سامى لبيب
الحوار المتمدن-العدد: 5179 - 2016 / 5 / 31 - 21:01
المحور:
كتابات ساخرة
- تنبيط (4) .
- خربشة عقل على جدران الخرافة والوهم (55) .
" تنبيط " كلمة شعبية مصرية تعنى نَََكت أو تَندر أو لًََََسن علي بدون أن يفصح بعبارات صريحة عما فى داخله , وتناظرها كلمة عامية أخرى " لقح بالكلام " لتفى بنفس المعنى حيث القول بطريقة غير مباشرة وصريحة ليستخدم القائل أمثلة خارجية يسقطها فى كلامه على من يوجه له حديثه , وفى قول المثقفين يُقال "إسقاطات" بدلاً من تنبيط لتفى بنفس المعنى .
لا يعجبنى التنبيط كأسلوب متبع فى الحوارات الشخصية فهو فى الغالب يبغى السخرية كما يعبر عن ضعف ومراوغة وخبث وعدم وضوح وشفافية القائل عند طرحه لنقده وملاحظاته , ولكن أرى التنبيط فى الحوار الفكرى ذكياً لماحاً ومفيداً فهو يستثير الفكر والعقل داعياً للتأمل فى مواجهة الأفكار المُتصلبة المتشنجه التى تُستنفر وتَتجهم من الوضوح والشفافية , فلعل التنبيط هنا يوقظ العقول الغافلة عندما تجد أنها كونت موقف من المثال المطروح أو من الكلام المُنبط فتراجع نفسها بإتخاذ موقف تقارنه مع مواقف اخرى مماثلة كانت قد أقرتها بتسليم أو تعنت .
سأقدم هنا تنبيط طالما مش نافع عقل ولا منطق وفكر مجرد فى تغيير قوالب فكرية وثوابت تأبى أن تفكر , فلنجرب التنبيط من خلال حوار دار بينى(*) وبين واحد يؤمن بوجود الفنكوش (=) , فقد تكون الطرافة ذات تأثير أقوى من المنطق الصارم كما أن الفكرة هزلية فلا تستحق سوى التناول الساخر .
= إيه رأيك فى الفنكوش ؟
* إيه الفنكوش ده .
= فى حد ما يعرفش الفنكوش ؟
* عذرا انا لا أعرفه فلو تسمح عرفنى عليه , شكله إيه ده .
= الفنكوش ملهوش شكل ولا زىّ , ولا يمكن بدماغك أن تعرفه .
* إزاى بقى .. أمال إنت عرفته إزاى ؟
= قاللولى عنه .
* طب اللى قاللولك عنه عرفوه ازاى ؟
= هم برضه ما يعرفوش عنه شكل ولا زىّ .
* أمال أزاى عرفوا الفنكوش وإنت صدقت الفنكوش إزاى ؟
= هم صادقين لذا صدقتهم .
* يعنى حضرتك عاوزنى أعطيك رأى فى الفنكوش وإنت لا عارفه ولا اللى قاللولك عنه عارفينه .. طب سؤال إزاى عرفوا أن الفنكوش ملهوش زىّ , فهذا يعنى أنهم لم يشفوه ولم يجدوه فإزاى عرفوا إنه ملهوش زى , وهذا يجعلنا نقول أن الفنكوش ده لا شئ لأنه لو شئ كانوا حاولوا إيجاد صلة قرابة مع اللى بيعرفوه .
= إنت هتتفلسف .
* ولا فلسفة ولا حاجة بس أفكر فى اللى بتقوله . طب إسمح لى بسؤال مين اللى سماه فنكوش ؟
= مش عارف تقصد إيه بسؤالك ده .
* أقصد أن الإنسان عندما يطلق إسم على شئ فهذا يعنى أن هذا الشئ ماثل أمامه ليختار مجموعة من الحروف العشوائية ويشبكها مع بعض ليعتبر هذه الكلمة تعبر عن هذا الشئ كوسيلة للتعبير والمعرفة بين البشر .
= احنا عرفنا أن إسمه فنكوش وخلاص .
* إنت غريب قوى .. إنت عاوزنى أصدق أن فيه فنكوش ولا تستطيع تحديد هويته فكيف نعرف إنه موجود وميكنش كذبه .
- كذبه إزاى .. الفنكوش هو اللى صنع كل الفخار فى المدينة .
* برضه حضرتك مش فاهمنى .. أنا أسأل عن طبيعة وماهية هذا الفنكوش ولا أسأل عن صنعته .
= اللى اعرفه انه صانع كل الفخار فى المدينة لذا نحن نحترمه .
* برضه حضرتك مش فاهمنى , طب هل حضرتك شفت الفنكوش وهو يصنع الفخار .
- لا ما شفتش .. هم قاللولى .
* طيب اللى قولولك دول شافوه وهو يصنع الفخار ؟
- لا طبعا هم لم يشاهدوا شئ .
* حاجة غريبة .. طب بيقولوا ازاى أنه صانع الفخار الوحيد .
- أمال يعنى الفخار اللى فى المدينة ده جه منين .
* أنا معرفش .. ولكن لا يعنى جهلنا أن ننسب صناعة الفخار للحاج فنكوش فيمكن هناك مُسبب آخر ولا نعرفه .
- الفنكوش واحد أحد وهو الصانع رغماً عن أنفك , فألا تعتقد بأن كل سَبب من مُسبب .
* يا سيدى صحيح أن كل سَبب من مُسبب على مستوى منطقنا الإنسانى وليس على مستوى الوجود , فالوجود ليس له منطق , ولكن المهم أن يكون هذا السَبب من ذاك المُسبب
= انت هتتفلسف تاتى .
* ولا فلسفة ولا نيلة .. معنى كلامى أن هذا السَبب يكون من مُسبب حصرى وليس من مُسبب آخر .
- مش فاهم فبسط الكلام .
* يعنى يا سيدى لابد أن تكون لدينا خبرات ومشاهدات أن هذا المًسبب منتج لهذا السبب وليس أحد آخر لذا يلزم معاينات وخبرات ومشاهدات .. هبسطهالك .
- أه لو سمحت .
* يعنى لو حضرتك ماشئ فى غابة وبعدين رجلك إتعاصت لمؤاخذه فى خراء , فطبعا هتقول أن الخراء من حيوان وليس من الفنكوش بتاعك , بناء انك شفت قبل كده أن الخراء يسقط من حيوان , ولو عندك خبرات كتيرة هتقول ده خراء حمار أو أرنب أو حمامة .. أى يلزم قبل ان تقول بأن الفنكوش صنع الأوانى أن يكون لديك مشاهدات وخبرات لصنع الأوانى فبعدها تقول الفنكوش صنع أوانينا .
= طب بص على الطبق ده ممكن يصنعه صانع غير الفنكوش .
* يعنى كلامى كله لم يجدى معاك .. طيب اقولك بص على الصورة دى لجزئ ثلج وهذا الجزئ ملح وهذه الصور السافلة لثمرة طماطم على شكل مؤخرة .
- طب ده يعنى ايه
* يعنى الطبيعة انتجت الحاجات دى وليس فنكوش وهذا يعنى ليس بالضرورة أن كل صنعة هى من إنتاج الحاج فنكوش .
= ماهى الحاجات دى من انتاج الفنكوش برضه .
* طب حضرتك عرفت منين ؟
= أمال هتكون من إنتاج مين بقى .
* يخرب بيت دماغك , مفيش فايدة معاك .. لما تزعم أنها من إنتاج فنكوش فعليك إثبات كده ولتتذكر حكاية السببية من مثال الخراء فى الغابة ثم فنكوش ده هل بينتج أفلام بورنو برضه وفقا لهذا الفيديو وكيف تفسر غايته ؟
https://www.youtube.com/watch?v=nO-GsDwYwtI
= كل ده علشان عاوزك تعرف إن فنكوش موجود وتحترمه .
* طب أسألك سؤال : مين اللى هو موجود ومطلوب إثبات وجوده أنا وأنت والشجرة والبرغوت والدودة أم الفنكوش , فأنا وانت والبرغوت موجودون ولا نحتاج لإثبات وجودنا , بينما الفنكوش تحاول إثبات وجوده .. طب أحترمه ليه .
= الفنكوش غنى جداً ولا يحتاج لأن تعترف به وتحترمه , فلن يقلل هذا من مكانته فأنت بالنسبة له صعلوك .
* صعلوك كقصة الأنعام برضه .. ده الفنكوش ده مهذب قوى ..طب هوا مش محتاج لى يبقى ليه وجع الدماغ ده , وليه هيغضب منى ويدخلنى معتقلاته .. حاجة غريبة , فهل هو يهذى ويخرف أم مريض نفسياً .
= طب أزيدك .. الفنكوش يعلم عن طريق مخابراته الحوار الدائر بيننا ويرصد كل صغيرة وكبيرة فى حياتك يعنى يعرف إنت أكلت إيه , وشربت كام سيجارة , وبوست كام بوسة , وكمان يدخل غرفة نومك ويصور ممارساتك الجنسية مع مراتك والأوضاع اللى عملتها يا خلبوص .. وأقولك حاجة كمان هو يعرف مصيرك النهائى , هل ستكون فى المعتقل أم فى القصر تاكل وتسكر وتنيك نسوان .
* بداية انا لا أحب أكون تحت الرصد والمراقبة , والأهم من كل ده إذا كان عارف أين يكون مصيرى طب ليه وجع الدماغ ده .. ما يخلص ويعتقلنى من دلوقتى أو يدخلنى ماخوره .
* عاوز أسألك سؤال .. فيه كتير من البشر مصدقين قصة الفنكوش ده .
= آه كتير قوى ولكن هم أحزاب وفرق مختلفة .
* وكلهم سيستمتعوا بمكافآت الفنكوش بالنسوان والخمره .
= لا طبعا .. هو حزب واحد فقط , بل فى داخل هذا الحزب فرقة واحدة فى الماخور والباقى فى المعتقل .
* إزاى بقى مش كلهم مصدقين الفنكوش ؟
= لا يعتنى الفنكوش أن يصدقه أحد بدون أن يتبع حبيبه المدلل , فحبيبه من الأهمية ليلفظ كل من يرددون اسمه ولا يتبعون حبيبه فهم من الخاسرين , ليلقى فى المعتقلات حتى لو سجدوا وسبحوا الفنكوش ليل نهار وأخلصوا فى طاعته وتقواه .
* شئ غريب .. طب إزاى يعرف الإنسان الحزب والفرقة الناجية المُعتمدة من الفنكوش والناجية من معتقلاته فكل ما يردد عن الفنكوش فى كل هذه الأحزاب متشابه وغير موثق فالجميع هنا سواسية .
= يفترض أن يبحث ويقرأ كل إنسان عن هذه الأحزاب ويختار بعد ذلك وإن كان هذا الأمر يخالف رؤية حبيب الله .
* يا نهار أسود يعنى يقرأ آلاف الكتب وآلاف برامج الأحزاب .. ثم ما الفائدة إذا كانت كل الأحزاب تقدم برامج متشابهة وكلها غير موثقة .
- أقولك الصراحة .. إنها النعمة التى وهبها الفنكوش لبعض البشر بحظهم من وراثة الحزب من أباءهم . كما أن الفنكوش يهدى أحباءه ويضل ولاد الكلب وكل ده بمزاجه برضه .
* يعنى العملية حسب الجغرافيا والتاريخ ومزاج الفنكوش .. إذا العملية مزاجية , وهى تعنى فى النهاية أننا أمام مقامرة وإحتمال المكسب واحد من عشرة آلاف مثلا .. يبقى عدم إعترافى بالفنكوش ليس مغامرة ولا تعنى خسارة فادحة .
- يعنى إنت مش مصدق أن فيه فنكوش .. طيب لو جدع تثبت إن مفيش فنكوش .
* إيه العبط ده هو مين اللى عليه يثبت .. طب انا هقولك حاجة , سأقول لك أن جدى الأول قال لأحفاده أنه صانع كل الفخار ولم يشاركه أحد والدليل وجود أوانى وأباريق .. سبحان جدى الأكبر .. ذات مرة قالوا لجدى الأكبر كيف يبعث البشر من القبور فقال : ألست صانع الأوانى إذن أعمل أى شئ ..سبحان جدى الأكبر .. من نسل جدى الأكبر جاء جد حكيم وهبه جدى الأكبر الفصاحة ليسألونه ذات مرة كيف تثبت أن جدك الأكبر هو خالق الأوانى والأباريق , فهرش جدى الحكيم فى دماغه وقال أترون الشمس ألا تشرق من الشرق وتغرب فى الغرب فجدى الأكبر هو من فعل ذلك , فلو كنتم شاطرين خلوا الشمس تشرق من الغرب .. شوفت فصاحة جدى .
= إنت غريب قوى .
* ليه بس
= إنت هتخسر حاجة لو إحترمت فنكوش وسمعت كلامه , سأكلمك بالمنطق الذى تعشقه فإنت لو ما إحترمتش الفنكوش فهو هيقعدك على خازوق ويشربك مية مجارى وبعدين يحط سيخ فى دبرك ليخترق جسدك ويخرج من رأسك ليقلبك على نار حامية كالشاه , ولو احترمته فهو هيجيبلك ويسكى تشيفاز فهل تعرفه ؟ أم متعود على منقوع البراطيش بتاع شبرا علاوة إنه هيجبلك نانسى عجرم وهيفاء وصوفينار وغيرهن وهيص يا عم .
* هزلت .. هوا ده المنطق بتاعك .. طب لا مشكلة عندى من إحترامه إذا كان موجود فأنا مش غاوى بهدلة ولكن كونه مش موجود فالإذعان للقصة دى يعنى إنى أرمى عقلى فى الزبالة وأستسلم لمخاوف مش موجودة وأوهام وتصورات أحد .. وبعدين الفنكوش ده فاتح بيت دعارة ولا كباريه ولا ماخور علشان النسوان والويسكى .
= إحترم نفسك
* يا عم مش إنت اللى قلت إن فيها نانسى عجرم وهيفاء وصوفينار وغيرهن وخمره ومزه .
= آه بس لو كنت هتحترم فنكوش وتسمع كلامه , ومش عاوز أقولك أن الفنكوش سيتولى بنفسه تخييط نانسى وهيفاء وصوفينار بعد ان تنكحهم ليجعلهم عذارى ,وإنت عارف لذة نكاح العذراء الضيقة عن المره اللى بهوقت من كتر النكاح .
* طب ازاى يخيط النسوان .
- المقصود بيخيطهم أى يعدهن أبكارا مثل ما يفعل الأطباء مع الفتيات التى تنفض بكارتهن لتستمع بحشر القضيب فى خرم ضيق , أما إذا كنت تقصد الوسيلة اللى بيخيط بيها, فهى إما ابرة وفتلة او بماكينة خياطة توماتيكى والله اعلم .
*أنا مش مصدق حكاية نكاح نانسى عجرم وهيفاء وهبى وصوفينار وغيرهن .
= ليه بقى .
* أقولك : إننا لن نمارس متع منفصلة فى اللازمن الخلودى , بمعنى لن يكون الا إتصال جنسى واحد مع إمرأة واحدة وللأبد بلا توقف أى عندما يبدأ الرجل الفعل الجنسى مع هيفاء مثلا فلن ينتهى من الممارسة ولن يتوقف أداءه أبد الدهر وذلك لأن الزمن لانهائى فمعنى أن يمارس مع هيفاء وينتهى من نكاحه فهو زمن , وعندما يبدأ ثانية معها أو مع غيرها فهو زمن فلكى يتحقق الخلود ولانهائية الزمن فيلزم ثبات الفعل وسرعته .!
= يعنى احلفلك براس الفنكوش انك هتنيك بالهبل .
* لا يا سيدى انا مش عاوز نسوان وخمره أنا عاوز إمرأة واحدة أحبها وMP3 عليه مزيكا .
- حد يسيب نسوان ومزز تحل من عالمشنقة ويقول عاوز موسيقى اللى هى عزف الشيطان .
* خلاص يا عم مش عاوز أى حاجة , أنا بس تماهيت فى كلامك ولن أسلم دماغى لخيالات إنسان شبق بائس كل أحلامه نسوان وويسكى .
- طب إديك اقتراح تانى .. تروح عند فنكوش وتسبحه وتمجده طوال اليوم الى الابد فلا أكل ولا نسوان ولا خمره .
* إيه الهم والخيبة دى أقعد أسبح وأمجد طول الوقت خالداً فى هذه الحالة .. ده كل الملل والزهقان والهم والغم .. دا انا كنت بصلى وأنا صغير وكنت اقول امتى تخلص بقى حاجة تقرف , فعاوزنى أسبح مدى الدهر ..كمان هذا فائدة ومزاج الفنكوش ولا توجد اى فائدة لى .!
= طب طالما إنت مش نافع معاك حاجة أذكرك بإتفاقيتك مع الفنكوش قبل ما تتولد بأن تطيعه وتسبحه .
* إنت مجنون ولا بتستهبل ولا شكلك كده .. هى البلد دى جرى فيها إيه .. روح يا إبنى اتعالج ..إتفاقية إيه دى بقى .. طب حضرتك تتذكر هذه الإتفاقية .
= بصراحة لا أتذكر أنا كمان ولكن الفنكوش قال إنكم لن تتذكرون الإتفاق .!
* إيه الخرف ده
= أنا إحترت معاك .كل ده علشان بقولك إحترم الفنكوش وتلتزم بأوامره .
* وإيه أوامره دى كمان .
= تاكل البيض مسلوقا ولا تأكله مقليا فهل هذا صعب , وكمان تزور المولد اللى بيقيمه كل سنه وتلف حول النصب المقدس .
* أنا أحب أأكل البيض مقليا وأنفر من أكله مسلوقا فماذا يضير الفنكوش من كده .. أما حكاية المولد والدوران حول نصبه , فهل هذا من إحتياجاته فإذا كان كذلك فهو شخصية مضطربة تخضع للإحتياج والنرجسية , وإذا كان هذا لا يؤثر فى مكانته فهو هنا متسلط عابث .. أفضل أن أذهب لحفلة للموسيقار راؤول دى باسيو .
= يعنى مفيش فايدة فيك .
* يا اخى إنت اللى حيرتنى بدماغك دى .. فلا إنت ولا اللى خلفوك عارفين حاجة عن الفنكوش , وكل ما تمتلكونه هو أن الفنكوش صانع الفخار أى أنتم تعيشون على ظنكم وإستنتاجاتكم وخيالاتكم الخاصة , والغريب أنكم لا تستطيعون إثبات أى فعل للفنكوش لتقولوا أصل مش معقول كل الحاجات دى من غير فعل الفنكوش .. طب روحوا إسألوا وإبحثوا وأكدوا هذه الظنون ولتقدموا لى شرائط فيديو أو معادلة لا تنحل إلا بوجود الفنكوش فى أحد أطرافها بدل ما توجعوا دماغى وعندما تؤكدون نظريتكم فلا معنى برضه أنى لا أسبح الفنكوش فهو عمل تلك الأشياء لذاته , وإذا كان بكل العظمة اللى بتحكى عنه فهو يكون تافه لو طلب منى أن أحترمه وأسبحه فهنا يصبح تحت الحاجة والتهافت .
------------
تنبيط – جزء اول .
http://www.ahewar.org/debat/show.art.asp?aid=386336
تنبيط – جزء ثان
http://www.ahewar.org/debat/show.art.asp?aid=442501
تنبيط – جزء ثالث .
http://www.ahewar.org/debat/show.art.asp?aid=509045
وإلى تنبيطات أخرى لكم منى كل المودة .
-"من كل حسب طاقته لكل حسب حاجته "- أمل الإنسانية القادم فى عالم متحرر من الأنانية والظلم والجشع .
#سامى_لبيب (هاشتاغ)
كيف تدعم-ين الحوار المتمدن واليسار والعلمانية
على الانترنت؟
|
ارسل هذا الموضوع الى صديق
|
حفظ - ورد
|
بحث
|
إضافة إلى المفضلة
|
للاتصال بالكاتب-ة
اليوتيوب
لينكدإن
تيلكرام
تمبلر
بلوكر
الموبايل
