أمن الدولة تهدد مدون صعيدى بالإعتقال

فتحى فريد

الحوار المتمدن-العدد: 2573 - 2009 / 3 / 2 - 08:24
المحور: حقوق الانسان
    

أمن الدولة تهدد مدون صعيدى لأنه يفضحهم داخل الحرم الجامعى بجامعة أسيوط
شاب مصرى أبسط من البساطه.
شاب مصرى لم يرتضى الصمت والهوان وثار على الظلم والطغيان
شاب مصر قرر يرفض الظلم عمل مدونة وسماها مدونة إبن رع
طالب زى كل الطلاب من حقه يعبر عن رأيه فى الجامعه أمال يعبر عن رأيه أمتا ؟ وفين ؟
شاب رفض الظلم والظلامات رفض التعذيب رفض الفقر التى فيه بلادنا رفض أن يكون سائراً فى القطيع
رفض الإنحناء رفض الركوع رفض الخنوع الأن أقولها له أنت اليوم تولد من جيد
حين تهز عروشهم وتزلزل سلطانهم فيصبحوا عراه أمام الجميع
لا تخف فإن سجنوك ستصير بطلاً وإن تركوك لسوف تموت شريفاً فهنيئاً لك بالحسنيين يا فتى.
وهذا ما كتبه : نبيل سند حول تهديدات الأمن له وإلى أى حد وصلت معه سفاله هؤلاء الزبانيه
النهاردة الصبح ، راح واحد من حرس جامعة أسيوط لوالدى فى مقر عملة ... والدى بيشتغل مدير لأحد البنوك الحكومية ... بس مراحلهوش علشان يخلص معاملة بنكية تخصة ... راحلة مخصوص علشانى ... حركة وسخة جديدة من أمن دولة أسيوط ، و أية الجديد ؟فى الأول ، لعب دور الخباص ، و حكالة عن اللى حصل فى الجامعة يوم الخميس اللى فات ، و قالة أنى كنت بوزع منشورات جوا الجامعة ، و أنهم مسكونى و أخدوا كارنيهى ... و بعد كدة ، هددة و قالة أنهم مش هيدونى كارنيهى تانى ، مع مجموعة من التهديدات التقليدية اللى حافظينهم و بيقولوهم فى كل مرة ، مع أخبار معرفش صحتها بتقول أنى مش هنجح الترم دة فى أى مادةالمهم ، أنا زى ما كل الناس عارفة ، قاطع العلاقات مع أسرتى و مش بكلمهم ، فمعرفتش تفاصيل أكتر من كدة ... حاولت أعرف أسم الكلب اللى عمل الحركة دى ، لكن معرفتش ، بس هيروح منى فين ؟ مصيرى هعرفةوالدى برضة لية دوافعة فى أنة يغطى عليهم ... الله يرحم أيامة ، أيام ما كان بيحلف عليا و يقول عنى : " أبقى مرة و أبن مرة ، أن مسلمتهوش لأمن الدولة " ... دى جملة للتاريخ بسطبعا حركة عادية و متوقعة ، و مش أول مرة يعملوها معايا ... حصلت قبل كدة كذا مرة ، بس يمكن دى أول مرة تبقى زيارة رسمية لحد من قرايبى فى محل عملة ، لمجرد التهديدو بما أنى مش برد على تليفونات قمل الدولة ، و معنديش أستعداد يبقى فية حوار بينى و بينهم ، فأنا هرد عليهم هناأولا : أنا منفصل عن أسرتى ، و أبويا مش بيدينى و لو حتى قرش صاغ ، و بالتالى محدش لية حكم عليا .... يعنى الضغط علية مش هيجيب فايدة ، أعلى ما فى خيلكم أركبوة .... الراجل مش عارف يحكم على أنى أبص فى خلقتة ، تفتكروا هايحكم عليا أنى أبطل سياسة ؟الحاجة الوحيدة اللى ممكن تكسبوها من الضغط على والدى ، أنكم تجبروة أنة يشوف حجم جرايمكم و جرايمة ... لحد ما ييجى يوم يفوق ، و ينقلب عليكمثانيا : أذا كان توزيع المنشورات فى الجامعة بيضايقكم للدرجادى ، فكتر خيركم أنكم بتلفتوا نظرى ... أنا تحت أمركم .... السنادى هقضيها كلها توزيع ورق فى الجامعة ، و برضة أعلى ما فى خيركم أركبوةثالثا : أوعوا تفتكروا أنى فى يوم هبطل سياسة ... نجوم السما أقربلكمفى بداية 2006 ، لما أبتديت أمارس سياسة فعليا ، مكنتش عايز من السياسة أكتر من أنها تكون هواية بعد الضهر أستغل فيها وقت فراغى ... لكن التلاعب المستمر فى نتيجتى ، و اللى خلانى متخرجش لحد دلوقتى رغم انى كان المفروض اتخرج من سنتين ، خلانى أنسى التلت أربع معلومات اللى أتعلمتهم فى سنين الكلية ، و بالتالى بقى أحسنلى أنى أحترف سياسةأنا مدين لغباء و جبروت الأمن بكل حاجة سياسية أنا فيها دلوقتى ... لولاهم كان زمانى مندوب أدوية بلف على الدكاترة و محدش يعرف عنى حاجة ، أو كنت فتحت عيادة بيطرية بقضى يومى فى توليد البقر و خياطة جروح الحميرخلاص ، أنا أحترفت السياسة ... السياسة بقيت شغلتى و أكل عيشى ، و مليش غيرها ... لو سبتها ، هموت من الجوع ... تفتكروا أنا كدة ينفع أسيب السياسة ؟يمكن من طول فترة وجودى فى الكلية ، أتعلمت حاجات كتيرة من الحيوانات ... و يهمكم دلوقتى أنكم تعرفوا أنى أتعلمت من الجمل أنة مابينساش .... الجمل بياخد طارة و لو بعد عشرين سنة ، و دة وقت كبير بالمقارنة بفترة حياة الجمل اللى هى تقريبا مابيتزيدش عن العشرين سنة ... ملحوظة علمية محدش عرف يلاقيلها تفسير لحد دلوقتى ، أنك لو أذيت جمل حتى لو كان صغير ، و الجمل مشافكش لسنين طويلة ، فأول ميشوفك هيكون لسة فاكرك و ينتقم منكماتخافوش ، أنا بعرفكم واحد واحد ، و فاكركم بالأسم ... و المعارضة مصيرها فى يوم تحكم ... و أوعدكم فى يوم بالأنتقام ، و بمحاكمات عادلة ... نفذوا تعليماتكم يا عبيد العادلى ، و أطمئنوا ، دوام الحال من المحال
تحذير : فى المعتقل الأن كل من كريم عامر ، مسعد أبو فجر ، هانى عزيز نظير ، محمد عادل الشهير ب(العميد ميت ) فلن نتركهم كثيراً فى غيابه السجن ولن نسمح بالمزيد
رسالة إلى ولى النعم : كفاك إزلالً لشبابنا كفاك قهراً لنا كفاك ما تفعله بنا الأيام فى عهدك المصون كفاك ظلماً لنا كفاك ألم تبتأس بما يفعل بالقوم الظالمين.
أليس لك عينان ترى بهما حال البلاد والعباد.
، وفى الختام أقولها لم يهمه الأمر : للمدونين أنياب جعلت من دراكولا مصاص للدماء.

#فتحى_فريد (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات