لاتكَطع عليّ يا صاحبي أشتاكَيت

صفاء علي الدوري

الحوار المتمدن-العدد: 4228 - 2013 / 9 / 27 - 00:45
المحور: الادب والفن
    

لاتكَطع عليّ يا صاحبي أشتاكَيت
*****
لاتكَطع عليّ يا صاحبي أشتاكَيت
طلّاب المنــــــية جـايني أمعّــدل
وذبحت الشـوكَـ بية نــذر بأعتاب
بس تخطي يغـــالي ادموع تتنزل
ماتذكـر وليفك جـــــان لك سفّان؟
يشرأشراع روحه وحاجتك تسهل
ضيعت الأدروب التايهة أترجاك
نذر عمــــري يغالي بشوفتك ينذّل
جفيت بفركَتك ماكفن الدمعات...؟
بجيت اعيوني لأجلك والجفن هدّل
مايلتم عليّ ثـــــوب الصبر هتيان
ولا حياكة أهـدومي ترهم بمغزل
يحادي الشوكَـ بـس هونّها اترجاك
ومّر بأرض الغوالي وذاك الامدلل
ذبحت الروح فدوة لشوفتك قربان
بخيل الرد كـــريم ..شبيك ماتقبل؟
وأجـــــر الآه فــــــوكَـ الآه موال
وأكت ادموع عيني والجرح عّمل
يعمر أصــــــباي.... شيب وشاب
وصبغ لون العوارض والثلج جلجل
وغيم اجفــــــــوني معاند العبرات
مكسورة بدليلي مــن تحش منجل
وك يعمري الضــاع... آخ وأوف
شبقى بينا بعد مــــو كافـي نتأمل؟
أحلّ احبال صبري وعيني عالكَاع
وأخط اخطاي خايب والدمع وشلّ
ويذاك الراح خلّة بساكَتي العبرات
تجر جــرت ربــابه وخيطها مبّتل
ولشوفت وجهكم ضاع كل أحساب
وعديّت الســــوالف.. كَلبي يتوسل
تعال ارجــــــــوك .....ماظل لوم
خلص كل العمر حت الفرح عزّل
وكتب آخر عبارة خطها عالتيجان
غريب الليل صـــاير والنفس بطل


ـــــــــــــــــــــــــــــــــــــــــــــــــ
بقلم صفاء علي الدوري

#صفاء_علي_الدوري (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات