المستعار والوهمي/الجزء الثالث

عبد الرضا حمد جاسم

الحوار المتمدن-العدد: 3679 - 2012 / 3 / 26 - 13:56
المحور: المجتمع المدني
    

كلمات مموسقه الى كل من يكتب باسم وهمي:(نكرر احترامنا لكل من يتخذ اسما مستعارا ليكتب به ويقدم او من يحتار اسم للإيهام ليتفادى المخاطر او اسم وهمي و لا يستغله للإساءة للغير)
اليؤمن بالحقيقة صادق ويه الناس
وبأسمه الصريح يكون كاتب
يعلمها بعقلها تفسر الاشياء
وتستنتج تحلل...تحكم تجاوب
ويكَول اشما عرف وشما شاف
ويكَول الصحيح بوجه كل حاقد مشاغب
الوهمي من الوهم والوهم مذموم
وشما صِدَقْ مِنْ كِتِبْ هو موارب
مثل ذاك اليغطي بالعسل سم
ويقدمه شهي عذب للشارب
الوهم هو الدجل...والدجال نصاب
هذا الوصف أله و المثله مناسب
يا لتؤمن بالوهم انظر التؤمن بيه
شجر علبشر شدات او مصايب
فاشل وما تعرف الاعراب
و لا انت فعلاً للفعل عارب
تحلة بالشجاعة وضحي للناس
والناس بكل وكت تذكر الواثب
لا تكتب بسم وهمي لن الاسماء
حفظها بكل وكت لازم او واجب
يلتنصح الناس اكشف المستور
مو بس تدعي علوهم غاضب
يلتكتب بسم وهمي احسب احساب
الدهر دولاب يفتر يفتح ابواب
ويبين اشوراها من شوائب
وأحسابه بكل وكت احسن احساب
ما بيه ابد غش لو تلاعب
تتصور انت تنفع الناس
وانت باسم وهمي منها هارب
الخايف... بكل وكت مركوب
والوهمان خايف... ما يوم راكب
يلي تكَول انت تخدم الناس
علمها الصراحة وعلصدق واضب
كلش خطر انت ومؤذي للناس
مثل الما يعرف يعلم بس يعاقب
البس يعاقب يردح ويه الصفكَات
ويحسبها بكل وكت بحساب المكاسب
الاسم الحقيقي أيْريحْ كل الناس
وينصف من حضر والجان غايب
يبقه اسمه امانه عند الاجيال
والاجيال ما خانت اسم حرٍ مطالب
يكَول فلان...كَال فلان..
منهو فلان واحدهم يجاوب
يرد فلان...ذك فلان
ألي بأسم وهمي جان كاتب
يرد فلان...ذك فلان!!!
الضيع المركوب والراكب
العالم بالضوه يتنافس اليوم
وانت بدامس الظلمة تكَول احارب
تحاربن يعمي بالوهم والخفية
بالحرب مهزوم انت وبالعلم راسب
امشي بالضوه تنحسب من الناس
وتصير الهم اخو ناصح مخاطب
وبغير الضوه محجوز الك موقع
خارج التاريخ وبأدنى المراتب

#عبد_الرضا_حمد_جاسم (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات