بعيدا عن السياسة

عبدالله صقر

الحوار المتمدن-العدد: 3699 - 2012 / 4 / 15 - 19:15
المحور: الادب والفن
    

فى بلدنا الكل عاوز يلعب فى السياسة

بلا منهج أو خطة وبلا كياسة

فى بلدنا أختلط الحابل بالنابل

فى بلدنا لازال هناك أناس

بتسبح بالفلول

والناس غرقانة فى الديون

والهموم وأكل الفول

فى بلدنا رجالة عاوزين يرجعونا

لعصور الجاهلية

بوصفهم أخر سلالة أبو جهل

وأبو لهب والجلابية

عاوزين يرجعونا لعصر الخلافة

وعصر أبو حطب والوهابية

فى بلدنا الناس عاوزة تنام

والحكومة تصرف عليها

وإذا عملوا فابلمظاهرات

والآحتجاجات والوقفات

عشان يأخذوا القرش من إيديها

فى بلدنا فيه ناس عاوزين

يسرقوا الثورة

وفيه ناس عاوزين يحولوها لعورة

وفيه ناس عاوزين يحولوها

من ثورة نظامية لفوضى

وناس بتلدغ زى ثعبان الكبرى

فيه ناس عاوزين يسرقوا أحلامنا

ويدمرونا ويكسروا بخاطرنا وأمالنا

فى بلدنا الناس بتنام حزينة ودموعها

على بتنزل فى قلوبها أليمة

وبتقول أهى عيشة والسلام

بس يرجع لينا الهدوء والسلام

وفيه ناس عايشه وهى خايفه

من اللى هايجرى

الناس أصبحت خايفة من النهاردة

وناس خايفة من بكره

الناس خايفه من أعداء الوطن الى بتكره

15 / 4 / 2012

#عبدالله_صقر (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات