قصيده غنائيه

اكرم مهدي النشمي

الحوار المتمدن-العدد: 4075 - 2013 / 4 / 27 - 19:59
المحور: الادب والفن
    

يوطن يا الغالي ..يالماتغيب عن بالي
نشيل الشمع ….نشيل الدمع
وعله وجهك تضوي الليالي
انت الاصل ...انت الاهم
ويجي كل البشر من بعدك تالي
حملت ظيم وقهر..... خوف وسهر
بس يبقى سورك عالي
زاد على فراكك حزنه....وبغربتنه تيهنه بلدنه
تبقى انت وطنه وكنزنه الغالي
انت ذكرى الطفوله.... وطهاره الام الحموله
ابونه انت وانت الوالي
انت ضوه الكمر ….انت عرس ومهر
من بعدك ماكو بلد يحلالي
انت حلم وطيف....انت حر الصيف
باكوا ضحكتك شيوخ وملالي
فراكك صعب........زادوا بيك قتل ورعب
وانت شامخ وماتنزل راس للتالي
يوطن ياغالي......يالماتغيب عن بالي
انت شمه عطر قداح......واسمك وشم ماراح
وعمرنه من الفرح صبح خالي
نعيش الهم سوه......وبدونك ماكو لعلتنه دوه
تعال كابلني و شوف الجرا لي
حسبت ارجعلك باجر......ظليت بغربتي مهاجر
وغيرك وطن ماهوى لي
اسمك بالكلب وشم..... صارت شوفتك حلم
دومك ياعراق عله بالي

اكرم النشمي

#اكرم_مهدي_النشمي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات