ليه انا يساري ومش ليبرالي ومش اسلامي؟؟

علاء الشرقاوي

الحوار المتمدن-العدد: 3372 - 2011 / 5 / 21 - 01:15
المحور: ابحاث يسارية واشتراكية وشيوعية
    

سؤال مهم ليه انا اخترت اليسار عن الفكر الاسلامي او الليبرالي. وانا والحمدلله متمسك بكوني مسلم رغم اني يساري ماركسي .
انا شايف ان الدولة لازم تبقى دولة مدنية مش على اساس ديني ولا يبقى في شروط دينية في كل حاجة وكمان الفكر الاسلامي هو فكر رأس مالي حيث ان الفكر الاسلامي يعطي الفرصة لخروج بدل احمد عز واحد لا مليون احمد عز لان الملكية الخاصة موجودة وانا قلت قبل كدة في تدوينة سابقة .

طيب دلوقتي الافكار اليسارية هي الوحيدة التي سوف تجعل كل شئ ملك للجميع حيث ان المصانع والشركات ملكاً لنا جميعاً ولنا جميعاً الحق فيها وكمان الاراضي الزراعية هتبقى ملك للفلاحيين اللي بيزرعوها يعني هنحس اننا الملاك فعلاً فهتبقى انت لما بتشتغل في شركة او في مصنع هتحس بان ده ملك ليك انت مش لحد تاني وان الخسارة او المكسب جايين ليك انت كمان الاراضي الزراعية لما تبقى ملك للفلاح اللي بيزرعها يبقى الفلاح هيحس وهو بيزرع انه بيزرع ارضه هو مش ارض البيه او الباشا وانت شغال عنده لا ديه ارضك وده مصنعك وديه شركتك وديه بلدك انت المستفيد منها مش حد تاني .
انما الفكر الليبرالي بيدعي الحرية .
اي حرية بيتكلموا عنها؟؟؟
الحرية الليبرالية هي حرية مقيدة لحريات الاخريين فهي تعطيك الحق في ان تمتلك ما تشاء من شركة ومصنع وارض زراعية وجريدة ومحطة اذاعية ..الخ .
لكن كل ده بيعطي الحق في ان تقيد حريات الاخريين بحيث انك هتكون صاحب العمل وانت اللي بتقول تعطي كام راتب كل واحد على حسب مزاجك وبدون اي عدل لان ده ملك ليك انت بقى وانت حر فيه .
وبرضوا الفكر الاسلامي ما انت برضه هتبقى صاحب العمل والمتحكم فيه وعلى حسب مزاجك ففي كل الفكريين مصلحة الفرد واخدة مكانها جامد جداً ومصلحة الجماعة النظر اليها مش بشكل كبير لكن في اليسار العكس ففي اليسار النظر لمصلحة الجماعة اولاً وقبل كل شئ فمصلحة الفرد لا يتم النظر اليها كما يتم النظر لمصلحة الجماعة فمصلحة الجماعة اولاً . وده على فكرة واضح في تاريخ اهم الشخصيات اليسارية وفي فكرنا ايضاً .
انا ببقى شايف ان الماركسية ترفع درجة انسانية فالماركسي يبقى شايف ان الناس اللي حوله اولاً قبل هو وقبل اي حد تاني فهو بيناضل ويكافح وعلى استعداد انه يموت من اجل الكادحيين مش بينظر لنفسه قدر ما بينظر للكادحيين ويناضل من اجلهم. من اجل ان يعيشوا بكرامة وحرية ويكون رواتبهم كويسة بيناضل من اجل العدل والحرية مهما كلفه الامر من جهد وتعب لكنه مؤمن بهذه القضية ومن اجلها بيعيش وعلى استعداد انه من اجلها يعمل اي شئ.
وشكراً
علاء الشرقاوي

#علاء_الشرقاوي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات