا ساري على الالمان و غير الالمان القاطنين في المانيا رغم انه يتعارض مع حريتي الشخصية انا مثلاً اعتبر ان المانيا بلد ديمقراطي
Qussai Hassan انا هلق عمبقرا كتاب عن القبائل القديمة كلهم كانو يمارسوا الجنس يقوانين معينة و في منن يمارسوا الجنس علنا" و بشكل جماعي القضايا بتختلف و لا تنسى انو نحن العرب عنا أكتر من الف و اربعمائة عام و نحن نتكلم عن الحشمة واللباس و الجنس و الزنا و غيرو يعني هي لازم تترك اثرا حتى عالملحدين
Amir Oudeh أحمد بألمانيا العالم بتمارس الجنس بالشارع؟
Ahmad Al-Nuami لا طبعاً الجنس في الشارع ممنوع
Ahmad Al-Nuami التعري ممنوع ايضاً
Ahmad Al-Nuami بالقانون
Qussai Hassan ليس كل دولة ادعن الديمقراطية اصبحت ديمقراطية بدك تشوف الوانين و الدستور اذا كانو ديمقراطيين يعني ديمقراطية و الا فلا ..
3 hours ago • Like
Amir Oudeh أحمد كم نسبة الألمان الذين يطالبون بالإباحية؟
Qussai Hassan يكون عندك علم يا أمير أنا لا أطالب بالاباحية أنا اطالب بالحرية الشخصية و هناك فرق كبير
Ahmad Al-Nuami لا اعرف ماذا تقصد بالاباحية؟!! هل تقصد الجنس في الشارع؟
Amir Oudeh نعم
Ahmad Al-Nuami لا احد عاقل يطالب بالجنس في الشارع
Amir Oudeh وبالنسبة للخمر كيف أسعاره؟
Ahmad Al-Nuami عدم المؤاخذة اللي يطالب بالجنس بالشارع مثل اللي يطالب يقضى حاجته في الشارع !!!
Ahmad Al-Nuami يعني على العصفورية مباشرة !!
Ahmad Al-Nuami الخمر و الدخان عليهم ضرائب اكثر من بقية السلع
Qussai Hassan ليش يا أحمد البول بالشارع متل الجنس شو جاب لجاب

:Qussai Hassan الخمر خطأ أم الدخان فأنا مع فرض الضرائب لانه يؤذي الآخرين
:Ahmad Al-Nuami البول اشوى شويه
:Amir Oudeh قصي؛ أمريكا تنفق سنوياً 200 مليار دولار على معالجة الأمراض التي تنتج عن تناول الكحول
:Qussai Hassan لا بالطبع البول اسوأ بملايين المرات لان البول يؤذي الاخرين بينما الجنس لا يؤذي أحد
:Qussai Hassan شفت شي واحد تأذى لانو أنا شربت خمر ..؟
:Amir Oudeh شكلك ما بدخن!!!
:Qussai Hassan لا بدخن كل يوم 3 علب
:Ahmad Al-Nuami طبعاً في حوادث سير كثيرة يا قصي بسبب واحد بده يشرب خمر
:Qussai Hassan بس لما بروح على مول أو اي مكان ممنوع التدخين بلتزم
:Qussai Hassan لهيك انا مع تقييد شرب الخمر اذا كان الواحد عمبيسوق سيارة و انا بلتزم فيها
:Amir Oudeh طيب بس يصير معك (تشمع كبد) وماكان معك ملايين الليرات حتى تتعالج راح تتركك الدولة تموت؟
Qussai Hassan أولا" أنا مع الاعتدال في كل شيء (يعني أي شيء بيزيد عن حدو بينقلب لضدو ) فانت لما بتاكل ألف موزة مثلا" رح تموت حتما" فهل تقبل أن يستصدر قانون يمنع أكل الموز ...؟ مثلا"
Amir Oudeh يا أخي مو كل العالم راح تعتدل ... جاوبني عسؤالي بشكل مباشر
Qussai Hassan كمان بالموز مو كل العالم رح تعتدل...
Ahmad Al-Nuami ما رأيك بمنع المخدرات؟
Amir Oudeh يا قصي أنا طبيب وبوعدك بس نكتشف أمراض تنتج عن أكل الموز راح نطالب بوضع ضريبة عليه
Amir Oudeh ناطر جوابك
Ahmad Al-Nuami اليس تناول المخدرات حرية شخصية؟!!
Qussai Hassan الدولة مجبرة ترعاني صحيا" شو ما ساويت طالما أنها حرية شخصية
Qussai Hassan طبعا" أي شيء حرية شخصية
Amir Oudeh طيب والدولة منين بدها تجيب مصاري؟
Qussai Hassan خايف عالدولة يا أمير ..؟
Amir Oudeh قصي إذا انتشر شرب الكحول في سوريا متل ما هو منتشر بأمريكا وبالنسبة فوزارة الصحة السورية بحاجة إلى 16مليار دولار فقط لمعالجة الأمراض الناجمة عن تناول الكحول
Qussai Hassan الدولة مجبرة تأمنلي شغل و تأمنلي سكن و تأمنلي رعاية صحية و مجبرة تأمن حريتي الشخصية و لازم تدبر حالا
Ahmad Al-Nuami طيب صديقي قصي الذي يحدد الحريات الشخصية هو البرلمان لذلك ادعوك ان تشكل حزب يطالب بممارسة الجنس بالشوارع و حرية تناول المخدرات و ادعوا لكم بالتوفيق للحصول على اغلبية برلمانية لكي تضمنوا هذة الحريات الشخصية بالدستور القادم
Qussai Hassan انا سبق وقلت أنا لا أطالب بممارسة الجنس في الشارع أنا أطالب بالحريات الشخصية و فكرتك عن البرلمان كويسي
Amir Oudeh قصي إنت بدك تشرب خمر وإذا الخمر عملك مرض بدك تتعالج عحسابي أنا اللي ما بشرب خمر وين الحرية الشخصية؟؟؟
Qussai Hassan وليش عحسابك و انت بدك تاكل شوكلاته لحتى يصير معك جلطة و لعدين تتعالج عحسابي وين الحرية
Amir Oudeh أنا بشوف أنك إذا بدك تشرب الخمر إنت حر بس بأحد شرطين يا بتقبل تدفع ضريبة عالخمر لصالح وزارة الصحة يا بترضى أنك تتعالج عحسابك
Amir Oudeh قصي إنت عم تناقش طبيب فرجاءً بلاها هالطريقة
Qussai Hassan يا أخي شرب المي متل شرب الزيت متل شرب الكولا متل شرب الخمر و الدولة مسؤولة عني شو ما مارست من الحريات الشخصية
Amir Oudeh هل أنت معتبر حكيك علمي؟؟؟؟
Qussai Hassan طبعا" علمي و مع هادا ما دخل العلم بالموضوع أنا بدي اسألك السمنة عن شو ناتجة كونك طبيب .. ؟ هل ناتجة عن شرب الخمر ..؟
Amir Oudeh قصي كل الدول المتقدمة تكافح السمنة بكل ما أوتيت من قوة
وكل الدول المتحضرة تضع ضرائب إضافية على الخمر وعلى التدخين
Amir Oudeh أنا الشي اللي استنتجتو من حديثك أنك ما بتعتبر ألمانيا دولة ديمقراطية
Amir Oudeh ولا حتى أمريكا أو غيرها
Amir Oudeh يعني إنت بتقيم التطور من منظور (الخمر والنساء) فقط
Qussai Hassan طبعا" و لا فرنسا اللي بتمنع الحجاب
Amir Oudeh فرنسا لهلأ ما منعت الحجاب
Qussai Hassan منعت الطالبات من دخول الجامعات و المدارس بالحجاب
Qussai Hassan مظاهرات في انحاء العالم ضد قرار منع الحجاب في فرنسا - BBC News
Qussai Hassan يا أمير أنا تقيمي للدولة الديمقراطية يعتمد على مدى احترامها لكل الحريات الشخصية بما فيها بناء المساجد و الكنائس و الكنيس و حرية لبس الحجاب و حرية لبس البكيني و حرية شرب الماء و الكولا و الخمر و حرية العمل و التعليم و كل هدول.
Amir Oudeh أنت دائماً تخلط بين الديمقراطية وبين العلمانية وبين الليبرالية
Amir Oudeh الديمقراطية هي نظام حكم لدولة وليس قانون
Qussai Hassan يا حبيبي هادا مو خلط الديمقراطية بدون ليبرالية ما الها معنى و بدو علمانية كمان ما الها معنى و الا كنا قبلنا بدنوقراكية ايران.
Qussai Hassan دينوقرطية *
Amir Oudeh شوف كل شي يأتي بعد الديمقراطية وليس قبلها
Qussai Hassan و ين المشكلة
Qussai Hassan أكيد هي الامور ما رح تكون بدولة ديكتاتورية و لا بدولة دينوقراطية و لا بأي دولة الا الدولة المدنية العلمانية الديمقراطية .
Amir Oudeh شوف قصي ومن الآخر وخدها مني سوريا الديمقراطية لن تكون دولة علمانية

باسل عبارة السيد قصي : انت ربطت الديمقراطية بالحرية الشخصية و لكل منهما تعريف مختلف عن الآخر و كما يوجد في البلدان الديمقراطية دستور يناسب طبيعة الشعب و برلمان يقر و يشرع بالحوار و النقاش و تبني رأي الأغلبية بما لا يتعارض مع الدستور و كذلك الاسلام له دستور يناسب طبيعة المسلمين و له مجلس شورى
Qussai Hassan اذا ما كانت دولة علمانية محايدة بالنسبة للأديان فأنا سأظل أقاتها بالفكر و العلم و الثقافة عندك مانع شي
Amir Oudeh ما عندي أي مانع بس بدك تحترم القوانين مهما كانت
Qussai Hassan ولكن أنا لست مسلما" و لا أريد هذا الدستور .و مجلس الشورى هادا
باسل عبارة هذا حقك ان ترفض و انا احترم رأيك و لكن لست انت من سيقرر
Qussai Hassan لا طبعا" ما بحترم القوانين اللي بتتنافى مع كبت الحريات الشخصية .
باسل عبارة بتحترم القانون الفرنسي ؟؟
Qussai Hassan و متى رأيتني أقول أنني أنا من يقرر
Qussai Hassan أنا كضيف في أية دولة احترم قوانينها و لكن في وطني لا
Amir Oudeh يا سيدي السجن بانتظارك
Qussai Hassan و انا ما عندي مشكلة دفعنا الكثير و مستعدين أن ندفع الكثير
Qussai Hassan عندما أصبح فرنسيا" فلن أحترم القانون الفرنسي الذي يلزم زوجتي بعدم وضع الحجاب .
باسل عبارة من وجهة نظرك الشخصية و ليس من وجهة نظرك كضيف .. هل تحترم القانون الفرنسي
Qussai Hassan انا بصاحة غير مطلع على مجمل القوانين الفرنسية تقيمي لاي قانون ينطلق من مدى احترام هذا القانون للحريات الشخصية التي اسلفت ذكرها سابقا" بكل تفاصيلها.
Amir Oudeh قصي لا يحترم أي قانون موجود على الكرة الأرضية الآن
باسل عبارة تحياتي لك سيد قصي .. قد اختلف معك بوجهة نظرك حول رأيك عن ديمقراطية الاسلام و لكن أحترم رأيك و بالأخص موضوع الحريات
Qussai Hassan أعطني قانون يحترم كل الحريات الشخصية و انا احترمه ايا" كان
Amir Oudeh المشكلة أننا لم نتفق على معنى الحريات الشخصية ... يجب أن تقول يحترم حرياتي الشخصية
Qussai Hassan متل ما بدك حرياتي الشخصية
باسل عبارة دكتور أمير .. تحياتي لك .. هذه اول مرة اشارك في هذه الصفحة و انا لا اعرف احد منكم .. و لكنني اعتقد ان السيد قصي يتوق الى المدينة الفاضلة التي نتمنى جميعا ان نعيش فيها .. انا اتمناها اسلامية عادلة و هو يتمناها علمانية عادلة .. المهم ان نعيش فيها آمنين
Amir Oudeh تحياتي باسل
Qussai Hassan والله انا ما عندي مشكلة مع دولة اسلامية تقول لي انت حر أن تصوم أو تفطر كمسلم و ليس كمسيحي أو ملحد .... أنت حر بأن تصلي أو لا تصلي كمسلم و ليس.... كمسيحي أو يهودي أو ملحد ...ان كان يوجد مثل هذه الدولة في الاسلام فانا معها
Amir Oudeh هكذا هو الإسلام يا قصي ... لا أحد يجبرك على الصلاة أو الصيام
قصي سأخبرك قصة
في رمضان منذ عدة أعوام كانت أمي المسلمة المتدينة تقدم الطعام والماء والشاي لعمال كانو يعملون في بيتنا وكانت ترد على من يناقشها في ذلك (أنا لا يحق لي أن أحاسبهم على دينهم وبالتالي سأتعامل معهم بنفس الطريقة التي أتعامل بها معهم لو أنه ليس رمضان)
Naim Homsi نسيت هضم حقوق المرأة نصف المجتمع على الاقل!
Qussai Hassan هذه امك يا أمير و ليس زوجة العرعور مثلا" و ليس عندنا في الامارات أو في السعودية أو في ايران و ليس في مصر الحديثة .
Amir Oudeh قصي نحن نتحدث عن سوريا

Qussai Hassan ما نفس الشي ليش الاسلام السوري بيختلف عن الاسلام المصري ولا السعودي ولا الايراني ما كلن اسلام بس بتختلف درجة الشدة
Qussai Hassan يعني مثلا" لناخد حماة أنا قبل الثمانينات لم أكن أستطيع ان أذهب الى حماه في رمضان .
Qussai Hassan وانت كمسلم بحي الشاغور مثلا" بتسترجي لهلق تقول انا ما بصوم رمضان
Amir Oudeh Naim Homsi هل تعلم متى سمح للنساء في أمريكا أو في فرنسا بفتح حسابات مصرفية؟
وإذا كنت تتحدث عن الإرث فالإسلام أعطى المرأة حق الإرث في وقت ظلت المرأة في بلاد أخرى محرومة من هذا الحق قرون عديدة
الإسلام في المفاهيم التي طرحها عن حق المرأة حقق قفزة نوعية احتاج الآخرون قرون عديدة لمجاراته
Amir Oudeh والله ما سمعت أنو حدا قتل حدا بالشاغور لأنو فاطر!!!
Qussai Hassan بعدين مين عميحكي انو الاسلام من أكتر من 1400 سنة ما كان ثوري بالعكس كان ثوري جدا" و كان مناسب جدا" بس من 1400 سنة و غير كتير شغلات منها يختص بالمرأة و منها يختص بالعبيد (مع اني أنا ما بحب الاية اللي بتقول الحر بالحر و العبد بالعبد) بس ما فينا ننكر كتير من القضايا اللي كانت ثورية بزمانها .
Naim Homsi هذه مغالطة تاريخية! لنقارن حقوق المرأة في الشرع الاسلامي وفي الدول الاوربية اليوم ! وانت تعرف النتيجة!
Qussai Hassan لانو ما حدا بيقول انو فاطر ما بيسترجي
Amir Oudeh سيدي قبل أن نقارن عليك أن تذكر لي ما هي حقوق المرأة التي ينتقص منها الإسلام ونناقشها واحداً واحداً
Qussai Hassan والله يا أمير انو نفسك طويل كتير أنا كنت مفكر انو ما في اطول من نفسي ههههههه تحياتي
Amir Oudeh يعني دخلك اللي قاعد بالبيت شو بدو يساوي
Qussai Hassan ما عمبتداوم بالعيادة ولا ما عندك عيادة ..؟
Qussai Hassan طيب أنا بدي اقترح عليك اقتراح .
Amir Oudeh تفضل
Qussai Hassan انت طبيب بولية شو رأيك تنزلنا موضوع علمي عن الجنس و امراضوا و غيرو و نتناقش فيه.
Qussai Hassan معناها نحنا بانتظارك
Qussai Hassan بسإذا بتكون حاطط رأيك العلمي فيه بيكون أحسن طبعا" .
Qussai Hassan يعني من خلال التجارب مثلا" في ناس بتقول الممارسة الجنسية الشاذة بتسبب الايدز انت من خلال تجاربك شو رأيك ...؟
Naim Homsi اسف لضيق الوقت علي ان احضر لعملي, لكن اذكر بشيئ واحد فقد (من بين كثير) المرأة ترث نصف مايرث الرجل مع العلم بانها اكثر حاجة للمال من الرجل بحكم ضعفها في مجتمعاتنا ويحميها من ممارسة الدعارة او اي شيئ اخر.
Amir Oudeh بس للتصحيح المرأة ليس دائماً ترث نصف ما يرث الرجل
Amir Oudeh يعني الأم ترث مثل الأب
والأخ إذا ورث يرث مثل أخته وكذلك العمة والخالة
Amir Oudeh يعني الموضوع مو تحيز ضد المرأة
Qussai Hassan أمير كلامك صحيح بس أنا ضد الميراث بشكل عام أنا ضد التوريث كلوا الذي يرث المفترض أن يكون المجتمع و ليس اشخاص وهدا موضوع تاني ...
Amir Oudeh حتى إذا أراد الأب أن يعطي أولاده في حياته فالإسلام يوجب عليه أن يعطي الإناث بقدر ما يعطي الذكور
Naim Homsi اخ امير ليس لدي وقت للمناقشة لكن انت تتختار مايناسب الفكرة التي تدافع عنها وتتناسا با قي الحالات مثل الاولاد الذي هم اكثر حاجة لتأمين حياتهم من الكبار! الى اللقاء.

Amir Oudeh لك ما تريد

#قصي_ابراهيم_حسن (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات