مصطفى حقي
الحوار المتمدن-العدد: 3100 - 2010 / 8 / 20 - 05:14
المحور:
اخر الاخبار, المقالات والبيانات
منظمة اليونيسكو تقرر ان اللغة العربية هي في عداد اللغات المهددة بالانقراض ، وهذا ما أورده السيد هشام في مطلع المنشور في الحوار : في تقريرها العام دقت اليونيسكو ناقوس الخطر في ما يخص اللغات البشرية المهددة بالانقراض من الآن وحتى نهاية القرن الحالي. والشيء المهين الذي لا يكاد يصدق هو أن لغتنا العربية هي إحداها! التقرير يقول بأنه توجد في العالم حاليا 6700 لغة حية نصفها مهدد بالموت إذا لم تتخذ الحكومات المعنية وجماعات الناطقين بهذه اللغات الإجراءات المناسبة لدعمها وحمايتها ومنذ أيام تناتف المحاورون عبر الاتجاه المعاكس حول الموضوع ذاته وقبلها بأيام أثار الكاتب نضال نعيسة زوبعة بل إعصار عبر مقالين المنشورين في الحوار بتاريخي 4و6-8-010بعنوان لماذا يعجز العربي والمسلم عن اتقان لغته مفتتحاً مقاله الأول : ما هو سر ضعف العرب بلغتهم وعدم إتقانهم لها وعزوفهم عن التحدث بها رغم أنها لغة أهل الجنة كما ينبؤنا فقهاء السلاطين المبشرين بالجنة؟ ولماذا لغة أهل الجنة، كما يقال، ليست اللغة الأولى المتداولة والمحكية عالمياً، بل لغة الكفار واليهود والنصارى والعياذ بالله؟ ولماذا المسلم غير العربي لا يستطيع إتقان لغة القرآن، وتراه بعجم في قراءتها فيما تراه يتحدث الإنكليزية بطلاقة كما هو الحال بالنسبة للهنود والباكستانيين وغيرهم بحيث أصبحت اللغة الإنكليزية لغة رسمية هناك، فيما لا يستطيع المسلم هناك قراءة الفاتحة باللغة العربية ...( ويضيف) وتكاد تكون اللغة الوحيدة في العالم التي لا يتقنها أبناؤها ولا يمكنهم من التحدث بها فيما بينهم نظراً لتعقيد وتصحر العقل والبيئة التي أنتجها، حيث تسود اللهجات العامية التي تطغى عليها اللكنات المحلية التي كانت سائدة قبل الغزو البدوي الاستيطاني لحضارات الجوار، وفي سوريا مثلاً هناك عشرات اللهجات المحلية المتداولة.... وبالنظر لتاريخ اللغة العربية في منطقة الشرق الأوسط فهي لغة مستحدثة وغير أصيلة وليست نابعة من ثقافة السكان الأصليين وتفكيرهم وربما هذا هو السبب في العجز الكلي عن إتقانها حتى من قبل بعض كبار مسؤولي الدول التي تسمى بعربية.... فالاكتشافات التاريخية الموثقة كاكتشاف حجر الرشيد الذي كتب باللغة الهيروغليفية، والرقم المسمارية التي اكتشفت في سوريا، وعشرات الرقم الأخرى باللغة السنسكريتية تدلل بما لا يدع مجالاً للشك بأن اللغة العربية لم تكن لغة سكان المنطقة. ولن نتحدث عن لغة سكان سوريا الأصليين وهي الآرامية والسريانية التي لا زالت محكية في منطقة معلولا السورية ........وقد وجدت صعوبة فائقة في متابعة مسلسل تونسي، وآخر مغربي، ناهيك عن عدم قدرتي التامة على فهم ما يقوله بعض السودانيين-العرب- أو المستعربين في الجزائر وموريتانيا، ولن نتحدث عن الصومال، وجزر القمر وجيبوتي-العربية- طبعاً، فهناك أنت بحاجة لمترجم من اللغة العربية إلى اللغة العربية،(انتهى) وصدف أن اطلعت على رأي الدكتور محمد حبش بعنوان
محمد حبش : تناول مشروبات وأطعمة تحتوي الكحول مباح في حال لم يؤد كثيره إلى السكر والمنشور في سيريا نيوز ويتضمن : أكد رئيس مركز الدراسات الإسلامية الدكتور محمد حبش لسيريانيوز ما نقلته وسائل إعلامية عنه بان تناول شراب الشعير المحتوي على كحول غير محرم طالما انه لا يسكر... "القاعدة العامة في الدين تقول أن أي شراب أسكر كثيره فقليله حرام، فالإسكار هو ما يوجب التحريم وليس الكحول.. "بلغني وجود عبوات شراب الشعير الخالية من الكحول في الأسواق ويعتبر هذا الشراب جائز وليس محرم، إلا أن العبوات التي تحوي كحولاً بنسبة 10% مثلاً فهي محرمة لتسببها بالسكر"، مشيراً إلى أن "هذا القول يطبق على شراب العنب والتفاح والعصائر الأخرى وليس فقط على شراب الشعير"....و نوه الدكتور حبش إلى أن "هذا التوضيح ضروري لرفع الحرج عما يشاع بين الناس من حين لآخر عن وجود نسب من الكحول في بعض أنواع الأطعمة كالجبنة والمعلبات والشوكولا، فوجود نسب قليلة من الكحول في هذه الأطعمة لا يجعل منها محرمة، فتناول كميات كبيرة من الشوكولا أو الجبنة لا يؤدي بالإنسان إلى السكر".
وكان الداعية المصري الأصل يوسف القرضاوي قال العام الماضي بأنه ليس هناك مانع من تناول المشروبات التي تحتوي نسباً ضئيلة من الكحول التي تتشكل طبيعياً بفعل التخمر.(انتهى) ومن بين المعلقين أخترت الثلث منهم وهم يعلقون على المقال المذكور باللغة العربية ولكن بالعامية وهم عرب أقحاح وهذا هو الحال في معظم التعليق على مقالات سيريا نيوز لينبين للجميع ان هناك تراجعاً مخيفاً تشاؤمياً لمستقبل هذه اللغة وان منظمة اليونيسكو محقة في تقريرها ، ولنبدأ بالتعليقات وباللغةالعربية ؟
2010-08-19 09:57:34 انسان مثقف
بدا شوية فهم
شو نحن بدنا نضل نمشي ورا التفاصيل الصغيرة التافهة ونترك الأهم!! كلام الشيخ صحيح 100% والناس بيعقدوها اكتر وبتصور هاد ناجم عن التخلف الاجتماعي والمستوى المعيشي المتدني لانو هيك افكار متعصبة ما بتجي من انسان مثقف !
Daydream
من دون تعقيد
يا جماعة الخير... اللي اقتنع بالفتوى يمشي فيها و اللي ما اقتنع يشيل عن حالو هم الافتاء و ما يمشي على الفتوى. لا في داعي تتخابصوا و لا تتصايحوا و تفضحونا بين الاجانب.
suzan
لا أعلم
أنا ما رح إبدي رأيي ولا رح قول صح وغلط لأني ببساطة ما تعودت ابدي رأي بموضوع أنا مالي ملمة فيه وأفضل أن أستمع لأهل العلم والخبرة ثم أتوكل على الله واستفتي قلبي (الحلال بين والحرام بين وبينهما أمور متشابهات فمن ابتعد عنها فقد استبرأ لدينه) وعلى فرض أن كلام الدكتور حبش صحيح فيجب ان يطرح الموضوع بصورة أخرى فهناك الكثير من ضعاف الفهم والدين سيفسرون الفتوى وفق أهوائهم ورغباتهم ولذلك من المفروض الأخذ بعين الاعتبار هذه الفئة من الناس قبل إصدار أي فتوى ...
واحد من الناس
أرجو الانتباه والقراءة
أول شي كل المسلمين ورجال الدين في سوريا بيعترفو بفقه وعلم د.محمد حبش ويلي هاجمو ويلي حكو ويلي عملو حالون فقهاء بالدين ويلي عم يحاسب الناس إنو صارت هلأ بتفهم بالدين وهوي نفسه لا يفقه شيء ويلي عم يطلب من العالم تسكت... أنا شب بعرف الدين متل ما نزل بالقرآن الكريم بسم الله الرحمن الرحيم وَمِن ثَمَرَاتِ النَّخِيلِ وَالأَعْنَابِ تَتَّخِذُونَ مِنْهُ سَكَرًا وَرِزْقًا حَسَنًا إِنَّ فِي ذَلِكَ لآيَةً لِّقَوْمٍ يَعْقِلُونَ صدق الله العظيم هي الآية 67 من سورة النحل بدي من الفقهاء يلي حكو يشرحو هالآية
سوري غيور
الدين
يا جماعة الدين ما هو شغلة اللي مالو شغلة و خاصة الدين الإسلامي العظيم. إن عظمة الدين الإسلامي إنه واضح وضوح الشمس و ليس بحاجة لأشخاص يفتون و يدعون أنهم أفهم من غيرهم كالذي يدعو بإطالة اللحية و حلق أو حف الشارب. دين الإسلام دين يسر و ليس عسر. أوقفو المهاترات و كفاكم الإصغاء لقناة إقرأ و غيرها فكم من ملتزم يسرق مال اليتامى و يواظب على الصلاة و الصوم
إم يوسف
توضيح و ليس فتوى
حكي الشيخ مزبوط
System Is Down
قليل منه ينعش قلبي ...
يعني شوي تانية رح تعملوا خمارات و بارات اسلامية , على مبدأ البنوك الاسلامية , و زواج المصاحبة , خلصونا ياه , حاج نطمر راسنا بالتراب لانو نحنا ما عم نضحك غير على حالنا . ما البنك بنك و البيرة بيرة و نص الالف خمسمية و كل خطان متوازيان على استقامة واحدة لا يلتقينان . في شي الناس عاجلا ام اجل لازم تتقبلو , الحرية الشخصية , يلي بدو يشرب جلاب و عرق سوس هو حر و يلي بدو يشرب وسكي و فودكا كمان حر , و الكحول بكميات قليلة بتفيد كتير و بكميات كبيرة بتضر كتير , متل الحليب ,حاج تحللو و تحرمو
ام يوسف
يا ريت تقروا المقال منيح
مزبوط هالحكي و هاي مو فتوى ازا العالم مفكرين هيك هاي بس توضيحا لللغط يلي صاير متل لما شيخ ئال عمل تحليل مخبري للبربيكان و طلع فيها واحد بالالف نسبة كحول فئامت الدنيا .. فعلى هيك معناتو لا حدا ياكل خبز لانو العجين ليختمر بدو يصير فيه نسبة كحول و لا يشربو لبن لانو كمان ناتج عن عملية تخمير فالشيخ هون عم يحكي صح مو عم يفتي مشان ما حدا يفهم غلط
يااااااااا لطيف
والله شي بيضحك
يا ترا 9 لتر من المياه بيسكر ولا لأ بس سؤال ممكن شي حدا يفتيها النا
أبو العبد الأسلي
للخواريف
مرحبا أنا بحب المشاريب كتير ... البرتقال ... والليمون ... والمنجا ... الفريز ... الخ وبشرب كميات كبيرة منها وخاصة لما كون قاعد قدام شاشة الكومبيوتر بس اللي ما حبيتو ولا رح حبو إن شاء الله هو شراب الشعير ... فهو يذكرني بمنظر الخروف وهو عم ياكل شعير وبيكون طالع شوية ريالة + عصير على جنب فمه الجميل أساساً من هون طلعت فكرة شراب الشعير ولا تستبعدو تكون هيك بتتصنع ... شوية شعير مع خاروف وريالتو لهيك للي بيحب يرد على الدكتور حبش فهنيئاً له هالمشروب الشهي
خالد الأحمد
يا امة ضحكت من جهلها الامم
والله لو كان محمد ابن عبدالله صلاة الله عليه بيعرف انو هيك رح تكون امته لكان اعتذر عن الدعوة....... والله انو عالم سكران بكندا عم يعمل لقاح لشلل الاطفال احب عند الله من المليار والثلاثمائة مليون مسلم مجتمعين ومنفردين ويلي ما افادوا البشرية بابرة خياطة
ضيف
حتى الحليب بيصير لبن نتيجة التخمّر
حتى الحليب بيصير لبن نتيجة التخمّر ما بعرف شو الفرق بين تخمر العنب ليصير خمر و تخمر الحليب ليصير لبن بس تنيناتون تخمر بدون ضو الشمس بيصير نتيجة بكتيريا طبيعية. تركو عصير بردقان بالبراد فترة بيتخمّر لحالو
أبو حميد
رجااااااااء خاص
كرمال الله ياجماعةالخير..حلو عن الدين شوي...لك كل واحد مابينتمي للاسلام غير بالاسم...وجايه ينتقد وياكل هوا ويحكي عالدين...في علماء عم يشتغلو ليل مع نهار لخدمة الدين...ريحولي ضيركون شوي معلش...لعمى بتلائي واحد مابيعرف الفرء بين شروط الصلاة وأركان الصلاة وجايه يحكي بالحرام والحلال...ليش لما بيمرض الواحد بيركد لعند طبيب مختص..ولما بيصير الحكي بالدين...كلو بيصير بيفهم....شو هالمفارقة التافهة؟؟الواضح من التعليقات انو 95 بالمية من المعلقين مو فهمانين ولا كلمة من الدين...كلو شاطر بالعلاك
2010-08-18 11:25:18 بيغار على دينو
تناقض في الكلام
مع احترامي الك يامحمد حبش انت عم تناقض حالك انت قلت انوالإسكار هو ما يوجب التحريم وليس الكحول وارجعت قلت انو نسبة 10% من الكحول تسكر معناها الكحول مسكر كثرتهه فعل اي اساس تبنى فتواك الشغلة باينة كل شي كثرته تسكر فقليله حرااااااااااااااااااام انتبهو ياجماعة ببوس ايدكم بعدين في حديث عن رسول الله صلى الله عليه وسلم حرم الله شراب الجعة والجعة يعني الشعير هاد الحكي مو من جيبتنا اصحو يامسلمين
مشتاق للوطن
تركتوا كل شي
هلأ العالم تركوا كل العصائر والمشروبات الطبيعية والغازية ولحقوا شراب الشعير؟؟........بغض النظر عن رأي الدين فيه والشرع وهو أمر يجب الأخذ به........بس طالما الموضوع فيه شبهة....فتركه أولى.............مارح ينقص عمرنا إذا ماشربنا شراب البطيخ
Sam
الشغلة حرية شخصية
كل واحد يعمل يللي براسو , الفقيه أعطى رأي و بالنهاية الانسان عندو عقل يفكر, يللي بدو يسكر يروح يسكر و يللي بدو يشرب على الخفيف يشرب و يللي ما بدو لا يشرب ما حدا جبرو يعني أنا ماني شايف أية غلط بهيك فتوى , الدكتور محمد حبش فكر و رأى أنو المشروبات يللي نسبة الكحول خفيفة مو حرام هدا رأيو و أنا بحترمو 100% , و الشرب بيضل شغلة شخصية بالنهاية, يعني كل واحد هوة و نفسو , لسه كل واحد بيحكي بيعمل قاضي على الناس .......
رجا
الحرية
ما ضروري كل مين شرب يشرب لحتى يسكر!كل شي ضمن المعقول.ياجماعة خلي كل واحد يتصرف على راحته!!يللي بدو يشرب يشرب ويللي بيعتبره حرام كمان حر.ماحدا جابر حدا على شي كل مين بيعمل بمعتقداته.خلينا عايشين بحرية!!أنا بحترم هالطريقة من التعايش!بدون ماحدا يجبر حدا على شي.
رجا
الحرية
ما ضروري كل مين شرب يشرب لحتى يسكر!كل شي ضمن المعقول.ياجماعة خلي كل واحد يتصرف على راحته!!يللي بدو يشرب يشرب ويللي بيعتبره حرام كمان حر.ماحدا جابر حدا على شي كل مين بيعمل بمعتقداته.خلينا عايشين بحرية!!أنا بحترم هالطريقة من التعايش!بدون ماحدا يجبر حدا على شي.
انسان
طولو بالكن
ياجماعة طولو بالكن وفهمو المقصد الرجال بيقصد الماكولات والمشروبات الي فيها كحول ناتج عن التخمر الطبيعي بنسب قليله جدا متل المخلل وعصير البرتقال وكلشي تقريبا وكمان شراب الشعير المسمى بيره بدون كحول
نجم
الله يرفع عنا البلاء
والله هدول العالم اللي عم يشتوا علينا فتاوي اشكال الوان .. شي بحرم النقاب و شي بئول الحجاب مو فرض و هلأ عم يئول عالشراب اللي فيه كحول انو مو حرام .. هدول بلاء عالامة الاسلامية .. الله يجيرنا من شي اعظم .. عن جد اتقوا الله
مراقب
اي وشو يعني
لما قرئت الاعلان فكرت انه الدكتور حبش حلل الخمر , لك شبكن ياسيريانيوز صايرين عم تفبركوا العناوين الرنانة متل مجلات الارصفة , يعني مافي شي جديد بهي المقالة و كلام استاذناالدكتور حبش معروف و لا يختلف عليه اثنان , لانه معظم الاطعمة تحتوي بشكل طبيعي على الكحول و لكن بنسبة طفيفة جدا نتيجة تخمر او خلافه , احب ان احيي استاذنا العظيم محمد حبش و الذي رائد مدرسة الوسطية و احكام العقل و المنطق , و هو مدرسة فقهية عظيمة و قد حاز على احترام القاصي و الداني . انا شخصيا احبه .
أبو يوسف
كلام سليم
هادا الحكي مزبوط تبعا للقاعدة الشرعية.... الرجاء من الأخوة اللي عم يعلقوا يقروا الحكي مزبوط قبل ما يعلقوا هي مو فتوى... هاد حكي استنتاجيا لازم كل واحد يعرفه
مجد القباني
نظرية د.محمد حبش صحيحة
انا من سنين و بئول هالشي بس بيني و بين رفئاتي المقربين لأنو خفت حدا يضحك عليي او يعملي مشكلة. التحريم هو على السكر و ليش الكحلول. هلأ ممكن حدا يئول انو في مغالطة بالموضوع لأنو السكر مرتبط بالكحول و لكن الكحول يسكر بكثرته . يعني اذا جبت انا نقطة نبيذ او بيرة كحولية في فمي فهل يعني اني جنب و لا استطيع الصلاة او الصوم لمدة 40 يوم؟
وختامها مسك وإمساك عن الضحك والحزن في آن واحد ( وبئول ) ( ورفئاتي) (وهلأ)( والحكي مزبوط)( لك شبكن)( بتلائي واحد مابيعرف الفرء) والكثير الكثير من العامية العربية ، دكتور هشام ما باليد من حيلة ومع الأسف هذا هو الواقع ولكن الليالي حبالى يلدن كل عجيبة
#مصطفى_حقي (هاشتاغ)
كيف تدعم-ين الحوار المتمدن واليسار والعلمانية
على الانترنت؟
|
ارسل هذا الموضوع الى صديق
|
حفظ - ورد
|
بحث
|
إضافة إلى المفضلة
|
للاتصال بالكاتب-ة
اليوتيوب
لينكدإن
تيلكرام
تمبلر
بلوكر
الموبايل
