يَمتا...

شيرين سباهي

الحوار المتمدن-العدد: 3898 - 2012 / 11 / 1 - 23:05
المحور: الادب والفن
    

..يمتىَ تفز من نومك وتصحا...

ويمتىَ جرحي بعينك اتلچحه ...

أطيب جرحي الأول منك وتفز عندي ٳجروح ....

أناديك ويرد أعلي الصوت بلا صدا مبحوح.....

أغمض عيني .....أعلى فرگاك

ويلچمني ...غَصب عني النوح

و...............

بغيض تتنادس أنت َ وياي ...

.وبمشرط الألم جرحي أتفتحه ...

وتلبسني ثوب الصبر ....عفيه أعليك أشلون عين وكحه ...

تدريني أموتن بيك .....وبسكوت اغافل روحي

اخاف عيني من الشوڰ تفضحه ...

وأخافن با چر يجيني الموت ..... و گلبي بعده ماضاك وياك الفرحه

ماتحتاج تفگا وياي گلبي طير بلا جنح ....

بنظره انت

من سابع سما اطيحه ...

ازعل ...اللهفة أعليك وترد عيوني بجساره... تصالحه

أشيلك من بالي ...ويرجعك الوله لروحي ....ولغدرك يمسحه

أدري بيك ماتعرف الوفى ....وأدري الطعن طبع بيك


أشلون ينبت الجوري ..بأرض مالحة ....

ميت أنت من سنين ....بروحي

شجاني ودكيت مسمار العشك بحيطان طايحة

غلطة أنت .....واليوم اريد أنساك
و....
يكفيني .....الذكريات اماسيه ومصابحه

#شيرين_سباهي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات