اللهم (جرجر) الزعيم القائد

عبدالوهاب خضر

الحوار المتمدن-العدد: 659 - 2003 / 11 / 21 - 04:09
المحور: اخر الاخبار, المقالات والبيانات
    

اليوم ليلة القدر التى يستجيب فيها الله للمؤمنيين من عباده , وهى خير من الف شهر , , لذلك فأنا اطالب كل مواطن عربى يشعر بالمراره والحسره على اوضاعنا وضعفنا ان يردد خلفى هذا الدعاء والموجه الى كل رئيس وملك عربى : قولول ورايا اميين ::::

يا سيادة الزعيم العربىربنا يبعد عنك الاشرار , ويجعلك فى كل خطوه دولار,ويبعد عنك ولاد الايه,ولا يخيبك خيبه الجنيه,ويجعل اعمالك كلها حسنات,ويكفيك شر شهادة المخالفات,ويحوش عنك كل الشرور,ويكفيك شر كمين المرور, ويكون لك دايما فى العون,ويكفيك شر فاتورة التليفون,ويجعلك كل الناس حبايب,ويكفيك شر بتوع الضرائب,و لا يجعل عيالك محرومه,ولا يخيبك خيبة الحكومه, ويجعل اصحابك كلهم اخلاص,ويكفيك شر سواقيين الميكروباص, ويحميك يا ابنى من ابليس ويكفيك شر سواقين الجيش والبوليس, وينور لك طريقك بالبركات ويكفيك شر الحفر والمطبات,بدعيلك وبدعى لكل اولادى يكفيك شر الركود الاقتصادى,,ويكتر فى جيوبك النقديه ويرحمك من شر الدروس الخصوصيه , ويرحمك من اكل الفول ولا يخرب بيتك بفواتير التليفون.

اللهم خليلنا الزعيم القائد , وكمان وياكل ذى ما هو عايز , عايز مانجه ياكل مانجه , عايز فراوله ياكل فراوله , عايز فلوس ياخد فلوس .. هو محتاج فلوس اللهم صلى على النبى ,دى بيركب ببلاش ,.. ربنا يخليهولنا يارب ويكترله فيتاميناته, اللهم كتر فيتامينات الزعيم , واديله كباب وكفته طول عمره , عايز كباب لوحده ياخد , عايز كفته لوحدها ياخد , عايز الاتنين وماله, واديله صلطات على اد نيته , الهم اديله طحينه, اللهم اطحنالرئيس, واكثر من بابا غنوجه , واديله طورشى , اللهم طورشى , اللهم خيرله وجزرله واديله كل المشتهيات يا رب العالمين , , واديله جرجير , اللهم جرجره بحق جاه النبى , واديله بطيخ , اللهم بطخه , ويكون البطيخ من غير بذر , لسه الريس هيتفتف والكلام دة , الزعيم يلهط على طول , وابعد عنه الامراض المتوطنه , اللهم قلل من امساكه واكثر من اسهاله , ويخرب بيت اللى بيكرهه , ويخرب بيت اللى بيحبه وهو من جواه بيكرهه , ويخرب بيت اللى بيحبه وهومن جواه بيحبه وواحد واقف جانبيه بيكرهه ,

الزعيم والقائد والثوره يخليهولنا ويخلى جميع الزعماء اللهم خلى جميع الزعماء والرؤساء واديهم الصحه والعافيه كل الزعماء , اللهم اخرب بيتنا احنا يا شيخ , اللهم مموت الشعوب كلها فى يوم واحد , علشان الرؤساء يصحوا الصبح ميلقوش حد يحكوموه .

ميلقوش حد يحكوموه بقى يجيبوا عقد عمل ويروحوا السعوديه بقى , اللى عايز مراوح يجييب , واللى عايز خلاليط يجيب , كل زعيم يجييب اتنين , يبيع واحد ويخلى واحد يبقى دخل دة فى دة كأنه مجابشى حاجه ,

انما احنا احنا ولاد كلب بنضايق الزعماء ونعكنن عليهم , هما فاضيين لنا الناس دى , اللهم افقرنا واغنيهم, اللهم خد مننا واديهم , اللهم شلحنا وغطيهم ,اللهم انفخنا وفسيهم !!!!!!!!!!!!!!!!!!قولوا امييين بس بعد الاعتذار للزعيم الفنان عادل امام والفنان سبعاوى .

#عبدالوهاب_خضر (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات