ميلاد ثابت إسكندر
(Melad Thabet Eskander)
الحوار المتمدن-العدد: 6387 - 2019 / 10 / 22 - 23:36
المحور:
الادب والفن
ذهـب العقـل وظهر الجهل، والفكر إتشَّحـوَّر
راقدين لسه في بركة وّحل ، ونايمين بنشَّخر
أم الدنيا قالتلي يا مصري ،، قوم بقي شوف شُغلك
دأنا عَّجـزت، وانحَنـيَ ضَهري، وده كُلـه بـسَـبَـبَـك
نفسـي في مَـرَّه أصلُب طولي ،، يخرب بيت شَكلَك
فـالح بَــس تـغَـي علـيـَّـا : لوك لوك ورا لوك لوك
أيه بس ال أنا حَرماك منُه ،، قولـي بـقـيَ واحكي
بحــرين أبيـض وأحمر ،، والنيــل جـوَّايـا بيجري
وقنــاة وبقــو إتنين دالوقتي ،، وآثار يامـا عـنـدي
ومـواد خـام والجـو تمام ،، والخيـر مالي أرضي
أيه الحِجَّــة يا ابن الوارمَّــة ؟! ماتقـولي يا فَقري
ذهـب العقـل وظهر الجهل، والفكر إتشَّحـوَّر
راقدين لسه في بركة وّحل ، ونايمين بنشَّخر
الناس بَـرَّه اتخَطوا الـذَّرَّة، واكتشفـوا عوالم
علـم ثقــافــة وعقـول حُـرَّة، وسيادتك نايم
فـالـح بـس تقولـي الكَـفَـرَّه، وياريتَـك عالم
كل علومَك فوق السُفرَّة، وف المَحشي وعايم
ذهـب العقـل وظهر الجهل، والفكر إتشَّحـوَّر
راقدين لسه في بركة وّحل ، ونايمين بنشَّخر
ميلاد ثابت إسكندر
فنان تشكيلي
وأشكيلك
!!!
#ميلاد_ثابت_إسكندر (هاشتاغ)
Melad_Thabet_Eskander#
كيف تدعم-ين الحوار المتمدن واليسار والعلمانية
على الانترنت؟