طالب الجليلي
(Talib Al Jalely)
الحوار المتمدن-العدد: 5799 - 2018 / 2 / 26 - 00:05
المحور:
الادب والفن
والله يا زمن
جم مره اعيشن ولك
من عاب هذا العمر
من ينكضي
ضيم اوقهر
أشكيلك انته
لو أشكي الدهر
جاوبني يلله
يا زمن..
.......
والله يا زمن
مثل الحمامه اتصير
روحي
فرحانه.. لكن..
بالحلم!
من يمر مثل الطيف..
طيف الفرح !
أنسى لوعات المضن
وسنيني تطّشر
وَلِمْ...!
خرزات مخنوكه ابحزن
وارجع وكلك ليش؟!
وك..
فُك غزلي وٓي غزلك
يا زمن..!
طلكني موش بثلاثه..
طلكني بالوشله الصفت
من ذاك العمر
وسنيني ذنّيج المضن!
فك ياخه مني
يا زمن
———
إجروحي ادريهن وشم
كلما أكول افرجت
تندهني وتكلي
إحمْ !!
لاوين مشبوج غزلي
اويا المحن..
إمّشي عليك الحسن !!
ذاك اللي يتباهى بيه
الكرم!
جاوبني من انِشدَنّك
يا زمن..!
ليش..
مكتوب .. ادور علفرح؟!
كل الدهر
جنّي اللي سّموه الوطن؟!
والله يا زمن ..!
طالب الجليلي
25 شباط 2018
#طالب_الجليلي (هاشتاغ)
Talib_Al_Jalely#
كيف تدعم-ين الحوار المتمدن واليسار والعلمانية
على الانترنت؟