مين اللى قال ان حزب التنمية و العدالة أسلامى ؟

مايكل نبيل سند

الحوار المتمدن-العدد: 2546 - 2009 / 2 / 3 - 08:15
المحور: مواضيع وابحاث سياسية
    

للأسف ، أحنا فى منطقة أدمن سياسيها الكذب ، و أدمن شعوبها تعاطى الوهم ... دة التوصيف اللى مش لاقى أدق منة فى وصف التعاطى مع حزب التنمية و العدالة التركى ... و الأعلام العربى كلة تقريبا ( و حتى الأعلام الأجنبى الصادر بالعربية زى ال BBC ) بيروجوا أوهام عن حزب التنمية و العدالة مفيش بينها و بين الواقع أى صلة ... فى البداية كذبوا و قالوا أنة حزب أسلامى عايز يستعيد الخلافة الأسلامية ، و سكتنا .... بعد كدة زودوها و قالوا أنة لابس زى عالمانى علشان ينجو من أضطهاد العالمانيين الأتراك ، و برضة سكتنا ... زودوا جرعة الحشيش أكتر ، و قالوا أنهم فرع الأخوان المسلمين فى تركيا ، و كتمنا الغيظ فى قلوبنا و سكتنا ... راحوا سايقين فيها و قايلين أن الأسلاميين بيحكموا 3 دول فى العالم : تركيا و ماليزيا و غزة .... كدة الموضوع زاد عن حدة ، و حجم الدجل و خداع الناس زاد عن حجمة ، و مابقاش ينفع نسكت على النصب العلنى دة و عدم أحترام عقولنا و كأننا داقين عصافير على قفانا ولا عمرنا ما مسكنا كتاب ولا قعدنا على نت
أغلس أغلس أغلس حاجة ، أنك تقابل شخص معلوماتة لا تزيد عن معلومات خالتى صفية فى اللغة الصينية ، و يقسم بأغلظ الأيمان على دقة معلوماتة ... المصيبة أنة بيتكلم فى حاجة مابيفهمش فيها ، ولا جابها من كتاب محترم ، و لا بحث على النت علشان يتأكد من صحتها ، ولا اى حاجة .... مصدر معلوماتة الوحيد : قالولى ... أذنة مزبلة تتلقى الخراء الفكرى ، فيصدقة و ينثرة حينما يذهب

تانى يا حلوين ، حزب التنمية و العدالة التركى حزب عالمانى ، و ماهواش أسلامى ، و ماهواش فرع للأخوان المسلمين ، و ماهواش بيطبق ولا هيطبق الشريعة الأسلامية ولا هيعمل خلافة أسلامية .... و الأدلة أهة واحد ورا التانى علشان تفهموا الأعلام بيقرطسنا أزاى


أولا : برنامج الحزب
نقرا سوا شوية مقتطفات من برنامج الحزب ، نقلا عن موقع الحزب الرسمى
http://eng.akparti.org.tr/english/partyprogramme.html

Our Party constitutes a ground where the unity and the integrity of the Republic of Turkey, the secular, democratic, social State of law, and the processes of civilianization, democratization, freedom of belief and equality of opportunity are considered essential.
حزبنا يشكل ارضية فيها وحدة وسلامة اراضي جمهورية تركيا ، و دولة القانون العالمانية الديموقراطية الأجتماعية ، وعمليات التحول الحضارة و الديموقراطى ، وحرية المعتقد ، وتكافؤ الفرص يعد امرا لا بد منه.

Our party considers religion as one of the most important institutions of humanity, and secularism as a pre-requisite of democracy, and an assurance of the freedom of religion and conscience. It also rejects the interpretation and distortion of secularism as enmity against religion.
ان حزبنا يرى الدين باعتباره واحد من أهم المؤسسات الانسانيه ، والعلمانية تشكل شرطا مسبقا للديمقراطيه ، وضمان حرية الدين والضمير . كما انه يرفض التفسير الذى يشوة العلمانية بوصفها كمعادية للدين

Basically, secularism is a principle which allows people of all religions, and beliefs to comfortably practice their religions, to be able to express their religious convictions and live accordingly, but which also allows people without beliefs to organize their lives along these lines. From this point of view, secularism is a principle of freedom and social peace.
اساسا ، العلمانية هي المبدأ الذي يسمح للناس من جميع الاديان والمعتقدات ، أن يمارسوا معتقداتهم بإرتياح ، أن يكونوا قادرين على التعبير عن معتقداتهم الدينية والعيش وتبعا لها ، ولكن ايضا الذي يتيح للناس الذين لا يؤمنون لتنظيم حياتهم وفقا لهذه الخطوط . ومن وجهة النظر هذه ، والعلمانية هي مبدأ من مبادئ الحرية والسلام الاجتماعى.

In regions where women commit suicide, or honor killings take place, preventative and educational work shall be carried out towards orienting the women and their families.
في المناطق التي تقوم فيها النساء بالانتحار ، او التى يجرى فيها جرائم الشرف ، يجب أن يكون هناك تعليم و أعمال وقائية تستهدف النساء و أسرهم

Turkey has been in close relation with Europe both geographically and historically. For this reason, relations with European nations shall continue to be at the top of the list in Turkey s foreign policy agenda.
ظلت تركيا في علاقة وثيقة مع اوروبا جغرافيا وتاريخيا. ولهذا السبب ، والعلاقات مع الأمم الاوروبية سوف تستمر الى ان تصل إلى قمة قائمة جدول اعمال السياسة الخارجية التركية .

The cooperation with the United States of America which had been defense oriented shall be maintained and this cooperation shall be extended to areas of the economy, investments, science and technology.
التعاون مع الولايات المتحدة الامريكية الذى كان موجه نحو الدفاع ، يجب الحفاظ علية و مدة الى مجالات الاقتصاد ، والاستثمار ، والعلم والتكنولوجيا.


ثانيا : توصيف الحزب على الويكيبيديا الويكيبيديا
طبعا هانقرا من الويكيبيديا الأنجليزية ، علشان العربى مضروبة بالنار و نص معلوماتها غلط
http://en.wikipedia.org/wiki/Justice_and_Development_Party_(Turkey(
http://en.wikipedia.org/wiki/Ak_Party
The AKP portrays itself as a moderate, conservative, pro-Western party that advocates a liberal market economy and Turkish membership in the European Union.
حزب التنمية و العدالة يرسم نفسة كحزب معتدل ، محافظ ، منحاز للغرب ، يتبنى مفاهيم أقتصاد السوق الحر و عضوية تركيا فى الأتحاد الاوربى


ثالثا : الحزب عضو بحزب الشعب الأوربى European People s Party
و الحزب دة للى ما يعرفش ، حزب عابر للدول .. تأسس فى سنة 1976 ... و بيضم فى عضويتة 72 حزب من مختلف الدول الأوربية ، و هدف الحزب الرئيسى الوحدة الأوربية و عودة أوربا دولة واحدة مثلما كانت وقت الدولة الرومانية
http://en.wikipedia.org/wiki/European_People%27s_Party


رابعا : تقنين الدعارة فى تركيا
تعرفوا أية أول قانون نزلة الحزب أول ما مسك البرلمان ؟؟ ... أول قانون خالص ، يعنى أول حاجة مهتم أنة يغيرها أول ما مسك السلطة ... أنة قنن الدعارة فى تركيا ، و حولها لمهنة قانونية بتتلقى الدولة منها ضرايب تدخل فى ميزانية الدولة ... و مش بس كدة ، دة كمان قال أن الدولة التركية هاتدعم الداعرات الأتراك فى منافسة الداعرات اللى من دول مجاورة ... دة جزء من نص الخبر
اجراءات لتنظيم الدعارة في تركيا
مجلس الدولة التركي يوافق على تطوير مهنة الدعارة بهدف حماية التركيات من منافسة الروسيات في «سوق العمل»، والحد من انتشار الايدز.
ميدل ايست اونلاين
اسطنبول - من جيروم باستيون
تستعد بيوت الدعارة في تركيا لاجراء تغييرات عميقة بهدف تحديثها وللوقاية من الايدز بشكل افضل، ومحاربة الدعارة غير الشرعية التي تمارسها فتيات شرقيات.
ووافق مجلس الدولة الاسبوع الماضي على مشروع مذكرة رسمية ستكون جزءا من اجراءات اولى تتخذها الحكومة التركية الجديدة.
ويوجد في تركيا حوالي خمسين بيتا للدعارة الا ان تقريرا برلمانيا صدر عام 1998 اشار الى انخفاض عددهم من 65 عام 1997 الى 56 عام 1998.
وتبدي السلطات اهتماما موازيا بالمنافسة الناجمة عن ممارسة الدعارة عشوائيا. ويشير التقرير الى وجود 2343 امرأة حصلن على الموافقة عام 1997 مقابل 6562 يعملن دون ترخيص وخصوصا من الشابات السلافيات المنحدرات من دول الاتحاد السوفييتي السابق.

أتسلوا أنتم على بقية الخبر فى موقع ميدل أيست أونلاين
http://www.middle-east-online.com/?id=10316

بذمتكم ، فية حزب أسلامى فى العالم هايقنن الدعارة و يدى الداعرات تراخيص ، و مش بس كدة ، دة كمان هايدعمهم علشان ينافسوا الداعرات الأجنبيات ؟؟؟ ... مش بعد كدة لما حد يقول أن حزب التنمية و العدالة أسلامى بيبقى بيشتغلنا ؟


خامسا : قوانين أخرى أصدرها الحزب
حزب التنمية و العدالة أصدر حزمة من القوانين اللى بتصطدم أصطدام مباشر بالشريعة الأسلامية ... هذكر هنا كام مثل على الماشى
الأول هو إلغاء عقوبة الأعدام من القانون التركى على كل المستويات .... معنى كدة أن القاتل فى تركيا لا يقتل ... فين بقى الشريعة الأسلامية ؟ و فين الحدود الأسلامية ؟ ... المصدر هنا
http://www.aljazeera.net/news/archive/archive?ArchiveId=64144

التانى هو جعل خانة الديانة فى البطاقة الشخصية أختيارية ، و بيانات خانة الديانة أصبح يتم ملؤها بمعرفة صاحب البطاقة كما يشاء .... يعنى الشخص يكتب فيها الدين اللى على مزاجة ، يكتب " عابد للبقرة " مفيش مشكلة ، " عابد لميكى ماوس " برضة مفيش مشكلة ، كام أمبارح مسلم و بكرة عايز يبقى يهودى ، برضة مفيش مشكلة ... عايز يسبها فاضية ، هو حر ... قانون زى دة مفهوم أنة بيسهل الردة عن الأسلام فى دولة 99% من سكانها من المفترض أنهم مسلمين .... يبقى أسلامى أزاى ؟؟؟ ... المصدر هنا
http://www.metransparent.com/old/texts/turkey_agrees_to_religious_freedom_clause.htm

المثال التالت هو تجريم ما يسمى بجرائم الشرف ، و اللى هى مقننة فى الدول الشبة إسلامية زى مصر ( و اللى هيا جزء من حد الزنى ) ... حزب التنمية و العدالة فى سنة 2005 ، عدل القانون التركى ، و خلى جرايم الشرف جريمة عقوبتها السجن مدى الحياة ، و دى أقسى عقوبة فى القانون التركى بعد إلغاء عقوبة الأعدام ... يعنى عقوبة اللى يقتل الزانية زى عقوبة الأرهابى و أكتر مجرم فى البلد
http://www.alarabiya.net/articles/2006/04/07/22663.html

و أحتراما لمشاعر المسلمين المتدينين من قراء المدونة ، مش هنشر أى تفاصيل عن محاولات حزب التنمية و العدالة تعديل القرآن و حزف الآيات اللى مش عاجباهم منة ... النقطة دى أبحثوا فيها براحتكم


سادسا : علاقة تركيا القوية بأسرائيل
تركيا فى عهد حزب التنمية و العدالة ، عملت علاقات متينة جدا مع الدولة العبرية ... العلاقات دى تمثلت فى التطبيع طبعا ، و شراء أسلحة أسرائيلية بأنتظام ، عمل مناورات عسكرية مشتركة ، عمل أتفاقية دفاع مشترك مع أسرائيل .... و مش بس كدة ، دة العلاقات مع أسرائيل وصلت لدرجة أن رئيس الوزراء الأسرائيلى ألقى كلمة فى البرلمان التركى ( دى محصلتش فى مصر اللى بيقولوا عليها عميلة ) ، و من كتر ما بقيوا أصحاب بقيت تركيا هى الوسيط الدبلوماسى فى الحوار بين سوريا و أسرائيل ، و دة قبل ما بشار الجرو يترمى فى حضن ماما أمريكا و يشترط أشراف أمريكى على محادثات سلام سورية أسرائيلية مباشرة ... و المصادر أهة
أسرائيل تسلم تركيا طائرات عسكرية بدون طيار ... جريدة الشرق الأوسط
http://www.asharqalawsat.com/details.asp?section=4&issueno=11022&article=505128&feature=
تركيا و أسرائيل : تحالف محير .... البى بى سى ( خلى بالك من حتة المناورات المشتركة )
http://news.bbc.co.uk/hi/arabic/news/newsid_1481000/1481238.stm
العلاقات التركية الإسرائيلية وبعض تطوراتها الراهنة .... جريدة الرياض
http://www.alriyadh.com/2001/09/07/article31428.html
بيريز يلقي كلمة أمام البرلمان التركي ... أخبار مكتوب
http://news.maktoob.com/article.php/713779/%D8%A8%D9%8A%D8%B1%D9%8A%D8%B2-%D9%8A%D9%84%D9%82
مع بدء مفاوضات سورية إسرائيلية بوساطة تركية .. الأسد يتلقى رسالة من غول ... شبكة أخبار سوريا
http://www.syria-news.com/readnews.php?sy_seq=76893
الأسد يشترط رعاية أميركا لمفاوضاته مع إسرائيل ... آفاق
http://www.aafaq.org/news.aspx?id_news=7711


سابعا : الحزب فى تصريحاتة بيقول أنة حزب عالمانى ، و بيحترم عالمانية الدولة التركية ... و دى مجموعة من تصريحات قيادات الحزب

ولكن جول تعهد باحترام دستور البلاد العلماني في حال فوزه بمنصب الرئاسة. وقال مطمئنا الجهات العلمانية التركية إن التزامه بمبادئ الدولة العلمانية يجب ان لا تكون مصدرا لقلق احد.
http://news.bbc.co.uk/hi/arabic/middle_east_news/newsid_6945000/6945771.stm

صرح عبد الله غول "على رئيس الجمهورية بموجب الدستور أن يتمسك بقيم الجمهورية الديموقراطية العلمانية.. إذا انتُخبت لهذا المنصب، سوف أحرص من دون شك على أن تُحترم هذه المبادئ".
http://www.middle-east-online.com/?id=47688

غول يتعهد بالدفاع عن العلمانية في تركيا
اكد وزير الخارجية التركي عبد الله غول المرشح للانتخابات الرئاسية الثلاثاء انه يتعهد بالدفاع عن مبادىء الجمهورية وبينها الاسس العلمانية في حال انتخابه رئيسا.
"ساقوم بكل ما يلزم للدفاع عن العلمانية ... واعتقد انه لا داعي لان يقلق احد حيال هذا الموضوع".
http://www.middle-east-online.com/?id=51228


ثامنا : الرد على الأتهام الاول بشأن أنتماء قيادات الحزب للأسلام السياسى
من الحاجات اللى دايما بتخلى الناس معتقدة أن حزب التنمية و العدالة أسلامى هو تاريخ بعض قيادات الحزب ... يعنى مثلا عبد الله جول لية تاريخ طويل فى العديد من الأحزاب الأسلامية فى تركيا زى حزب الفضيلة الأسلامى ، و بعدة حزب الرفاة الأسلامى ، و دى كانت أحزاب أسلامية فعلا ، و وصلت للحكم ، و فى كل مرة كان الجيش العالمانى بيخلع الحكومة من السلطة ، و المحكمة الدستورية العليا التركية بتحظر الحزب
اللى الأسلاميين مش قادرين يفهموة ، أن الناس بتتغير ... يعنى مش معنى أن واحد كان أسلامى فى فترة فى حياتة ، أنه يفضل باقى حياتة كدة ... أنا شخصيا كنت فى حزب مصر الأم ( عالمانى ) ، و كان واحد من أهم قياداتة عضو سابق فى جماعة الأخوان المسلمين ، و بعد كدة غير مذهبة السياسى و بقى عالمانى ... و سبتة و رحت حزب الحزب المصرى الليبرالى ، و دة رئيسة كان ناشط فى جماعة الأخوان المسلمين ، و كان تدرج فى المناصب فى الجماعة لحد ما وصل لدرجة أنة كان بيقول حديث الثلاثاء فى أجتماعات الجماعة ، و برضة عقل و غير مذهبة السياسى و بقى عالمانى ... نص العالمانيين اللى أنا أعرفهم كانوا سلفيين أو أخوان أو أسلاميين أو يمين مسيحى ، و كلهم عقلوا و بقيوا عالمانيين ... الناس بتتغير
نفس الشئ نقولة عن عبد الله جول ... الراجل مع السن و الخبرة ، غير مذهبة السياسى ... دة مش كلامى أنا ، دة كلامة هو .... دة مثلا عينة من تصريحاتة
" ويؤكد جول البالغ من العمر 56 عاما انه قطع كل صلاته بالاسلام السياسي، كما يشير الى السنين الاربعة التي قضاها كوزير للخارجية، يعمل من اجل الاصلاحات الديموقراطية وملف تركيا للانضمام الى الاتحاد الاوروبي. " ... المصدر هنا
http://news.bbc.co.uk/hi/arabic/world_news/newsid_6965000/6965868.stm


تاسعا : الرد على قصة الحجاب و تعليم المحجبات
مبدئيا ، لازم نفهم أن العالمانية 3 أنواع ... النوع الأول هو العالمانية الصديقة للدين ، زى العالمانية البريطانية ، يعنى فى بريطانيا مجلس اللوردات ثلث أعضاؤة من رجال الدين ، و كلهم بيتعينوا ، و دة طبيعى لأن الشعب البريطانى أعقل من أنة ينتخبهم ... النوع التانى هو العالمانية اللى ليها موقف محايد من الدين زى فرنسا ، و دى عالمانية من نوعية " أنت فى حالك و أنا فى حالى " ، يعنى الدين فى حالة و الدولة فى حالها ، و الدنيا ماشية ... النوع التالت هو العالمانية الروسية بتاعة الأتحاد السوفيتى ، و دى عالمانية معادية للدين ، و انا شخصيا مش بعتبرها عالمانية ، لأن العالمانية هى أن الدولة بتاخد قراراتها دون أن يكون لمعتقد حكامها أى صلة بالقرار ، لكن العالمانية الروسية دخلت معتقدات القادة الملحدين فى قراراتها السياسية ، و بكدة تحولت لأصولية عقائدية إلحادية بتنتهك حريات أصحاب الأديان و المعتقدات الأخرى
برضة لازم نفهم أن العالمانية نوعين ... فية عالمانية يمين ، و عالمانية يسار ... عالمانية اليسار دى عالمانية الدولة الشمولية ، زى بتاعة الأتحاد السوفيتى ، و فى الدول اليسارية أنت أساسا بتفقد معظم حرياتك الفردية ، فطبيعى بتخسر معاها حرياتك الدينية ، و بتلاقى الدولة بتتدخل فى معتقداتك الفردية ... عالمانية اليمين ، اللى هى العالمانية الليبرالية ، دى عالمانية بتحترم و تقدس الحريات الفردية و خصوصا الحرية الدينية ، و فى الحالة دى الدولة مستحيل تتدخل فى معتقداتك الدينية ، و لو أنت أتعرضت لتمييز بسبب معتقداتك الدينية هتلاقى الدولة كلها واقفة جنبك
أتاتورك بقى كان راجل شيوعى قومى ، عالمانى يسارى ماشى ورا منهج العالمانية الروسية المعادية للدين ... أتاتورك و الأحزاب اليسارية التركية من ساعة ما وصلوا للسلطة فى بداية القرن الماضى و ألغوا الخلافة التركية ، و هما بيتعمدوا يعادوا الدين و يمنعوا المتدينيين من أظهار معتقداتهم الدينية ... و من ضمن القوانين الغير ليبرالية اللى فرضها أتاتورك هو فرضة لنوعيات معينة من الملابس ضرورى الناس يلبسوها ، هو كان قاصد بكدة أن يحول تركيا لدولة متمدنة بتلبس نفس الزى بتاع أوربا ... و طبعا اللى عملة أتاتورك بيتناقض تناقض صريح مع الليبرالية ، لأن الليبرالية هى أن كل فرد حر يلبس اللى هو عاجبة ، و مش من حق حد يفرض على حد يلبس أية أو ما يلبسش أية ... أنا طبعا مش هلوم أتاتورك على تطرفة ، و دة لأنة كان رد فعل للخلافة الأسلامية بكل تخلفها و دمويتها ، و يكفى أنى أقول أنة قبل ما يمسك أتاتورك السلطة ب 3 سنين بس ، قامت الخلافة التركية بأبادة مليون و نص أرمنى ، و دة لمجرد أنهم مسيحيين ليس ألا
المهم المد اليسارى كان منتشر فى العالم كلة ، و دة مهد للأحزاب اليسارية اللى بتحمل فكر أتاتورك أنها تستمر ... و فضلت الأمور على كدة لحد ثمانينات القرن الماضى ، لما الأتحاد السوفيتى أنهار أقتصاديا ، و أتفكك ، و معظم دولة تحولت للنظام الرأسمالى ... هنا اليساريين كلهم أبتدوا يراجعوا نفسهم ، و بدأوا يشوفوا النظرية اللى فى إيديهم مانفعتش لية ... و كان نتيجة لكدة تكون أحزاب ليبرالية فى الدول الأشتراكية ( اللى تركيا واحدة منهم ) .... و لأن الليبرالية بتقدس الحرية الفردية ، و بتحترم حق الشخص فى أنة يلبس زى ما هو عايز ، فكان طبيعى أن الليبراليين الأتراك يطالبوا بحرية أرتداء الملابس و منها الحجاب
تركيا طول فترة حكم اليسار كانت فيها أزمة بسبب قوانين الملابس بتاعة أتاتورك ، يعنى الملابس اللى فرضها أتاتورك كلها مشيت و الشعب قبلها ، لكن فضل قطاع من الشعب التركى مش قادر يتخلى عن الحجاب ، و دة كان بيحرم البنات الفقيرات من التعليم و بيجبر البنات الغنيات على التعلم بالخارج .... طبعا نسبة قليلة من البنات مش الكل ، لان اليسار كان مسيطر على الحكومة ، يعنى معاة اكتر من 50% من أصوات الشعب ... المهم ، طبيعى جدا أنة لما ييجى حزب ليبرالى رأسمالى فى تركيا ، أنة يدافع عن حرية الناس فى أرتداء الملابس اللى يحبوها ، و أنة يرفض التمييز بين المواطنين بسبب معتقداتهم الدينية ... و كل دة مايتناقضش مع العالمانية ، لان العالمانية الليبرالية عالمانية غير معادية للدين ، و بتحترم الحريات الفردية
و هو دة اللى عملة حزب التنمية و العدالة ... الحزب صرح أكتر من مرة أنة حزب ليبرالى ، و كان حاول قبل كدة يغير الدستور التركى كلة علشان يخلية " أكثر ليبرالية " حسب تصريحات الحزب ( المصدر هنا http://www.middle-east-online.com/?id=51963 ) ... و لأن الليبرالية بتحترم الحرية الفردية ، دافع عن حق المحجبات فى أرتداء الحجاب و فى التعليم ، عادى خالص
أمال أية الدوشة اللى حصلت بسبب موضوع الحجاب هناك ؟ و لية المحكمة الدستورية العليا كانت هاتحظر الحزب ؟ ... الموضوع بسيط جدا ، صراع سياسى بين اليساريين و الليبراليين ... اليسار التركى بيلعب لعبة قذرة علشان يضرب حزب التنمية و العدالة الليبرالى ... كل الاحزاب اللى بيقولوا عليها عالمانية هتلاقيها شيوعية قومية ، و كلهم بيكرهوا الرأسماليين و أولهم الحزب الرأسمالى الليبرالى اللى أخد منهم الدولة التركية بعد ما فضلوا حاكمينها بتاع 70 سنة ... و لأن مفيش فى الدستور حاجة تمنع وجود حزب ليبرالى ، فأستغلوا نقطة الحجاب علشان يوقعوا الحزب من السلطة ... و دى وساخة سياسية معتادة جدا ، و عادية فى كل الصراعات السياسية ... لكن محدش قال ان الشيوعيين محتكرين تعريف العالمانية ، و محدش قال أن اللى يقولة الشيوعيين الاتراك لازم يكون صح ، ما هى مصر كانت عالمانية من ساعة محمد على لحد أنقلاب 52 و عمرها ما فرضت على حد لبس ولا منعت حد من لبس ... و العالمانية كأسلوب حكم موجودة من قبل ما يخترعوا الشيوعية ، و من قبل ما الاتحاد السوفيتى يتعمل ... يعنى من الآخر ، اللى بيقولوة الشيوعيين الأتراك على أنة عالمانية دة أصولية إلحادية و عالمانية يسارية بتنتهك الحريات الفردية ، و اللى بيقولة حزب التنمية و العدالة دة عالمانية ليبرالية زى اللى كانت موجودة فى مصر قبل أنقلاب 52 ، و زى العالمانية البريطانية اللى رفدت سواق أتوبيس من شغلتة لما رفض يركب واحدة منقبة معاة فى الاتوبيس


أخيرا : موضوع الأعلام
للأسف معظم القنوات الأخبارية ، حتى الدولية الشهيرة زى ال BBC ، دايما بيحبوا كل ما يجيبوا سيرة حزب التنمية و العدالة ، أنهم يقولوا أنة أسلامى أو ذو جذور أسلامية أو أنة متهم بأنة أسلامى ... طبعا ضرورى نكون فاهمين أن مفيش حد معصوم من الغلط ، و أنة مش معنى أن فية مؤسسة كبيرة قالت حاجة أنها ضرورى تكون صح .... المؤسسات دى بتقع فى الغلط دة لسببين
الأول : أنهم بيحبوا يضيفوا للخبر شوية شطة ... يخلوا الخبر مثير حبتين ، علشان القراء يهتموا بقرايتة ، و دة يضيف من رصيد الجريدة
التانى : أن معظمهم متأثر بدعاية اليسار التركى الكذابة ، و خصوصا مع تصاعد الإسلاموفوبيا مع التفجيرات الأرهابية اللى أنتشرت فى كل مكان فى العالم ... عادى يعنى ، ياما الدعاية الكدابة بتأثر على مؤسسات ضخمة و أضخم من كدة بكتير ، زى مثلا الأمم المتحدة ... مفيش شئ جديد


أتمنى أنى أكون كدة غطيت الموضوع من كل جوانبة ، و أتمنى فعلا أنى مسمعش حد تانى بيردد الأشاعات بتاعة الحزب الأسلامى و فرع الأخوان المسلمين و الكلام العبيط دة .... أنا لو مواطن تركى ، كنتم هتلاقونى قيادى بارز فى حزب التنمية و العدالة ، و كنتم هتلاقونى طالع مظاهرات أطالب فيها بأحقية المسلمات فى أرتداء الحجاب ( طالما لابسينة بمزاجهم ، و مش مفروض عليهم )


http://ra-shere.blogspot.com/2009/02/blog-post_02.html

#مايكل_نبيل_سند (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات