هي: برنامج "صايم من غير سحور" يستضيف حضرتك لقربك من دوائر صنع القرار والمشاهدون متلهفون لمعرفة الإجابة... هل الشتاء ممكن أن يبلل الغسيل؟.
هو: بصراحة... وده سر حأذيعه لأول مرة... في مناخ الحرية اللي إحنا عايشينة... ممكن!.
هي: نشكرك على شجاعتك لأن أي مسئول تاني كان ممكن يقول الغسيل ناشف ومش لاقي حد يلمه.
هو: أنا تعودت على الجرأة... فأنا أول من طالب بتوسيع هامش الكراسات, وفتح الباب على مصراعيه لإعلانات السمن... لأن السمن لا يواجه إلا بسمن, وقلت دع مائه علبة تتفتح, وطالبت بتنشئة أجيال بدون زيت, وعشان كده لن ينساني التاريخ.
هي: أي تاريخ يا أفندم؟.
هو: تاريخ الصلاحية.