(( إي للسلم .. لا للمدفع ))

جواد القابجي

الحوار المتمدن-العدد: 2526 - 2009 / 1 / 14 - 07:39
المحور: الادب والفن
    

شوف الدنيه اشلون اتدور
مرّه ابظلمه او مرّه ابنور

***********

سطَّرنه ابكل صفحه احروف
اوخلينه الميشوف ايشوف
لكن من الخفِّه اتطوف
بعض الوادم جنهه اكَشور
شوف الدنيه اشلون اتدور

ابلا لب تلكَاهه او لا نكهه
مثل المعدن إلّه اتحكهه
الوادم بالشدّه انجرِّبهه
اونعرف من يحميه للســـــــــور
شوف الدنيه اشلون اتدور

شدّينه الساعد علساعد
وعرفنه اليعمل والكَاعد
وتفاجئنه ابسيف الحاقد
او كَمنه انخاف امن الناطور
شوف الدنيه اشــــــلون اتدور

كَلنه الهَم راح اوما يرجع
إي للسلم او لا للمدفع
هاجت اصوات الما تنفع
اوسال الدم أنهر وبحور
شوف الدنيه اشــــــــــــلون اتدور

عيش الوطن اوشوف الصاير
اوشوف ابعينك لتظل حاير
والحق صاير ويَّ الغادر
او يتعذَّر صار المغدور
شوف الدنيه اشـــــــــلون اتدور

اعراقيين احنه او فد لمَّه
ابوحدتنه انصير احنه الأُمه
اومرفوضه اللي تهدر دمنه
هُم غربان او احنه انســــور
شوف الدنيه اشــــــــــــــلون اتدور

للناضل ضد الطاغوت
جانوْ يتصوروك اتموت
اوصوتك مَيخرسه التابوت
تبقه انتَ العالي او منصور

شوف الدنيه اشلون اتدور
مرّه ابظلمه او مرّه ابنور

#جواد_القابجي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات